12-Feb-2025

ବରଗଡ଼:(ନିରଞ୍ଜନ ତ୍ରିପାଠୀ)-ପାଇକମାଳ ବ୍ଲକ ଅନ୍ତର୍ଗତ ବରତୁଣ୍ଡା ଗ୍ରାମ ପଞ୍ଚାୟତ ସମ୍ପତ୍ତି କୁ ବିକ୍ରି କରୁଥିବା ଚକ୍ରାନ୍ତ କୁ ପଣ୍ଡ କରିଦେଇଛନ୍ତି ବରତୁଣ୍ଡା ଗ୍ରାମ ପଞ୍ଚାୟତବାସୀ।ସୂଚନା ଯୋଗ୍ୟ ଯେ ୧୯୫୪ ମସିହାରୁ ଆରମ୍ଭ ହୋଇଥିବା ବରତୁଣ୍ଡା ବଜାର ଆଜି ପର୍ଯ୍ୟନ୍ତ ନିୟମିତ ଭାବେ ଚାଲି ଆସିଛି। ବିଗତ ୧୯୬୭-୭୭ ମସିହା ରେ ବରତୁଣ୍ଡା ବଜାର ପାଇଁ ୫ଏକର ୭୫ଡି.ମିି.ଜମି କିଣା ଯାଇ ଦଖଲ କରିଆସୁଛି।ଯାହାକି ଉକ୍ତ ଜମିକୁ ବଲାଙ୍ଗୀର ଜିଲ୍ଲାର ବଙ୍ଗୋମୁଣ୍ଡା ବ୍ଲକ ଛିନ୍ଦେଇକେଲା ବିନୋଦ ଜୈନ କିଣି ଥିବା ନେଇ ଆଜି ରାଜସ୍ୱ ବିଭାଗ ଦ୍ଵାରା ଡିମାରକେସନ କରାଯାଉ ଥିବାବେଳେ ପଞ୍ଚାୟତବାସୀ ପକ୍ଷରୁ ବିରୋଧ କରାଯାଇଥିଲା।ଏ ନେଇ ଆଜି ସରପଞ୍ଚ ରୀତା ସୁନା ଙ୍କ ଅଧ୍ୟକ୍ଷତାରେ ଏକ ଗୁରୁତ୍ବପୂର୍ଣ୍ଣ ବୈଠକ ଅନୁଷ୍ଠିତ ହୋଇଥିଲା।ଏହି ବୈଠକରେ ବରତୁଣ୍ଡା ଗ୍ରାମ ପଞ୍ଚାୟତ ସମେତ ଜାମସେଠ,କାଂସଡ଼ା ଗ୍ରାମ ପଞ୍ଚାୟତ ର ବରିଷ୍ଠ ବ୍ୟକ୍ତି ମାନେ ଯୋଗ ଦେଇଥିଲେ। ପଞ୍ଚାୟତ ସମ୍ପତ୍ତି କୁ କାହାରି ହାତରେ ଟେକି ଦିଆ ଯିବ ନାହିଁ ବୋଲି ଏହାର ଘୋର ବିରୋଧ କରାଯିବ ବୋଲି ସଂକଳ୍ପ ନେଇଥିଲେ।ଏହି ସମ୍ପତ୍ତି କୁ ପାଇକମାଳ ତହସିଲଦାର କିପରି ରେଜିଷ୍ଟ୍ରି କଲେ ଓ ସେ ପଞ୍ଚାୟତ ସମ୍ପତ୍ତି ବୋଲି ଜାଣି ବି ଏଥି ପ୍ରତି ଦୃଷ୍ଟି ଦେଲେ ନାହିଁ ବୋଲି ଜନସାଧାଣରେ ମତ ପ୍ରକାଶ ପାଇଥିଲା। ଆହୁରି ମଧ୍ୟ ଏହି ସମ୍ପତ୍ତି କୁ ପାଇକମାଳ ର ଜୈନିକ ବ୍ୟବସାୟୀ କିଣି ପୁଣି ବିକ୍ରି କରି ଦେଇଥିବା ଓ ଆଜି ତାର ଡିମାରକେସନ କରୁଥିବା ବେଳେ ପଞ୍ଚାୟତ ବାସୀଙ୍କ ବିରୋଧ ର ସମ୍ମୁଖୀନ ହୋଇଥିଲେ।ଏନେଇ ଆଜି ପାଇକମାଳ ତହସିଲଦାର ଙ୍କୁ ବରତୁଣ୍ଡା ଗ୍ରାମ ପଞ୍ଚାୟତବାସୀଙ୍କ ପକ୍ଷରୁ ବରତୁଣ୍ଡା ଗ୍ରାମ ପଞ୍ଚାୟତ ସରପଞ୍ଚ ରୀତା ସୁନା,ୱାର୍ଡମେମ୍ବର ବୃନ୍ଦାବତୀ ବିନାଟ,ୱାର୍ଡ ମେମ୍ବର କୌଶଲ୍ୟା ଧରୁଆ,ଗଙ୍ଗାଧର ସାହୁ,ଧନୀରାମ ଭୋଇ,ରିଜିବି ମହମ୍ମଦ,ବିଜୟ ପଟ୍ଟନାୟକ,ରାଜେନ୍ଦ୍ର ପ୍ରଧାନ,ବିଶ୍ୱନାଥ ବାଗ,ଧିରେନ୍ ମହାନ୍ତି,ସହଦେବ ସାହୁ,ବଳଦେବ କରେଇ,ଦୁର୍ଯୋଧନ ପୁଟା,ରୁକ୍ମଣ ଧରୁଆ,ଗୋବିନ୍ଦ ସୁନା,ନରସିଂହ ବନଛୋର,ବିଜୟ ସିଂ ଭୁଏ,ଉମାକାନ୍ତ ବାଗ,ନିତ୍ୟାନନ୍ଦ ଭୋଇ, ପ୍ରମୁଖ  ୩୧ ଜଣିଆ କମିଟି ଭେଟି ଦାବୀ କରିଛନ୍ତି।ପଞ୍ଚାୟତ ସମ୍ପତ୍ତି କୁ କାହାକୁ ହସ୍ତାନ୍ତର କଲେ ତାର ପରିଣାମ ପ୍ରଶାସନ  ହିଁ ଦାୟୀ ହେବେ ବୋଲି ଚେତାବନୀ ମଧ୍ୟ ଦେଇଛନ୍ତି।