13-Jan-2021

ନୟାଗଡ଼,(ପ୍ରଦୀପ କୁମାର ପଣ୍ଡା): ନୟାଗଡ ଜିଲ୍ଲାପାଳଙ୍କ ନିର୍ଦେଶ କ୍ରମେ ଗଣିଆ ବ୍ଳକ ଉନ୍ନୟନ ଅଧିକାରୀ ଶୁଭ୍ର ପଟେଲ ଙ୍କ ଅଧକ୍ଷତାରେ ଗଣିଆ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ସଭା ଗୃହରେ କୋଭିଡ ଟୀକାକରଣର ପ୍ରସ୍ତୁତି ବୈଠକ ମଙ୍ଗଳବାର ଅପରାହ୍ନ ରେ ଅନୁଷ୍ଠିତ ହୋଇ ଯାଇଛି | ଏହି ସମୀକ୍ଷା ବୈଠକରେ ଗଣିଆ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଅଧିକାରୀ ମଧୁସୂଦନ ଦାଶ, ପିଏଚଇଓ କମଳା ମହାରଣା, ବିଏଏମ ମନୋରଞ୍ଜନ ସାହୁ, ବିପିଏମ ତୁଷାର ରଞ୍ଜନ ସାହୁ ପ୍ରମୁଖ ମଞ୍ଚାସିନ ଥିଲେ | ବିପିଏମ ଶ୍ରୀଯୁକ୍ତ ସାହୁ ସଭା ପରିଚାଳନା କରିଥିଲେ | ସମୀକ୍ଷା ରୁ ଜଣାପଡିଛି ଗଣିଆ ବ୍ଳକ ରେ ପ୍ରଥମ ପର୍ଯ୍ୟାୟ ରେ ଗଣିଆ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଏବଂ ଛାମୁଣ୍ଡିଆ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ପରିସରରେ ୨୯0 ଜଣଙ୍କୁ ଟୀକା ଦିଆଯିବ | ସରକାରଙ୍କ ଗାଇଡ଼ ଲାଇନ ଅନୁଯାୟୀ ପ୍ରଥମ ପର୍ଯ୍ୟାୟ ରେ ସ୍ୱାସ୍ଥ୍ୟ କର୍ମୀ ଏବଂ ଅଙ୍ଗନବାଡି କର୍ମୀ ମାନଙ୍କୁ ଟୀକା ଦିଆଯିବ | ଏହି ଟୀକାକରଣ ପରିଚାଳନା ପାଇଁ ପ୍ରତ୍ୟେକ କେନ୍ଦ୍ରରେ ୫ ଜଣିଆ ଟିମ ନିୟୋଜିତ ହେବେ | ଜଣେ ଡାକ୍ତର, ସୁପରଭାଇଜର, ପୋଲିସ କର୍ମୀ ଏବଂ ଅଙ୍ଗନବାଡି କର୍ମୀଙ୍କୁ ନେଇ ଏହି ଦଳ ଗଠନ ହେବ | ଗଣିଆ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଅଧିକାରୀଙ୍କ ସୂଚନା ମୁତାବକ ଆଜି ସୁଦ୍ଧା ୧୩୫୩୮ ଟି କୋଭିଡ ଟେଷ୍ଟ ରୁ ମାତ୍ର ତିନିଶହ ଚବିଶ ଜଣ କରୋନା ପଜେଟିଭ  ଚି଼ହ୍ନଟ ହୋଇଥିଲେ | ଆଜକୁ ପ୍ରାୟ ତିରିଶ ଦିନ ହେଲା କୌଣସି ପଜେଟିଭ ଚିହ୍ନଟ ହୋଇ ନଥିବାରୁ ଗଣିଆ ଅଞ୍ଚଳ କରୋନା ଯୁଦ୍ଧ ରେ ବିଜୟ ଲାଭ କରିଛି ବୋଲି  ଶ୍ରୀଯୁକ୍ତ ପଟେଲ  ଯୁକ୍ତି  ବାଢ଼ିଥିଲେ | ଏହି ବୈଠକରେ ଗଣିଆ ବ୍ଳକର ସମସ୍ତ ସରପଞ୍ଚ, ଅଙ୍ଗନବାଡି ସୁପରଭାଇଜର, ପିସିଆଇ ସୋସିଆଲ ମୋବିଲlଇଜେସନର କୋଡ଼ିନେଟର ବାଉରୀ ବନ୍ଧୁ ବେହେରା, ଶିଶୁ ରାଇଜର ସମ୍ପାଦକ ସରୋଜ କୁମାର ଦାଶ, ଗଣିଆ ଉନ୍ନୟନ କମିଟିର ସମ୍ପାଦକ ଆନନ୍ଦ ଚନ୍ଦ୍ର ବେହେରା, ସମାଜସେବୀ ଅଜୟ କୁମାର ଲେଙ୍କା ଏବଂ ଗଣିଆ ବ୍ଳକର କାର୍ଯ୍ୟରତ ସାମ୍ବାଦିକ ଦେବୀ ପ୍ରସାଦ ଦାଶ, ବିଶ୍ୱରଂଜନ ସେଠୀ, ସୁରେଶ କୁମାର ସାହୁ, ସମୀର କୁମାର, ପ୍ରଦୀପ କୁମାର ପଣ୍ଡା ପ୍ରମୁଖ ଉପସ୍ଥିତ ଥିଲେ |