12-Feb-2025

ବରଗଡ଼ :(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ପଦ୍ମପୁର ବ୍ଲକ ଅନ୍ତର୍ଗତ ବୁବୁଡା ଗ୍ରାମରେ ଆସନ୍ତା ମାର୍ଚ୍ଚ ୨୮ ରୁ ୩୦ ପର୍ଯ୍ୟନ୍ତ ଷୋହଳ ପ୍ରହରୀ ନାମଯଜ୍ଞ ଅନୁଷ୍ଟିତ ହେବ ,ଏନେଇ ବୁବୁଡା ନାମଯଜ୍ଞ କମିଟି ପକ୍ଷରୁ ସୂଚନା ଦିଆଯାଇଛି |  ସଂକୀର୍ତ୍ତନ ଜଗତର ଜଣାଶୁଣା ଜୌସ୍ନାମୟୀ ଦିକ୍ଷିତ,ସୁଶାନ୍ତ ସାହୁ, ବରିକେଲ ସଂକୀର୍ତ୍ତନ ମଣ୍ଡଳୀ,ଇନପୁର ସଂକୀର୍ତ୍ତନ ଦଳ ,ବିରିପାଲି ସଂକୀର୍ତ୍ତନ ମଣ୍ଡଳୀ,ମାଣ୍ଡିଆଢିପା ସଂକୀର୍ତ୍ତନ ମଣ୍ଡଳୀ ଓ ଆଖ ପାଖ ଅଞ୍ଚଳର ସଂକୀର୍ତ୍ତନ ଦଳ ଯୋଗଦାନ କରିବେ ବୋଲି କମିଟି ପକ୍ଷରୁ ସୂଚନା ପ୍ରଦାନ କରାଯାଇଛି | ପ୍ରଥମ ଦିବସରେ କଳସ ଶୋଭାଯାତ୍ରା ନାମଶୁଭାରମ୍ଭ କରାଯିବ | ସମସ୍ତ ଶ୍ରଦ୍ଧାଳୁ ମାନଙ୍କ ପାଇଁ ଜଳଛତ୍ର ଏବଂ ଅନ୍ନ ଛତ୍ରର ବ୍ୟବସ୍ଥା କରାଯିବ | ବହୁ ସଂଖ୍ୟାରେ ଶ୍ରଦ୍ଧାଳୁ ମାନେ ଯୋଗଦାନ କରିବାକୁ ବୁବୁଡା ନାମଯଜ୍ଞ କମିଟି ପକ୍ଷରୁ ନିମନ୍ତ୍ରଣ କରାଯାଇଛି |