13-Mar-2025

ଆଗଲପୁର, (ବିନୋଦ ଦୀପ) ଆଗଲପୁର ବ୍ଲକ କୃଷି ଅଧିକାରୀ ଶ୍ରୀ ଆଶିଷ କୁମାର ପାଣିଗ୍ରାହୀ ଙ୍କ ଉଦ୍ୟମ ରେ ନୁନିଆପାଲି ପଞ୍ଚାୟତ ଅନ୍ତର୍ଗତ ଅମରାମୁଣ୍ଡା ଗ୍ରାମରେ ଚାଷୀ ଶ୍ରୀ ପବିତ୍ର ସାହୁ ଙ୍କ ବିଲ ରେ ପରୀକ୍ଷା ମୂଳକ ଭାବରେ ଚୀୟା ନାମକ ଏକ ଫସଲ ଚାଷ ଆରମ୍ଭ କରା ଯାଇଛି l କୃଷିବିଭାଗ ର ସହଯୋଗ ତଥା ବ୍ଲକ୍ କୃଷି ଅଧିକାରୀଙ୍କ ପୂର୍ଣ୍ଣ ତତ୍ତ୍ଵାବଧାନରେ ଏହି ଚାଷ ଠିକ୍ ସମୟରେ ଅମଳ ହୋଇ ପାରିଛି l ଆଜି ବ୍ଲକ୍ କୃଷି ଅଧିକାରୀ ଓ ତାଙ୍କ ଟିମ୍ ଚାଷ କରାଯାଇଥିବା ବିଲକୁ ଆସି ପରିଦର୍ଶନ କରିଥିଲେ l ବିଲକୁ ପରିଦର୍ଶନ କରି ଚାଷ ହୋଇଥିବା କ୍ଷେତ ଦେଖି ଖୁସିବ୍ୟକ୍ତ କରିଛନ୍ତି। ପରୀକ୍ଷା ମୂଳକ ଭାବରେ ପ୍ରଥମ କରି କରା ଯାଉଥିବା ଫସଲ ଠିକ୍ ଭାବରେ ଉଚିତ୍ ସମୟରେ ଅମଳ ହୋଇଥିବା କୃଷି ଅଧିକାରୀ ସୂଚନା ଦେଇଛନ୍ତି। ଏହା ଏକ ମଞ୍ଜି ମାଣ୍ଡିଆ ଭଳି ଠିକ୍ ଦେଖିବାକୁ। ଏହା ଦୁଇ ପ୍ରକାରର ରଙ୍ଗ ରେ ଉପଲବ୍ଧ। କଳା ଓ ଧଳା ରଙ୍ଗରେ ଉପଲବ୍ଧ।

ଏହା ଖାଇବା ଦ୍ଵାରା ମଣିଷ ଶରୀରରେ ବିଭିନ୍ନ ପ୍ରକାରର ଭିଟାମିନ ପ୍ରଦାନ କରିଥାଏ l ଏହି ଖାଦ୍ୟ ରେ ବହୁ ପରିମାଣରେ ଫାଇବର ଓ ନିଉଟ୍ରୀୟସ ଭିଟାମିନ ମିଳିଥାଏ l ଏହି ଶସ୍ୟ ଖାଇବା ଦ୍ବାରା ଶରୀରକୁ ଶିଥିଲତା ଅନୁଭବ ହୋଇଥାଏ, ଏହା ଗରମ ତଥା ଖରା ଝାଳ ରୁ ରକ୍ଷା କରିଥାଏ l ଏଥିରେ ଓମେଗା ଥ୍ରୀ ଟସିକ୍ସ ଓ ହେଟିଏସିସ ନାମକ ଦୁଇଟି ଭିଟାମିନ ପ୍ରଚୁର ପରିମାଣ ରେ ଥାଏ। ଏହି ଚାଷ ପାଇଁ ଆଗକୁ ଚାଷୀ ମାନଙ୍କୁ ଉତ୍ସାହିତ କରାଯିବ ବୋଲି ଅଧିକାରୀ ସୂଚନା ଦେଇଛନ୍ତି। ଆଜି କ୍ଷେତ ପରିଦର୍ଶନ ସମୟରେ  କୃଷି ଅଧିକାରୀ ଙ୍କ ସମେତ ଶ୍ରୀ ବୈକୁଣ୍ଠ ଜଗତ ଗ୍ରାମ୍ୟ କୃଷି ଅଧିକାରୀ, ଶ୍ରୀ ବସନ୍ତ ଛୁରା ଗ୍ରାମ୍ୟ କୃଷି ଅଧିକାରୀ ଉପସ୍ଥିତ ଥିଲେ। ତା ସହିତ ହରି ହର୍ ହଂସ ଏ ଟି ଏମ ଓ କୃଷକ ସାଥୀ ବିଭୂତି ପଧାନ୍ ଉପସ୍ଥିତ ଥିଲେ l