03-Jan-2025

ରାଇରଙ୍ଗପୁର ବ୍ଲକ କାର୍ଯ୍ଯାଳୟର ସଭାଗୃହରେ ଶୀତବସ୍ତ୍ର କମ୍ବଳ ବଣ୍ଟନ କାର୍ଯ୍ଯକ୍ରମ  ସଭାପତି ଘନଶ୍ଯାମ ମିଶ୍ରା ଏଣ୍ଡ ସନ୍ସ   ଲିମିଟେଡ୍ ଗୋରୁମହିଷାଣୀ ଲୌହଖଣି ମ୍ଯାନେଜର ବିକାଶ ରଂଜନ ନାୟକ ଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି I ଉକ୍ତ ଭବ୍ଯ କାର୍ଯ୍ଯକ୍ରମ ରାଇରଙ୍ଗପୁର ଲେପ୍ରାସୋସାଇଟି ମେନକାଇଣ୍ଡସ୍ ଓ ଘନଶ୍ଯାମ ମିଶ୍ରା ଏଣ୍ଡ ସନ୍ସ ଲିମିଟେଡ୍ ଗୋରୁମହିଷାଣୀ ଲୌହ ଖଣି ମିଳିତ ଆନୁକୂଲ୍ଯରେ ପରିଚାଳିତ ହୋଇଥିଲା I  ମୁଖ୍ଯ ଅତିଥି ରୂପେ ରାଇରଙ୍ଗପୁର ବ୍ଲକ ଅଧ୍ଯକ୍ଷ ଜ୍ଞାନରଂଜନ ହେମ୍ବ୍ରମ, ସମ୍ମାନିତ

ଅତିଥି ରୂପେ ବ୍ଲକ ଉନ୍ନୟନ ଅଧିକାରୀ ନାରାୟଣୀ ପ୍ରିୟଦର୍ଶିନୀ ପଣ୍ଡା ଓ ଗୋରୁମହିଷାଣୀ ଗୋଷ୍ଠୀ ଚିକିତ୍ସାକେନ୍ଦ୍ର ଅଧିକାରିଣୀ ଡକ୍ଟର ଛବିରାଣୀ ନାୟକ ପ୍ରମୁଖ ଯୋଗ ଦେଇଥିଲେ I ସଭାପ୍ରାରମ୍ଭ ପୂର୍ବରୁ ଅତିଥିଗଣ ପ୍ରଦୀପ ପ୍ରଜ୍ଜଳନ କରିବା ପରେ ସମସ୍ତଙ୍କୁ ପୁଷ୍ପଗୁଛ ଦେଇ ସମ୍ମାନିତ କରାଯାଇଥିଲା I ସଭାପତି  ଶ୍ରୀ ନାୟକ  ରାଇରଙ୍ଗପୁର ଲେପ୍ରାସୋସାଇଟି ର  ଅଭିନବ ପ୍ରୟାସକୁ ଧନ୍ଯବାଦ ଦେବା ସହିତ ସେମାନଙ୍କ  କାର୍ଯ୍ଯଧାରାକୁ ପ୍ରଶଂସା କରିଥିଲେ I ମୁଖ୍ଯ ଅତିଥି ଶ୍ରୀ ହେମ୍ବ୍ରମ ସରକାରଙ୍କ ବିଭିନ୍ନ ଯୋଜନା ବିଷୟରେ ଅବଗତ କରାଇଥିବା ବେଳେ ସମ୍ମାନିତ ଅତିଥି ସୁଶ୍ରୀ ପଣ୍ଡା ରାଇରଙ୍ଗପୁର ବ୍ଲକ ତରଫରୁ ମାଇକ୍ରୋଫାଇନାସିଂ ସୁବିଧା ରହିଛି, ଯାହା ଫଳରେ ଲୋକେ ଆତ୍ମନିର୍ଭରଶୀଳ ହୋଇପାରିବେ  ଏବଂ ୬୦ ବର୍ଷ ରୁ ଉର୍ଦ୍ଧ ଲୋକମାନଙ୍କୁ ସରକାର  ଭିନ୍ନକ୍ଷମ ଭତ୍ତା ଦେବାକଥା  ବିଷୟରେ ସୂଚନା ଦେଇଥିଲେ  I ଏହି ଅବସରରେ ୨୦ ଜଣ ଲେପ୍ରୋସି ରୋଗୀମାନଙ୍କୁ ଭିନ୍ନକ୍ଷମ ପ୍ରମାଣପତ୍ର ଅତିଥିଗଣ ପ୍ରଦାନ କରିଥିଲେ I ଏହାପରେ ରାଇରଙ୍ଗପୁର ବ୍ଲକରୁ ଆସିଥିବା ୧୦୦ ରୁ ଉର୍ଦ୍ଧ ପୁରୁଷମହିଳାମାନଙ୍କୁ ଅତିଥିଗଣ ଶୀତବସ୍ତ୍ର କମ୍ବଳ ବଣ୍ଟନ କରିଥିଲେ I ଏଥିରେ ଲେପ୍ରାସୋସାଇଟି ପ୍ରଜେକ୍ଟ ଏସୋସିଏଟ୍ ପ୍ରହଲ୍ଲାଦ ମଙ୍ଗରାଜ ଅତିଥି ପରିଚୟ ଦେବା ସହିତ ସଭା ପରିଚାଳନା କରିଥିଲେ I ରବୀନ୍ଦ୍ର ଦାସ ଧନ୍ଯବାଦ ଅର୍ପଣ କରିଥିଲେ I ଅମ୍ବୁବତୀ ଦଳାଇ, ସୁକୁମତୀ ହେମ୍ବ୍ରମ ଓ ମଧୁ ହେମ୍ବ୍ରମ ପ୍ରମୁଖ ସହଯୋଗ କରିଥିଲେ I

(ରାଇରଙ୍ଗପୁରରୁ ଶ୍ଯାମଳେନ୍ଦୁ ପରିଡାଙ୍କ ରିପୋର୍ଟ)