07-Jan-2025

ବିନିକା, ତା ୭/୧(ପ୍ରେରଣା ଖବର):ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ୍ ଅନ୍ତର୍ଗତ ବିନିକା ବାଳକ ବିଦ୍ୟାଳୟ ଠାରେ ଗତ ତା ୦୫-୦୧-୨୦୨୫ ଓ ୦୬-୦୧-୨୫ ଦୁଇ ଦିନ ଧରି ସୁବର୍ଣ୍ଣପୁର ଜିଲ୍ଲା ସ୍ତରୀୟ ସ୍କାଉଟ୍ ଓ ଗାଇଡର ରଜ୍ୟପୁରସ୍କ।ର ପରୀକ୍ଷା ୨୪-୨୫ ଅନୁଷ୍ଠିତ ହୋଇଯାଇଛି। ଏହି ଅବସରରେ ଅନୁଷ୍ଠିତ ଉଦ୍ଘାଟନୀ ସଭାରେ ଜିଲ୍ଲା ତାଲିମ କମିଶନର ଶ୍ରୀ ଦୀନବନ୍ଧୁ ପ୍ରଧାନ ସଭାପତି ଭାବରେ ଯୋଗଦାନ କରିଥିଲେ । ମୁଖ୍ୟ ଅତିଥି ଭାବରେ ଜିଲ୍ଲା ସ୍କାଉଟ ସମ୍ପାଦକ ଶ୍ରୀ ସତ୍ୟନାରାୟଣ ତ୍ରିପାଠୀ ଯୋଗ ଦେଇ ସ୍କାଉଟ୍ ଓ ଗାଇଡ ମାନେ ସମାଜ ର ମାର୍ଗଦର୍ଶକ ଭାବରେ କାମ କରିବାକୁ ନିଜ ବକ୍ତବ୍ୟରେ ପ୍ରକାଶ କରିଥିଲେ। ସମ୍ମାନିତ ଅତିଥି ଭାବରେ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ ମହାକୁର ସ୍କାଉଟ ଓ ଗାଇଡ ସଂସ୍ଥା ର ସେବା କାର୍ଯ ର  ପ୍ରଶଂସା କରିଥିଲେ। ରାଜ୍ୟ ସ୍କାଉଟ୍ ସଂସ୍ଥା ର ମୁଖ୍ୟ କମିସନର ଶ୍ରୀ କଳିପ୍ରସ।ଦ ମିଶ୍ରଙ୍କ ନିର୍ଦ୍ଦେଶ କ୍ରମେ ରାଜ୍ୟ ପରୀକ୍ଷକ ଭାବରେ ରାଜ୍ୟ ମୁଖ୍ୟାଳୟ ର କାର୍ଯ୍ୟକାରୀ ସହାୟକ ଅବିନାଶ ଗଡ଼ନାୟକ ଯୋଗଦାନ କରି ଲଗ ବୁକ୍, ରେକର୍ଡ ବୁକ୍, ପ୍ରାଥମିକ ଚିକିତ୍ସା, ଗଣ୍ଠ ପରୀକ୍ଷା,ଲିଖିତ ପରୀକ୍ଷା, ସଡ଼କ ସୁରକ୍ଷା ଶୋଭାଯାତ୍ରା ପରି କାର୍ଯ୍ୟକ୍ରମ  କରାଇଥିଲେ। ଏଥିରେ ଜିଲ୍ଲା ସଂଗଠନ କମିସନର ଅନନ୍ତରମ ମେଣ୍ଡେଳି, ଜିଲ୍ଲା ସ୍କାଉଟ୍ ମାଷ୍ଟର ସଞ୍ଜୀବ ସାହୁ, ସାଧନ କର୍ମୀ ଗଙ୍ଗାଧର ପ୍ରଧାନ, ହରିଶ୍ଚନ୍ଦ୍ର ମଝି,ଗଙ୍ଗାଧର ପଟେଲ, ଯଶୋବନ୍ତ ପଟେଲ,ବଳଦେବ ସାହୁ, ଶେଷଦେବ ହୋତା, ଦେବାଶିଷ ମହାରଣା,କାହୁଁ ଚରଣ ପୂଜାରୀ, ସ୍ୱର୍ଣକାନ୍ତା ମହାରଣା, ନିତୁ ପ୍ରଧାନ, ସ୍ମିତା ନାୟକ,ଶୁଭଶ୍ରୀ ବିଶ୍ଵାଳ,ପ୍ରଭୁତି ପରୀକ୍ଷା ପରିଚାଳନାରେ ସହଯୋଗ କରିଥିଲେ ।

ଏହି ଶିବିରକୁ ବିଭିନ୍ନ ବିଦ୍ୟାଳୟରୁ ୨୮୧ ଜଣ ପରୀକ୍ଷାର୍ଥୀ ଙ୍କ ସହ ୩୦ ଜଣ ସ୍କାଉଟ୍ ମାଷ୍ଟର ଓ ଗାଇଡ କ୍ୟାପଟେନ ଯୋଗଦେଇ ଥିଲେ। କାର୍ଯ୍ୟକ୍ରମ ରେ ବିଦ୍ୟାଳୟର ହିନ୍ଦୀ ଶିକ୍ଷକ ସୂର୍ଯ୍ୟନାରାୟଣ ସାହୁ,ମିଟେନ୍ଦ୍ର ନାୟକ, ହରି ପଟେଲ,ସୋମୋତ୍ରୀ ପ।ଢ଼ି ପ୍ରଭୁତି ସହଯୋଗ କରିଥିଲେ।