06-Feb-2025

ଲୋଇସିଂହା/ଆଗଲପୁର, (ପ୍ରେରଣା ଖବର) ଆଜି ଓଡିଶା ର ସମସ୍ତ ବ୍ଲକ ରେ ଆମ ଗାଁ ବିକଶିତ ଓଡିଶା କାର୍ଯ୍ୟକ୍ରମ ଚାଲିଥିବା ବେଳେ ଉକ୍ତ କାର୍ଯ୍ୟକ୍ରମ ଲୋଇସିଂହା ଓ ଆଗଲପୁର ବ୍ଲକ ର କାର୍ଯ୍ୟାଳୟ ପରିସରରେ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ମୋହନଚରଣ ମାଝୀ ସିଧା ପ୍ରସାରଣ ଭରଚୱାଲ ମାଧ୍ୟମରେ କରିଥିଲେ l ଆଗଲପୁର ଓ ଲୋଇସିଂହା ବିଡ଼ିଓ ମହାପାତ୍ର କୁଲଦୀପ ମହାନ୍ତି ଙ୍କ ତତ୍ୱାବଧାନ ରେ ଅନୁଷ୍ଠିତ କାର୍ଯ୍ୟକ୍ରମ ରେ ଲୋଇସିଂହା ବ୍ଲକ ରେ ଅଧ୍ୟକ୍ଷ ଯତୀନ୍ଦ୍ର ପଟେଲ ଓ ଆଗଲପୁର ବ୍ଲକ ରେ ବ୍ଳକ୍ ଅଧ୍ୟକ୍ଷା ଶ୍ରୀମତୀ ଗୀତାଞ୍ଜଳି ଦାସ ଯୋଗ ଦେଇଥିଲେ l ଏହାସହ ଅତିଥି ଭାବରେ ବ୍ଲକ୍ ଉପାଧ୍ୟକ୍ଷା, ଜିଲ୍ଲା ପରିଷଦ ସଭ୍ୟା, ଏମଏଲଏ ପ୍ରତିନିଧି, ସାଂସଦ ପ୍ରତିନିଧି, ବ୍ଲକ ର ବିଭିନ୍ନ ବିଭାଗ ର ଅଧିକାରୀ, ଏ.ଇ. ଇ, ଯେ. ଇ, ପିଇଓ ତଥା ବିଜେପି କର୍ମକର୍ତା ଉପସ୍ଥିତ ଥିଲେ l କାର୍ଯ୍ୟକ୍ରମ ରେ ମୁଖ୍ୟତଃ ମୌଳିକ ଭିତ୍ତିଭୂମି ବିକାଶ ସହ ଗ୍ରାମୀଣ ଯୋଗାଯୋଗ ବ୍ୟବସ୍ଥା ର ସୁଦୃଢ଼ୀକରଣ l

ବିଶେଷ ଭାବରେ ଅନୁନ୍ନତ ଜନଜାତି ସମୁଦ୍ଦାୟ (ପିଭିଟିଜି) ବସବାସ କରୁଥିବା ଅଂଚଳରେ ଆଭ୍ୟନ୍ତରୀଣ ଓ ଅନ୍ତଃ ଗ୍ରାମ୍ୟ ସଡ଼କ ସଂଯୋଗୀକରଣ l ଖୁଦ୍ର ପର୍ୟ୍ୟଟନୀ ସ୍ଥଳୀ ର ବିକାଶ ଓ ଉନ୍ନତିକରଣ l ଶିକ୍ଷା ଓ କ୍ରୀଡା ଭିତ୍ତିଭୂମି ର ସମ୍ପ୍ରସାରଣ ଓ ଆଧୁନିକକରଣ l ନୂତନ ଅଭିନଵ ଜନମଙ୍ଗଲକାରୀ ବହୁମୁଖୀ ପ୍ରକଳ୍ପ ର ନିର୍ମାଣ ଓ କାର୍ଯ୍ୟନ୍ଵୟନ କୁ ମୁଖ୍ୟମନ୍ତ୍ରୀ ଦୃଷ୍ଟି ଆକର୍ଷଣ କରିଥିଲେ l ତା ସହିତ ବ୍ଲକ୍ କାର୍ଯ୍ୟାଳୟ ର ସମସ୍ତ ଅଧିକାରୀ ମଧ୍ୟ ପୂର୍ଣ୍ଣ ସହଯୋଗ କରିବା ସହ ବିଭିନ୍ନ ପଞ୍ଚାୟତ ର ଜନ ପ୍ରତିନିଧି ମାନେ ମଧ୍ୟ ଉକ୍ତ କାର୍ଯକ୍ରମ ରେ ଯୋଗ ଦାନ କରିଥିଲେ। ବ୍ଲକ୍ ର ବିଭିନ୍ନ ପଞ୍ଚାୟତ ରୁ ଶତାଧିକ ସଂଖ୍ୟାରେ ସ୍ଵୟଂ ସହାୟକ ଗୋଷ୍ଠୀ ର ମହିଳା ମାନେ ଆସି ଶୁଭ ଉଦ୍ଘାଟନ କାର୍ଯକ୍ରମ ରେ ଯୋଗ ଦେଇଥିଲେ l ବିଭିନ୍ନ ପ୍ରକାରର ସାଂସ୍କୃତିକ କାର୍ଯକ୍ରମ ମାଧ୍ୟମରେ ସରକାରଙ୍କ ବିଭିନ୍ନ ଯୋଜନା ଉପରେ ଜନ ସାଧାରଣ ଙ୍କୁ ଅବଗତ କରିଥିଲେ l ଅତି ସୁନ୍ଦର୍ ଭାବରେ ଆଜିର ଏହି ବିକଶିତ ଗାଁ ବିକଶିତ ଓଡ଼ିଶା କାର୍ଯ୍ୟକ୍ରମ ଉଭୟ ଦୁଇ ବ୍ଲକ୍ ରେ ଶୁଭାରମ୍ଭ ହୋଇଯାଇଛି l ସମସ୍ତ ଅତିଥି ମାନେ ସରକାରଙ୍କ ଏହି ଯୁଗାନ୍ତ କରି ପଦକ୍ଷେପ କୁ ଖୁବ ପ୍ରଶଂସା କରିଥିଲେ। ତା ସହିତ ଓଡ଼ିଶା ର ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ମୋହନ୍ ଚରଣ ମାଝି ଙ୍କୁ ମଧ୍ୟ ଧନ୍ୟବାଦ୍ ଦେବା ସହିତ ସରକାର ଙ୍କୁ ଧନ୍ୟବାଦ ଜଣାଇ ଥିଲେ। ଏହି କାର୍ଯକ୍ରମ ମାଧ୍ୟମରେ ଓଡ଼ିଶାର ସ୍ବାସ୍ଥ୍ୟ ମନ୍ତ୍ରୀ ଡକ୍ଟର ମୁକେଶ ମହାଳୀଙ୍ଗ ମଧ୍ୟ ରାଜ୍ୟ ବାସୀଙ୍କୁ ଅଭିନନ୍ଦନ ଜ୍ଞାପନ କରିବା ସହିତ ମାନ୍ୟବର ମୁଖ୍ୟମନ୍ତ୍ରୀ ଙ୍କୁ ମଧ୍ୟ ଅଶେଷ ଅଶେଷ କୃତଜ୍ଞତା ଜ୍ଞାପନ କରିଛନ୍ତି। ଏହା ଦ୍ବାରା ଗ୍ରାମର ମୌଳିକ ସମସ୍ୟା ସବୁ ଦୂର ହୋଇ ପାରିବ ବୋଲି ସମସ୍ତ ଅତିଥି ସୂଚନା ଦେଇଛନ୍ତି l ଆଗଲପୁର ବ୍ଲକ ରେ କାର୍ଯକ୍ରମ କୁ ସୁନ୍ଦର ଭାବରେ ପରିଚାଳନା କରିଥିଲେ ଯନ୍ତ୍ରୀ ଶ୍ରୀ ଦୁର୍ଗାପ୍ରସାଦ ମିଶ୍ର l