06-Feb-2025

ମେଳାରେ ଯୋଗ ଦେଲେ ଶତାଧିକ ଛାତ୍ରଛାତ୍ରୀ ଏବଂ ଅଭିଭାବକ
 ଫୁଲବାଣୀ (କ୍ଷୀରୋଦ ଜୁମାର ସାହାଣୀଙ୍କ ରିପୋର୍ଟ ) କନ୍ଧମାଳ ଜିଲ୍ଲା ଖଜୁରୀପଡ଼ା ବ୍ଲକ ଅନୁର୍ଗତ ଗୁଦାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ  ନିପୁଣ ଓଡ଼ିଶା ମେଳା ଅନୁଷ୍ଠିତ ହୋଇଯାଇଛି !ଏଥିରେ ମୁଖ୍ୟ ଅତିଥି ଭାବେ ଖଜୁରୀପଡ଼ା ଗୋଷ୍ଠୀ ଶିକ୍ଷା ଅଧିକାରୀ  ଶ୍ରୀ ବିନୋଦ ବିହାରୀ ଦିଗାଲ ଯୋଗ ଦେଇ ଆନୁଷ୍ଠାନିକ ଭାବେ ନିପୁଣ ଓଡ଼ିଶା ମେଳାକୁ ଉଦଘାଟନ କରିଥିଲେ ! ବରେଣ୍ୟ  ଅତିଥି ମାନଙ୍କ ମଧ୍ୟରେ  ଅତିରିକ୍ତ ବ୍ଲକ ଶିକ୍ଷା ଅଧିକାରୀ ଶ୍ରୀମତୀ ଜ୍ୟୋସ୍ନାରାଣୀ ମଲ୍ଲିକ, ଗୁଦାରୀ ପଞ୍ଚାୟତର ୱାର୍ଡ଼ ମେମ୍ବର ପଦ୍ମଚରଣ କହଁର, ବିଦ୍ୟାଳୟ ପରିଚଲାନା କମିଟି ସଭାପତି ସୁଜିତ କୁମାର ଯାନୀ, ଗୁଦାରୀ ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ରୁଦ୍ରାୟିନୀ ଦାନୀ ପ୍ରମୁଖ ଉପସ୍ଥିତ ରହିଥିଲେ ! ଗୁଦାରୀ ଆଞ୍ଚଳିକ ସାଧନ କେନ୍ଦ୍ରର ସଂଯୋଜିକା ସୁଜାତା କୁମାରୀ ପ୍ରଧାନ ମେଳା ପରିଚାଳନା କରିଥିଲେ ! ମେଳାରେ ନଅ ଗୋଟି ବିଦ୍ୟାଳୟର ସମସ୍ତ ଏଫ.ଏଲ.ଏନ ଶିକ୍ଷୟତ୍ରୀ, ଛାତ୍ରଛାତ୍ରୀ ଏବଂ ଅବିଭାବକ ମାନେ ମିଳିତ ଭାବେ ଯୋଗ ଦେଇଥିଲେ ! ମେଳାରେ ବିଭିନ୍ନ ପ୍ରକାର ପାଠ୍ୟ ଖସଡ଼ା ଶିକ୍ଷଣୀୟ ଉପକରଣ ଏବଂ ଶିକ୍ଷଣୀୟ ସାମଗ୍ରୀ ପ୍ରଦର୍ଶିତ କରାଯାଇଥିଲା ! ପ୍ରତ୍ୟେକ ବିଦ୍ୟାଳୟରୁ ଆସିଥ‌ିଲା ଶିକ୍ଷଣୀୟ ସାମଗ୍ରୀ ଗୁଡ଼ିକୁ 4 ଟି ଷ୍ଟଲରେ  ବିଭକ୍ତ କରାଯାଇ ପ୍ରଦର୍ଶିତ କରାଯାଇଥିଲା !ଏଥିରେ ଛାତ୍ର ଛାତ୍ରୀ ଏବଂ ଅଭିଭାବକ ମାନଙ୍କୁ ମୌଳିକ ସାକ୍ଷାରତା ଏବଂ ସଂଖ୍ୟାଜ୍ଞାନ ଉପରେ ସଚେତନତା କରାଯାଇଥିଲା ! ଏହା ସହିତ ନିପୁଣ ଓଡ଼ିଶା ଗଠନ ପାଇଁ ସମସ୍ତେ ଶପଥ ନେଇଥିଲେ !ମେଳାରେ ବିଭିନ୍ନ ବିଦ୍ୟାଳୟର ଛାତ୍ର ଛାତ୍ରୀ ମାନେ ବିଭିନ୍ନ ଆକର୍ଷଣୀୟ ସାଂସ୍କୃତିକ ନୃତ୍ୟ ଗୀତ ପରିବେଷଣ କରିବା ସହିତ ନିପୁଣ ଓଡ଼ିଶା ସେଲଫି ପଏଣ୍ଟରେ ସମସ୍ତେ ଫୋଟ ଉଠାଇଥିଲେ !ଶେଷରେ ମୂଳଗୁଦାରୀ ପ୍ରାଥମିକ ବିଦ୍ୟାଳୟର  ଶିକ୍ଷୟତ୍ରୀ ସଂଯୁକ୍ତା ଦିଗାଲ ସମସ୍ତଙ୍କୁ ଧନ୍ୟବାଦ ଦେଇ ମେଳାକୁ  ଉଦଯାପିତ କରିଥିଲେ ! ଉକ୍ତ ମେଳାରେ ବିଭିର୍ଣ୍ଣ ବିଦ୍ୟାଳୟ ର ଛାତ୍ର ଛାତ୍ରୀ ମାନଙ୍କ ସହିତ ଅଭିଭାବକ ମାନେ ସକ୍ରିୟ ଅଂଶ ଗ୍ରହଣ କରି ବହୁ ପରିମାଣରେ ଖୁସି ବ୍ୟକ୍ତ କରିଥିଲେ, ଓ ଏଭଳି କାର୍ଯ୍ୟକ୍ରମ କରାଯିବା ଦ୍ୱାରା ଛାତ୍ର ଛାତ୍ରୀ ମାନଙ୍କର ଶିକ୍ଷା ଗ୍ରହଣ ଉପରେ ଅଧୀକ ଆଗ୍ରହ ସୃଷ୍ଟି କରିବା ସହିତ ପାଠ୍ୟ ବିଷୟ ବସ୍ତୁ ବୁଝିବାରେ ସହାୟକ ହୋଇପାରିବ ବୋଲି ଅଭିଭାବକ ମାନେ ପ୍ରକାଶ କରିଥିଲେ |