29-Jan-2025

ଲୋଇସିଂହା, (ବିନୋଦ ଦୀପ) ଆଜି ଲୋଇସିଂହା ବ୍ଲକ ସଭା ଗୃହରେ ପଂଚାୟତ ସମିତି ବୈଠକ ଅନୁଷ୍ଠିତ ହୋଇଥିଲା l ବ୍ଲକ ଅଧ୍ୟକ୍ଷ ଯତୀନ୍ଦ୍ର ପଟେଲ ଙ୍କ ସଭାପତିତ୍ୱ ରେ ଅନୁଷ୍ଠିତ କାର୍ଯ୍ୟକ୍ରମ ରେ ଉପସ୍ଥିତ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ଅକ୍ଷୟପାଣି ଉଦ୍ଦୁ ଯୋଗ ଦେଇଥିବା ବେଳେ ବିଧାୟକ ଙ୍କ ପ୍ରତିନିଧି ଗୌରାଙ୍ଗ ନାଏକ, ସାଂସଦ ଙ୍କ ପ୍ରତିନିଧି ବାଲକୃଷ୍ଣ ଧରୁଆ, ଜିପିଓ କିଶୋରଚନ୍ଦ୍ର ମାନସିଂହ, ଏ ଇ ସିଦ୍ଧାର୍ଥ ପାଢ଼ୀ, ବିଇଓ ରୀନାକୁମାରୀ ବେହେରା, ଆରଡବ୍ଲୁଏସଏସ ଏ. ଇ ସାମନ୍ତ ରାଏ, ସିଡିପିଓ ଗାୟତ୍ରୀ ବାରିକ, ଅତିରିକ୍ତ କୃଷି ଅଧିକାରୀ ରୋହନ ସାହୁ, ଜିଲ୍ଲା ପରିଷଦ ସଭ୍ୟା ଲିଳିମା ବେହେରା, ବ୍ଲକ ର ସମସ୍ତ ସରପଞ୍ଚ, ସମିତି ସଭ୍ୟ ଓ ସଭ୍ୟା ଉପସ୍ଥିତ ଥିଲେ l

ଆଜିର ସମିତି ବୈଠକ ରେ ଶିକ୍ଷା କ୍ଷେତ୍ରରେ ଆଗକୁ ନିପୁଣ ଓଡିଶା କାର୍ଯ୍ୟକ୍ରମ ରହିଥିବା ବେଳେ ବାନିପାଲି ସ୍କୁଲ ର ଶ୍ରେଣୀ ଗୃହ ର ଅଭାବ କୁ ଉପସ୍ଥାପନା କରାଗଲା l ସ୍ୱାସ୍ଥ୍ୟ କ୍ଷେତ୍ରରେ ଲୋଇସିଂହା ସ୍ୱାସ୍ଥ୍ୟକେନ୍ଦ୍ର ରେ ଡାଏଲେଶିଶ ମେସିନ ରହିବା ସହ ୩ ଜଣ ସ୍ପେସିଆଲିଷ୍ଟ ରହିଥିବା ପ୍ରକାଶ କରିଛନ୍ତି ଡ଼. ସଂଜୀବ ବିଶ୍ୱାଳ, ଫେବୃଆରୀ ମାସରେ ଫେଲେରିଆ ଔଷଧ ଲୋକଙ୍କୁ ଯୋଗାଇ ଦିଆଯିବ l ମୃତିକା ପାଇଁ 7 ହଜାର 15 ହେକ୍ଟର ମୃତିକା ପରୀକ୍ଷା ସରିଛି l ପିଏମ କିସାନ ପାଇଁ 7 ହଜାର ପ୍ଲଟ ସର୍ଭେ କରାଯାଇଛି l ଏହାସହ ଚାଷୀ ଙ୍କୁ ମୁଗ ବଣ୍ଟନ ରେ ଅନିୟମିତତା କୁ ନେଇ କୃଷି ଅଧିକାରୀ ଙ୍କ ସହ ଆଲୋଚନା l ସରଗାଡ଼ ଓ ତାଳଜୁରୀ ସରପଞ୍ଚ ପାଣି ଟେଂକ ର କାର୍ଯ୍ୟକାରୀ ଓ ପିଇବା ପାଣି ସମସ୍ୟା ଉପରେ ପ୍ରଶ୍ନ l ମେଗା ପାଇପଲାଇନ 75% କାମ ସରିଛି ବୋଲି ଏ. ଇ ଶ୍ରୀ ସାମନ୍ତ ରାଏ ପ୍ରକାଶ କରିଥିଲେ l ଆଗାମୀ ଦିନରେ ପାଣି ଉପରେ ବିଶେଷ ଗୁରୁତ୍ୱ ଦେବାକୁ ଜଳ ଓ ପରିମଳ ବିଭାଗ କୁ ବିଡ଼ିଓ ଶ୍ରୀ ଉଦ୍ଦୁ କହିଲେ l ଏହି ସମିତି ବୈଠକ ରେ ବିଭିନ୍ନ ବିଭାଗ ର ଅଧିକାରୀ ଉପସ୍ଥିତ ରହି ନିଜ ମତାମତ ଦେଇଥିଲେ l