13-Feb-2025

ଆଜି ବରୀ ବ୍ଲକ କାର୍ଯ୍ୟାୟର ସମ୍ମିଳନୀ କକ୍ଷରେ ପଂଚାୟତ ସମିତିର ବୈଠକ ଅନୁଷ୍ଠିତ ହୋଇଛି। ଉକ୍ତ ବୈଠକ ବରୀ ପଂଚାୟତ ସମିତି ଅଧକ୍ଷ ଅଶୋକ କୁମାର ଗେଡ଼ି ସଭାପତିତ୍ୱ କରିଥିବା ବେଳେ ବରୀ ବିଧାୟକ ବିଶ୍ୱ ରଞ୍ଜନ ମଲ୍ଲିକ, ଉପଧ୍ୟକ୍ଷା ଅର୍ଚନା ମଲ୍ଲିକ,ମଣ୍ଡଳ ଉନ୍ନୟନ ଅଧିକାରୀ ଅସିତ କୁମାର ମହାନ୍ତି, ଅତିରିକ୍ତ ମଣ୍ଡଳ ଉନ୍ନୟନ ଅଧିକାରୀ ମହେଶ୍ୱର ସେଠି,ଙ୍କ ସମେତ ୪ଗୋଟି ଜିଲ୍ଲା ପରିଷଦ ଜୋନ ସଭ୍ୟ ସଭ୍ୟା ଏବଂ ଏହି ବ୍ଲକ ଅଧିନସ୍ଥ ସରପଂଚ, ସମିତି ସଭ୍ୟା ମାନେ ଯୋଗ ଦେଇ ଆଲୋଚନାରେ ଅଂଶ ଗ୍ରହଣ କରିଥିଲେ। ଉନ୍ନୟନ ମୂଳଜ କାର୍ଯ୍ୟକୁ ସରକାର ଗୁରୁତ୍ୱ ଦେଉଥିବା ବେଳେ ବ୍ଲକ ପ୍ରଶାସନ ର କାଳ କ୍ଷେପଣ ନୀତି ଯୋଗୁଁ ଉନ୍ନୟନ ମୂଳକ କାର୍ଯ୍ୟ ସଠିକ ସମୟରେ କାର୍ଯ୍ୟ ହୋଇ ନ ପାରୁଥିବାରୁ ଲୋକ ପ୍ରତିନିଧି ମାନେ ସାଧାରଣ ଲୋକଙ୍କ ନିକଟରେ ଅପଦସ୍ଥ ହେବା ସହିତ ଲୋକ ଙ୍କର ଆକ୍ରୋଶର ଶିକାର ହେଉଛନ୍ତି। ବିଶେଷ କରି ଗତ ବାତ୍ୟା ଦାନା ସମୟରେ ବରୀ ବ୍ଲକ ର ୨୯ଗୋଟି ପଂଚାୟତ ମଧ୍ୟରୁ ନିର୍ଦ୍ଧିଷ୍ଟ ପଂଚାୟତର ଲୋକ ମାନଙ୍କୁ ପଲିଥିନ ଯୋଗାଇ ଦେବା ଓ ବହୁ କ୍ଷେତି ଗ୍ରସ୍ତ ପରିବାର ପଲିଥିନ ପାଇବାରୁ ବଂଚିନ୍ତ ହେବା ଘଟଣାକୁ ନେଇ ସଭା ଗୃହରେ ଉପସ୍ଥିତ ସଭ୍ୟ ସଭ୍ୟା ମାନେ ଅସନ୍ତୋଷ ପ୍ରକାଶ କରିଥିଲେ। ରାଜ୍ୟ ସରକାର ଙ୍କ ସଚିବାଳୟ ଓ ବିଭିନ୍ନ ସରକାରୀ କାର୍ଯ୍ୟକ୍ରମ ରେ ଗଣମାଧ୍ୟମ ପ୍ରତିନିଧି ମାନେ ଅନାୟାସ ରେ ପ୍ରବେଶ କରିବା ସହିତ ତଥ୍ୟ  ସଂଗ୍ରହ କରି ଖବର ପ୍ରକାଶ କରୁଥିଲେ ମଧ୍ୟ ବରୀ ବ୍ଲକର ସମିତି ବୈଠକରେ ବରୀ ଅଂଚଳର ମୁଦ୍ରିତ ଓ ବୈଦତ୍ୟୁକ ଗଣ ମାଧ୍ୟମ ପ୍ରତି ନିଧି ମାନଙ୍କୁ ସମିତି ବୈଠକରେ ଉପସ୍ଥିତ ରହି ସହ ଯୋଗ କରିବାକୁ ବ୍ଲକ ପ୍ରଶାସନ ତରଫରୁ ପତ୍ର ମାଧ୍ୟମରେ ବିଗତ ଦିନରେ ଅବଗତ କରାଯାଇଥାଏ। କିନ୍ତୁ ଆଜିର ବୈଠକରେ ଗଣମାଧ୍ୟମ ପ୍ରତିନିଧି ମାନଙ୍କୁ ଡକା ନ ଯିବା ପଛରେ କଣ ରହସ୍ୟ ରହିଛି ତାହା ସାଧାରଣରେ ଆଲୋଚନାର ବିଷୟ ହୋଇଛି। ଗଣମାଧ୍ୟମ ପ୍ରତିନିଧି ମାନଙ୍କୁ ଅଣ ଦେଖା କରିବା ଘଟଣାକୁ ନେଇ ଏହି ଅଂଚଳର ଗଣ ମାଧ୍ୟମ ପ୍ରତିନିଧି ମାନେ ମେଲ ଯୋଗେ  ଜିଲ୍ଲାପାଳ ଯାଜପୁରକୁ ଅବଗତ କରିଛନ୍ତି।

(ରଞ୍ଜିତ ମହାନ୍ତିଙ୍କ ରିପୋର୍ଟ)