08-Feb-2025

ନୂଆପଡା ଜିଲ୍ଲା ଖଡ଼ିଆଳ ସହର ସ୍ଥିତ ରାଜା ଏ. ଟି ହାଇସ୍କୁଲ ଖେଳ ପଡିଆ ଠାରେ କଲା, ସଂସ୍କୃତି, ଐତିହ୍ୟ, ସାହିତ୍ୟ ତଥା ଲୋକ କଲା ର ବାର୍ତ୍ତା ବହ ସାଜିଥିବା ଖଡ଼ିଆଳ ମହୋତ୍ସବ ୧୯ ତମ ସଂସ୍କରଣ ଶୁକ୍ରବାର ଉଦଯାପିତ ହୋଇଯାଇଛି l ଉଦଯାପନୀ ସମାରୋହ ରେ ଖଡ଼ିଆଳ ବିଧାୟକ ଅଧୀରାଜ ମୋହନ ପାଣିଗ୍ରାହୀ ଅଧ୍ୟକ୍ଷତା ରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାଵ ରେ ପୂର୍ବତନ ମନ୍ତ୍ରୀ ପ୍ରଣବ ପ୍ରକାଶ ଦାସ, ସମ୍ମାନୀତ ଅତିଥି ଭାବେ ଧର୍ମଗଡ଼ ବିଧାୟକ ଦିବ୍ୟ ଶଙ୍କର ମିଶ୍ର, ଜୟପୁର ବିଧାୟକ ତାରା ପ୍ରସାଦ ବାହିନୀପତି, ବିଧାୟକ ବରି ବିଶ୍ୱ ରଞ୍ଜନ ମଲ୍ଲିକ, ଖଡ଼ିଆଳ ବିଜ୍ଞାପିତ ଅଞ୍ଚଳ ପରିଷଦ ଅଧ୍ୟକ୍ଷ ଉଜ୍ଜ୍ୱଳ ଗୁପ୍ତା ଯୋଗଦାନ କରି ଖଡ଼ିଆଳ ମହୋତ୍ସବ ଅଞ୍ଚଳ ର ବିଲୁପ୍ତ କଲା ଐତିହ୍ୟ, ସଂସ୍କୃତି, ସାହିତ୍ୟ ତଥା ଲୋକ କଲା ର ବାର୍ତ୍ତା ବହ ସାଜିଥିବା ରୁ ଅନେକ ଅନେକ ସାଧୁବାଦ ଅର୍ପଣ କରିଥିଲେ l ବୋଡେ଼ନ ବିଜୁ ପଟ୍ଟନାୟକ ମହାବିଦ୍ୟାଳୟ ର ପ୍ରାଧ୍ୟାପକ ସାମୁଏଲ ଦାନୀ ସ୍ୱାଗତ ସମ୍ଭାଷଣ ଓ ଅତିଥି ପରିଚୟ ପ୍ରଦାନ କରିଥିବା ବେଳେ ସମାଜ ସେବୀ ଅକ୍ଷୟ କୁମାର ନନ୍ଦ ଧନ୍ୟବାଦ ଅର୍ପଣ କରିଥିଲେ l ପରେ ଷ୍ଟାର ନାଇଟ୍ ରେ ପ୍ରସିଦ୍ଧ ବଲିଉଡ ଗାୟକ ଜାଭେଦ ଅଳି ଙ୍କ ରଙ୍ଗା ରଙ୍ଗ ସାଂସ୍କୃତିକ କାର୍ଯ୍ୟକ୍ରମ କରାଯାଇଥିଲା l ଷ୍ଟାର ନାଇଟ୍ ରେ ଲକ୍ଷାଧିକ ଜନସାଧାରଣ ଙ୍କ ସମାଗମ ହୋଇଥିବା ଦେଖିବାକୁ ମିଳିଥିଲା l ପାଞ୍ଚ ଦିନ ଧରି ଚାଲିଥିବା ଖଡ଼ିଆଳ ମହୋତ୍ସବ କାର୍ଯ୍ୟକ୍ରମ ରେ ମହୋତ୍ସବ କମିଟି ର ସଭାପତି ଜିତେନ୍ଦ୍ର ନାଥ ପଟ୍ଟନାୟକ, ସମ୍ପାଦକ ସୁନୀଲ କୁମାର ସାହୁ, ଉପ ସଭାପତି ବିଶ୍ୱଜିତ ପାଢ଼ୀ, ବରିଷ୍ଠ କର୍ମ କର୍ତ୍ତା ସୁଶାନ୍ତ କୁମାର ତାଣ୍ଡି, ଗିରିଧାରୀ ବିଭାର, ପବିତ୍ର ମୋହନ ପ୍ରଧାନ, ଗଙ୍ଗାଧର ମହାଉତି, ଅମରେଶ କୁମାର ପଟ୍ଟନାୟକ, ସୁରେନ୍ଦ୍ର କୁମାର, ଭୋଦେବ ସାହୁ ସମେତ ମହୋତ୍ସବ କମିଟି ର ସମସ୍ତ ସଦସ୍ୟ ମାନେ ସହଯୋଗ କରିଥିଲେ l

[ନୂଆପଡା ଜିଲ୍ଲା ରୁ ପରମେଶ୍ୱର ମେହେରଙ୍କ ରିପୋର୍ଟ ]