05-Feb-2025

ଗତ ୨୪ବର୍ଷ ଶାସନରେ ଯେଉଁ କାମ ହୋଇପାରିନାହିଁ ତାକୁ ତ୍ୱରାନ୍ୱିତ କରିବ ଭାଜପା ସରକାର : ମୁଖ୍ୟମନ୍ତ୍ରୀ 

କଣ୍ଟାମାଳ(ଜୟ କୁମାର ମହାରଣା):  ଓଡିଶାରେ ଗ୍ରାମାଞ୍ଚଳର ବିକାଶ ରାସ୍ତାରେ ରାଜନୀତିର ଆବଶ୍ୟକତା ନାହିଁ,ଏହି ବିକାଶ ପ୍ରକ୍ରିୟାରେ ସମସ୍ତେ ଯୋଡି ହେବାକୁ ଆଜି ଖୋର୍ଦ୍ଧା ଜିଲ୍ଲାର ଜଙ୍କିଆ ମିନି ଷ୍ଟାଡିଅମ ରେ ଆୟୋଜିତ ‘ବିକଶିତ ଗାଁ ବିକଶିତ ଓଡିଶା’ ଯୋଜନାର ଶୁଭାରମ୍ଭରେ ଯୋଗଦେଇ ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ନିଜ ଅଭିଭାଷଣ ରେ କହିଥିଲେ  l ସେ ଆହୁରି ମଧ୍ୟ କହିଥିଲେ ଯେ ଆମ ଓଡିଶା ନବୀନ ଓଡିଶା ନାଆଁରେ ଲୋକଙ୍କୁ ଭୁଆଁ ବୁଲାଇବା, ୫-ଟି ନାଆଁରେ ଭୋଟ ବ୍ୟାଙ୍କର ଅସ୍ତ୍ର କରିବା ସହ ଅର୍ଥର ସଦ ବିନିଯୋଗ ନ ହେବା,କାଳିଆ ଯୋଜନାରେ ଚାଷୀଙ୍କ ଆର୍ଥିଜ ସ୍ଥିତିର ଉନ୍ନତି ପରିବର୍ତ୍ତେ  ଚାଷୀଙ୍କ ଋଣ ବୋଝ ବଢ଼ାଯାଇଛି,ନିର୍ବାଚନ ଆସିଲେ ନୁଆଁ ନୁଆଁ ଯୋଜନା ର ଶୁଭାରମ୍ଭ ହୁଏ, ନିର୍ବାଚନ ସରିଗଲେ ସେହି ଯୋଜନା ଯୋଜନାରେ ରହିଯାଏ ଏବଂ ଗତ ୨୪ବର୍ଷ ଶାସନ କାଳରେ ଯେଉଁ କାମ ହୋଇପାରି ନାହିଁ ତାହାକୁ ତ୍ୱରାନ୍ୱିତ କରିବ ଭାଜପା ସରକାର ବୋଲି  କହିଥିଲେ  l 

 ଏହି ଯୋଜନାର ଶୁଭ ଉଦ୍ଘାଟନ କାର୍ଯ୍ୟକ୍ରମର ସିଧାପ୍ରସାରଣକୁ ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ସଦର ହାଇସ୍କୁଲ ପଡିଆରେ ବ୍ଲକ ପ୍ରଶାସନ ପକ୍ଷରୁ ଆୟୋଜିତ ଏଲଇଡ଼ି ସ୍କ୍ରିନ ରେ ଆଭାସୀ ଜରିଆରେ ଦେଖିଥିଲେ କଣ୍ଟାମାଳବାସୀ l  କଣ୍ଟାମାଳ ବିଡ଼ିଓ ସାମି ଜୟଶ୍ରୀ ରେଡ୍ଡୀ ଙ୍କ ଅଧ୍ୟକ୍ଷତାରେ ଆୟୋଜିତ ଉକ୍ତ ଉଦ୍ଘାଟନୀ କାର୍ଯ୍ୟକ୍ରମ ରେ କଣ୍ଟାମାଳ ବିଧାୟକ କହ୍ନେଇ ଚରଣ ଡାଙ୍ଗ ମୁଖ୍ୟଅତିଥି ଓ ସମ୍ମାନୀତ ଅତିଥିଭାବେ ଜିଲ୍ଲାପରିଷଦ ଉପାଧ୍ୟାକ୍ଷ ଶଙ୍କର୍ଷଣ ପ୍ରଧାନ, କଣ୍ଟାମାଳ ପଞ୍ଚାୟତ ସମିତି ଅଧ୍ୟକ୍ଷା ଶ୍ରୀମତୀ ସସ୍ମିତା ସେନାପତି, ଉପାଧ୍ୟକ୍ଷ ମହେନ୍ଦ୍ର ରଣା, ଜିଲ୍ଲାପରିଷଦ ସଦସ୍ୟା ପଦ୍ମାଳୟା ପ୍ରଧାନ, ସିଡିପିଓ କଣ୍ଟାମାଳ ସମେତ ବିଜେପିର କର୍ମକର୍ତ୍ତା, ବ୍ଲକ ର ସହକାରୀ ନିର୍ବାହୀ ଯନ୍ତ୍ରୀ, ସମସ୍ତ କନିଷ୍ଠ ଯନ୍ତ୍ରୀ, ପିଇଓ, ସରପଞ୍ଚ, ସମିତିସଭ୍ୟ, ବୁଦ୍ଧିଜୀବୀ ଆଦି ଯୋଗଦେଇ ଆଭାସୀ ଜରିଆରେ ଓଡିଶା ମୁଖ୍ୟମନ୍ତ୍ରୀ ଶ୍ରୀଯୁକ୍ତ ମୋହନ ଚରଣ ମାଝିଙ୍କ କରକମଳରେ ହୋଇଥିବା ବିକଶିତ ଗାଁ ବିକଶିତ ଓଡିଶା ଯୋଜନାର ଶୁଭ ଉଦଘାଟନ ଦେଖିଥିଲେ l  ଉଦ୍ଘାଟନୀ ସମାରୋହରେ ଅନ୍ୟମାନଙ୍କ ମଧ୍ୟରେ 
ପଞ୍ଚାୟତିରାଜ ଓ ପାନୀୟ ଜଳ ଯୋଗାଣ ବିଭାଗ ମନ୍ତ୍ରୀ ରବିନାରାୟଣ ନାୟକ ,ଏକାମ୍ର ବିଧାୟକ ବାବୁ ସିଂହ,ଖୋର୍ଦ୍ଧା ବିଧାୟକ ପ୍ରଶାନ୍ତ ଜଗଦେବ,ଖୋର୍ଦ୍ଧା ଜିଲ୍ଲାପରିଷଦ ସଭାପତି ରୂପଶ୍ରୀ ରାଣୀ ଗୁମାନସିଂହ ପ୍ରମୁଖ ଯୋଗଦେଇ ୫ବର୍ଷିଆ ଏହି ଯୋଜନା ରେ ଗ୍ରାମାଞ୍ଚଳର ମୌଳିକ ଭିତିଭୂମି ବିକାଶ ସହ ଗ୍ରାମୀଣ ଯୋଗାଯୋଗ ବ୍ୟବସ୍ଥାର ସୁଦୃଢ଼ୀକାରଣ, ବସବାସ କରୁଥିବା ଅନୁନ୍ନତ ଜନଜାତି ସମୁଦାୟ ଅଂଚଳକୁ ଗ୍ରାମ୍ୟ

ସଡ଼କ ଯୋଜନା, କ୍ଷୁଦ୍ର ପର୍ଯ୍ୟଟନ ସ୍ଥଳୀର ବିକାଶ ଓ ଉନ୍ନତିକାରଣ, ଶିକ୍ଷା ଓ କ୍ରୀଡା ଭିତ୍ତିଭୂମିର ସମ୍ପ୍ରସାରଣ ଓ ଆଧୁନିକିକରଣ, ନୂତନ ଅଭିନଵ ଜନମଙ୍ଗଳକାରି ବହୁମୁଖୀ ପ୍ରକଳ୍ପର ନିର୍ମାଣ ଓ କାର୍ଯ୍ୟାନ୍ୱୟନ କ୍ଷେତ୍ରରେ ୫ବର୍ଷ ମଧ୍ୟରେ ୫ହଜାର କୋଟି ଟଙ୍କାର ବ୍ୟୟବରାଦ ସମ୍ପର୍କରେ କହିବା ସହ ୨୪ବର୍ଷର ବିଜେଡି ସରକାର ର ବିଫଳତା ସମ୍ପର୍କରେ ବକ୍ତବ୍ୟ ରଖିଥିଲେ  l  ପଞ୍ଚାୟତିରାଜ ଓ ପାନୀୟ ଜଳ ଯୋଗାଣ ବିଭାଗ ନିର୍ଦେଶକ ଜ୍ୟୋତି ପ୍ରକାଶ ଦାସ କାର୍ଯ୍ୟକ୍ରମ ପରିଚାଳନା କରିଥିବା ବେଳେ ଖୋର୍ଦ୍ଧା ଜିଲ୍ଲାପାଳ ଚଞ୍ଚଳ ରଣା ସଭା ପରିଚାଳନା ଓ ଧନ୍ୟବାଦ ଦେଇଥିଲେ   l