08-Feb-2025

ବରଗଡ଼:(ନିରଞ୍ଜନ ତ୍ରିପାଠୀ)-ନିରନ୍ତର ଅଭ୍ୟାସ ଓ କଠିନ ପରିଶ୍ରମ ମାଧ୍ୟମ ରେ ହିଁ ସଫଳତା ମିଳେ ବୋଲି ବରଗଡ଼ ବ୍ଲକ ଆନୁକୁଲ୍ୟରେ ମ୍ୟାଟ୍ରିକ ମେଧାବୀ ଛାତ୍ର ଛାତ୍ରୀ ଙ୍କ ପାଇଁ ଉଦ୍ଦିଷ୍ଟ ଇଗ୍ନାଇଟେଡ -୫୦ ଉଦଯାପନୀ ସମାରୋହ ରେ ମତ ପ୍ରକାଶ ପାଇଛି ବରଗଡ଼ ସମଲେଶ୍ଵରୀ ଉଚ୍ଚ ବିଦ୍ୟାଳୟ ଆମ୍ବାପଳି ଠାରେ ଶନିବାର ଆୟୋଜିତ ଏହି କାର୍ଯ୍ୟକ୍ରମ ରେ ବିଦ୍ୟାଳୟ ର ପ୍ରଧାନ ଶିକ୍ଷକ ସର୍ବେଶ୍ଵର ରଥ ଅଧ୍ୟକ୍ଷତା କରିଥିବା ବେଳେ ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଜ୍ୟୋତି କାନ୍ତ ସାହୁ ଯୋଗ ଦେଇ ମ୍ୟାଟ୍ରିକ ରେ ଭଲ ପରୀକ୍ଷା ଫଳ ପାଇଁ ବରଗଡ଼ ବ୍ଲକ ର ଉଦ୍ୟମ କୁ ଭୂୟସୀ ପ୍ରଶଂସା କରିଥିଲେ ।ଏହି କାର୍ଯ୍ୟକ୍ରମ ର  ମୁଖ୍ୟ ଉଦ୍ୟୋକ୍ତା ବରଗଡ଼ ବିଇଓ ଡ ସୁରେନ୍ଦ୍ର କୁମାର ସାହୁ ସମ୍ମାନିତ ଅତିଥି ଭାବେ ଯୋଗ ଦେଇ ଦୀର୍ଘ ୨୦ ସପ୍ତାହ ଧରି ବରଗଡ଼ ବ୍ଲକ ର ସାଧନ କର୍ମୀ ଶିକ୍ଷକ ଶିକ୍ଷୟିତ୍ରୀ ଓ ପ୍ରଧାନ ଶିକ୍ଷକ ମାନେ ପ୍ରତି ଶନିବାର  ଛାତ୍ର ଛାତ୍ରୀ ଙ୍କ ସନ୍ଦେହ ମୋଚନ କରିବା ସହ ମାଗଣା ଶିକ୍ଷାଦାନ କରିଥିବାରୁ ସମସ୍ତ ଙ୍କୁ ଧନ୍ୟବାଦ୍ ଜଣାଇଥିଲେ । ଟାଉନ ଉଚ୍ଚ ବିଦ୍ୟାଳୟ ପ୍ରଧାନ ଶିକ୍ଷକ ମନମୋହନ ତ୍ରିପାଠୀ ,ସରକାରୀ ବାଳିକା ଉଚ୍ଚ ବିଦ୍ୟାଳୟ ପ୍ରଧାନ ଶିକ୍ଷୟିତ୍ରୀ ଶାନ୍ତି ସୁନା ଗାଇସିମା ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ଶିବ ଶଙ୍କର ଦାଶ ଅଡଗାଁ ଉଚ୍ଚ ବିଦ୍ୟାଳୟ ପ୍ରଧାନ ଶିକ୍ଷକ ଯୁଧିଷ୍ଟିର ଦାଶ  ପ୍ରମୁଖ ମଞ୍ଚାସୀନ ରହି ଇଗ୍ନାଇଟେଡ଼ - ୫୦ ଏକ ଅଭିନବ ପ୍ରୟାସ ଏହା ଦ୍ବାରା ଆମ ବ୍ଲକ ର ଛାତ୍ର ଛାତ୍ରୀ  ଆଗାମୀ ମ୍ୟାଟ୍ରିକ ପରୀକ୍ଷା ରେ ଅଧିକ ରୁ ଅଧିକ ସଂଖ୍ୟା ରେ ଏ ୱାନ୍ ଗ୍ରେଡ ପାଇ ଜିଲ୍ଲା ର ଗୌରବ ବୃଦ୍ଧି ରେ ସହାୟକ ହେବ ବୋଲି ଉଲ୍ଲେଖ କରିଥିଲେ ।ସାଧନ କର୍ମୀ ମାନିନୀ ଦାଶ ଧନ୍ୟବାଦ୍ ଅର୍ପଣ କରିଥିଲେ