14-Jan-2021

 ପାଟଣାଗଡ଼, (ଗୋରେଖନାଥ ବରିହା)- ବଲାଙ୍ଗୀର ଜିଲ୍ଲା ପାଟଣାଗଡ଼ ବ୍ଲକ ସାଲେପାଲି ଗ୍ରା:ପ: ଅନ୍ତର୍ଗତ ନିଲିଯିବାହାଲ ଗ୍ରାମରେ ଏକ ଡ୍ୟାମ(MIP) ନିର୍ମାଣ କାର୍ଯ୍ୟ ପାଇଁ ଦୀର୍ଘ ୪୦ବର୍ଷ ପୂର୍ବରୁ ଜାଗା ଚିହ୍ନଟ କରି ଜଳସମ୍ପଦ ବିଭାଗରୁ ଅନେକ ଥର ଅଧିକାରୀ ମାନେ ଆସି ଅନୁଧ୍ୟାନ ସହ ଟିକିନିକି ନିରୀକ୍ଷଣ କରିସାରିଛନ୍ତି । କିନ୍ତୁ ରାଜନୈତିକ ଇଛାଶକ୍ତି ଅଭାବ ଓ ସରକାରଙ୍କ ଚାଷୀପ୍ରତି,ଅଞ୍ଚଳ ପ୍ରତି ବୈମାତୃକ ମନୋଭାବ ଯୋଗୁଁ ଦେଶ ସ୍ଵାଧୀନ ହେବାର ଦୀର୍ଘ ତିନି ଦଶନ୍ଧି ହୋଇଯାଇଥିଲେ ସୁଦ୍ଧା ଆଜିଯାଏଁ ଏହି ଛୋଟ ଡ୍ୟାମ ନିର୍ମାଣ ହୋଇପାରିନାହିଁ । ଏହି ଡ୍ୟାମ ନିର୍ମାଣ ହେଲେ ଆଖପାଖ ଅଞ୍ଚଳର ପ୍ରାୟ୧୦ଗୋଟି ଗାଁ ର ଚାଷୀ ତଥା ଜନସାଧାରଣ ଚାଷ କାର୍ଯ୍ୟ କରିବା ପାଇଁ ଉପକୃତ ହୋଇପାରିବେ ଓ ସ୍ଥାନୀୟ ଜଳସ୍ଥର ମଧ୍ୟ ଅନେକ ମାତ୍ରାରେ ବଢ଼ିପାରିବ । ସରକାର ବାହାଦୂର ପ୍ରତିଶ୍ରୁତି ଦେଇଥିଲେ ୩୩%ଜଳସେଚନ କରିବାକୁ କିନ୍ତୁ ଦୁଃଖର ବିଷୟ ଦେଶ ସ୍ବାଧୀନତାର ଦୀର୍ଘ ୭ଦଶନ୍ଧି ପୁରିଯାଇଥିଲେ ସୁଦ୍ଧା ଆଜି ପର୍ଯ୍ୟନ୍ତ ୦% ଜଳସେଚିତ ସହ ଏହି ଛୋଟ ଡ୍ୟାମ ନିର୍ମାଣ ହୋଇପାରିନାହିଁ ।ଡ୍ୟାମ ନିର୍ମାଣ ଦାବିନେଇ ଆଜି ପାଟଣାଗଡ଼ ବ୍ରମହପୁରା ରଥଭଟା ଠାରୁ ଶତାଧିକ ଚାଷୀ ଏକ ଶୋଭାଯାତ୍ରାରେ ସହର ପରିକ୍ରମା କରି ଉପଜିଲ୍ଲାପାଳ ପାଟଣାଗଡ଼ ଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ ସହ ଉପଜିଲ୍ଲାପାଳଙ୍କ ଜରିଆରେ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରାଯାଇଛି । ଏହି  ଆନ୍ଦୋଳନ ଜିଲ୍ଲା କୃଷକ ସଙ୍ଗଠନର ସମ୍ପାଦକ  ଜତି ପଧାନ ଙ୍କ ନେତୃତ୍ବରେ ହୋଇଥିଲା ଏଥିରେ ଯୁବ ଆଦିବାସୀ ନେତା ଶ୍ରୀ ଗିରିଧାରୀ ଭୋଇ ,ସାଲେପାଲି ସରପଞ୍ଚ ଶ୍ରୀ ସରୋଜ କୁମାର ଭୋଇ, କପୁରଚନ ଧରୁଆ, ମନୋଜ କୁମାର ଲୁହା  ପ୍ରତିବାଦ ସଭାରେ ସରକାରଙ୍କ ଚାଷୀ ମାରଣ ନୀତି ପ୍ରତିବାଦ ରେ ଜୋର ବର୍ଷିଥିଲେ । ଅନ୍ୟ ମାନଙ୍କ ମଧ୍ୟରେ ହେମସଗାର ଭୋଇ, ଲିଙ୍ଗରାଜ ଭୋଇ, ମଦନ ଥପା, ବସନ୍ତ ଗରୁଡ଼, ବିବେକ ନାଗ, ଦଶରଥ ଦୀପ, ସୁକାନ୍ତି ଭୋଇ, କେଶବ ଭୋଇ ସମେତ ଶତାଧିକ ଚାଷୀ ଯୋଗଦେଇ ଆନ୍ଦୋଳନ କୁ ସହଯୋଗ କରିଥିଲେ ।