08-Feb-2025

ବରଗଡ଼:(ନିରଞ୍ଜନ ତ୍ରିପାଠୀ)-ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର କଟାପାଲି ଆନୁକୁଲ୍ୟରେ ବରଗଡ଼ ରାଣା ପ୍ରତାପ ସ୍କୁଲ ପରିସର ରେ ଶନିବାର ବରଗଡ଼ ବ୍ଲକ ସ୍ତରୀୟ ଜାତୀୟ କୃମି  ନାଶକ ଦିବସ ପାଇଁ ଏକ ଦିବସୀୟ ପ୍ରଶିକ୍ଷଣ ଶିବିର ଅନୁଷ୍ଟିତ ହୋଇ ଯାଇଛି । ଡି ପି ଏମ ଶିଶିର କୁମାର ପଣ୍ଡା ଙ୍କ ସଂଯୋଜନା ଓ ଡ଼ ଶିବ କୁମାର ଅଗ୍ରୱାଲ ଙ୍କ ପ୍ରତ୍ୟକ୍ଷ ତତ୍ବାବଧାନରେ ଅନୁଷ୍ଟିତ ଏହି କାର୍ଯ୍ୟକ୍ରମକୁ ବରଗଡ଼ ବିଇଓ ଡ଼ ସୁରେନ୍ଦ୍ର କୁମାର ସାହୁ ମୁଖ୍ୟ ଅତିଥି ଭାବେ ଯୋଗ ଦେଇ ଶୁଭ ଉଦ୍ଘାଟନ କରିବା ସହ କୃମି ସଂକ୍ରମଣ କୁ ସହଜ ରେ ରୋକିବା ପାଇଁ ଆସନ୍ତା ୧୦  ତାରିଖ ରେ  ଅନୁଷ୍ଟିତ ହେବାକୁ ଥିବା କୃମି ନାଶକ ବଟିକା ପ୍ରଦାନ  ରେ କିପରି ୧ ରୁ ୧୯ ବର୍ଷ ବୟସ ର ପିଲାମାନେ ବଟିକା ଖାଇବେ ସେ ସଂପର୍କ ରେ ସୂଚନା ପ୍ରଦାନ କରିଥିଲେ ।ଏଥି ସହିତ ଯେଉଁ ମାନେ ରହି ଯାଇଥିବେ ସେମାନଙ୍କୁ  ୧୭ ତାରିଖ ରେ ବଟିକା ପ୍ରଦାନ କରାଯିବ ବୋଲି ଉଲ୍ଲେଖ କରିଥିଲେ ।  ଅନ୍ୟ ମାନଙ୍କ ମଧ୍ୟରେ ଡ଼ ଶ୍ରୀନିବାସ ଦେବତା,ପି ଏଚ ଇ ଓ
କୁମୁଦ ବନ୍ଧୁ ବାଗ ଏ ବି ଇ ଓ ଦିଲ୍ଲୀପ କୁମାର ମେହେର ପ୍ରମୁଖ ଯୋଗ ଦେଇ ବରଗଡ଼ ବ୍ଲକ ରେ କିପରି ଏହି କାର୍ଯ୍ୟକ୍ରମ କୁ ସଫଳତା ର ସହ ଆୟୋଜନ କରାଯିବ ସେ ବିଷୟ ରେ ଉପସ୍ଥିତ ଶିକ୍ଷକ ଶିକ୍ଷୟିତ୍ରୀ ଙ୍କୁ ପ୍ରଶିକ୍ଷଣ ପ୍ରଦାନ କରିଥିଲେ । ବ୍ଲକ ର ୧୩ ଟି କ୍ଲଷ୍ଟର ରୁ ୧୫୦ ରୁ ଉର୍ଦ୍ଧ୍ବ ଶିକ୍ଷକ ଶିକ୍ଷୟିତ୍ରୀ ଏହି ଶିବିର ରେ ଅଂଶ ଗ୍ରହଣ କରିଥିଲେ । ପ୍ରଧାନ ଶିକ୍ଷକ ସୁଦୀପ କୁମାର ରଥ ଧନ୍ୟବାଦ୍ ଅର୍ପଣ କରିଥିଲେ ।