05-Feb-2025

ଲୋଇସିଂହା, (ବିନୋଦ ଦୀପ) ବଲାଙ୍ଗୀର ଜିଲ୍ଲା ଲୋଇସିଂହା ଥାନା ଅନ୍ତର୍ଗତ ରୁଗୁଡିଖାଲ ରାମମନ୍ଦିରରେ ନବ ଦିନାତ୍ମକ ବିଶ୍ୱଶାନ୍ତି ଶ୍ରୀରାମ ଚରିତ ମାନସ ଯଜ୍ଞ ଅନୁଷ୍ଠିତ ହେଉଛି l ଏହି ଅବସରରେ ଚାଲିଥିବା ରାମଚରିତ ମାନସ ପାରାୟଣର  ଅଯୋଧ୍ୟା କାଣ୍ଡ ଓ  ଭରତ ମିଳନ କଥାବସ୍ତୁ ରହିଥିଲା । ରାମାୟଣର ଗୀତି ନାଟକ ଓ ରାବଣ ଦରବାର ଆୟୋଜିତ ହୋଇଥିଲା । ଏଠାରେ ରବୀନ୍ଦ୍ର ସାହୁ ରାବଣ ଭୂମିକାରେ ଅଭିନୟ କରୁଛନ୍ତି । ସାଂସ୍କୃତିକ ସନ୍ଧ୍ୟାର ମୁଖ୍ୟଅତିଥି ଲୋଇସିଂହା ଓ ଆଗଲପୁର ବିଡିଓ ମହାପାତ୍ର କୁଲଦୀପ ମହାନ୍ତି, ଜିଲା ସଂସ୍କୃତି ଅଧିକାରୀ ରଶ୍ମି ରଞ୍ଜନ ମିଶ୍ର, ବୁଢୀପଦର ସରପଞ୍ଚ ଲକ୍ଷ୍ମୀ ପଧାନ, କମିଟିର ସ‌ହସମ୍ପାଦକ ମଧୁସୂଦନ ପଧାନ, ସାମ୍ୱାଦିକ ସୁଶାନ୍ତ ବାରିକ ସମ୍ମାନିତ ଅତିଥି ଭାବେ ଯୋଗଦେଇଥିଲେ । ମୁଖ୍ୟଅତିଥି ତାଙ୍କ ବକ୍ତବ୍ୟରେ ପ୍ରଭୁ ଶ୍ରୀରାମଚନ୍ଦ୍ରଙ୍କ ଆଦର୍ଶରେ ଅନୁପ୍ରାଣିତ ହେବାକୁ ଜନସାଧାରଣକୁ ନିବେଦନ କରିଥିଲେ । ଏହାଛଡା ଅତିଥୁମାନେ ଚାଷ ଓ ଚାଷୀଙ୍କ ହକ୍ ପାଇଁ ଲୋୟର ସୁକତେଲ ପ୍ରକଳ୍ପରୁ ବାଦ ପଡୁଥିବା ବୃହତ୍ ଅଞ୍ଚଳକୁ ଜଳସେଚନ କରିବା ଦିଗରେ ଗୁରୁଦ୍ୱାରୋପ କରିଥିଲେ ସମ୍ମାନିତ ଅତିଥି ସାମ୍ୱାଦିକ ସୁଶାନ୍ତ ବାରିକ। ସଭାକାର୍ଯ୍ୟକୁ ବାବା ରଘୁନାଥ ନନ୍ଦ ଓ ସରୋଜ ବିଶ୍ୱାଳ ପରିଚାଳନା କରିଥିଲେ l