16-Jan-2021

ବଲାଙ୍ଗୀର, (ସନ୍ତୋଷ କୁମାର ଠାକୁର)- ସାରା ଦେଶ ବର୍ତ୍ତମାନ କରୋନା ବିରୁଦ୍ଧରେ ଅନ୍ତିିମ ଲଢ଼େଇ କରିବାକୁ ଯାଉଛି । ଆମ ଦେଶରେ ପହଂଚି ସାରିଛି କରୋନା ଭେକ୍ସିନ । ସବୁ ଭୟ ଓ ଆଶଙ୍କା ଓ ଅନ୍ତ ଘଟାଇ ଆଜି  ଏହି କ୍ରମରେ ଆଜି ବଲାଙ୍ଗୀର ଭୀମ ଭୋଇ ହସ୍ପିଟାଲରେ ପ୍ରଥମ ଥର ପାଇଁ ୧ଠ ଜଣଙ୍କୁ କରୋନା ଟୀକା ଦିଆଯାଇଛି । ଚେଷ୍ଟ୍ ସ୍ପେଷାଲିଷ୍ଟ ତଥା ଭେକ୍ସିନ ଇନଚାର୍ଜ ଡ. ଗିରିଜା ଉଦ୍‌ଗାତାଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ତଥା ବଲାଙ୍ଗୀର ସିଡିଏମ୍‌ଓ ଡ. ଭୀମ ସାହୁ, ଏଡିଏମ୍‌ଓ, ମେଡିକାଲ ଷ୍ଟାଫ୍‌, ନର୍ସ ଓ ସ୍ୱାସ୍ଥ୍ୟ କର୍ମୀ ମାନଙ୍କ ଉପସ୍ଥିତିରେ କୋଭେକ୍ସିନ ଟୀକା ପ୍ରଦାନ କରାଯାଇଥିଲା । ଟୀକା ପ୍ରଦାନ ସମୟରେ ବଲାଙ୍ଗୀର ଜିଲ୍ଲାପାଳ ଚଂଚଲ ରାଣା, ବଲାଙ୍ଗୀର ଏସ୍‌ପି, ଅନ୍ୟ ସରକାରୀ ଅଧିକାରୀ ଓ ଗଣମାଧ୍ୟମର ପ୍ରତିନିଧି ମାନେ ଉପସ୍ଥିତ ଥିଲେ । ପ୍ରଥମ ଟୀକାର ମାସକ ପରେ ଆଉ ଗୋଟିଏ ଟୀକା ପ୍ରଦାନ କରାଯିବ ଏବଂ ଟୀକା ପ୍ରଦାନ ପରେ ଯଦି କୌଣସି ପାଶ୍ୱର୍ ପ୍ରତିକ୍ରିୟା ଦେଖାଯାଏ ତେବେ ସଂପୃକ୍ତ ଡାକ୍ତରଙ୍କ ସହ ପରାମର୍ଶ କରିବାକୁ ଅନୁରୋଧ କରିଛନ୍ତି ଭେକ୍ସିନ ଟୀକା ଦାୟିତ୍ୱରେ ଥିବା ନର୍ସ । ଆଜି ପ୍ରଥମ ୧ଠ ଜଣଙ୍କୁ ଏହି କୋଭେକ୍ସିନ ଟୀକା ପ୍ରଦାନ ପରେ ଜିଲ୍ଲା ପ୍ରସାସନ ସମେତ ଜନସାଧାରଣଙ୍କ ମଧ୍ୟରେ କରୋନାକୁ ନେଇ ରହିଥିବା ଭୟ ଓ ଆଶଙ୍କା କିଛିକାଂଶରେ ଦୂରିଭୂତ ହୋଇଛି । ତେବେ କରୋନା ଟୀକା ନେଲା ପରେ ମଧ୍ୟ ମାସ୍କ ପିନ୍ଧିବା, ସାନିଟାଇଜେସନ ଓ ସାମାଜିକ ଦୂରତା ଅବଲମ୍ବନ ବଜାୟ ରଖିବାକୁ ଜିଲ୍ଲା ସ୍ୱାସ୍ଥ୍ୟ ବିଭାଗ ପକ୍ଷରୁ ଲୋକଙ୍କୁ ପରାମର୍ଶ ଦିଆଯାଇଛି ।