03-Jan-2025

ଯାଜପୁର/ବରୀ(ପ୍ରେରଣା ଖବର): ବରୀ ବ୍ଲକ ଅନ୍ତର୍ଗତ କଳାମାଟିଆ ପଞ୍ଚାୟତର କାଇପଡ଼ାସ୍ଥ କାଶୀନାଥ ମହାବିଦ୍ୟାଳୟର ବାର୍ଷିକ କ୍ରୀଡ଼ା ଓ ପୁରସ୍କାର ପ୍ରଦାନ ଉତ୍ସବ ମହାବିଦ୍ୟାଳୟର ଅଧକ୍ଷ ପ୍ରମୋଦ କୁମାର ଶତପଥୀଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି। ଏହି ଉତ୍ସବରେ ମୂଖ୍ୟ ଅତିଥି ଭାବେ ବିଧାୟକ ବିଶ୍ଵରଞ୍ଜନ ମଲିକ, ସମ୍ମାନିତ ଅତିଥି ବ୍ଲକ ଅଧ୍ୟକ୍ଷ ଅଶୋକ କୁମାର ଗେଡ୍ଡି, ଯୁକ୍ତ ଦୁଇ ଅଧ୍ୟକ୍ଷ ସିଦ୍ଧାର୍ଥ ଶଙ୍କର ବିଶ୍ଵାଳ ଯୋଗଦେଇଥିବା ବେଳେ ଅତିଥି ପରିଚୟ ଓ ସ୍ବାଗତ ଭାଷଣ ଡ଼ କପିଳ ଚରଣ ମହାନ୍ତି ପ୍ରଦାନ କରିଥିଲେ। ଅନ୍ୟ ମାନଙ୍କ ମଧ୍ୟରେ ବ୍ଲକ ବିଜେଡ଼ି ସଭାପତି କେଦାର ଚନ୍ଦ୍ର ସାମଲ, ଜିଲ୍ଲା ପରିଷଦ ସଭ୍ୟ ଅଶୋକ କୁମାର ପ୍ରଧାନ, ସନ୍ତୋଷ କୁମାର ସାମଲ, ଦିଲ୍ଲିପ କୁମାର ମହାନ୍ତିଙ୍କ ସମେତ ପୂର୍ବତନ ସରପଞ୍ଚ ସମିର ମଲିକ, ପ୍ରସନ୍ନ କୁମାର ସାମଲ, କଲେଜର ପ୍ରତିଷ୍ଠାତା ସ୍ୱର୍ଗତ କାଶୀନାଥ ଜେନାଙ୍କ ପୂତ୍ର ଦିଲ୍ଲିପ କୁମାର ଜେନା ପ୍ରମୁଖ ଯୋଗଦେଇଥିଲେ। ଅନୁଷ୍ଠାନର ଅବସରପ୍ରାପ୍ତ କର୍ମଚାରୀ ସର୍ବେଶ୍ଵର ପରିଡା, ଉମେଶ ଚନ୍ଦ୍ର ଦାସ, ଉର୍ମିଳା ଜେନା, ଦେବବ୍ରତ ପତି, ଦିଲ୍ଲୀପ କୁମାର ସାମଲ, ପ୍ରତାପ ଚନ୍ଦ୍ର ଦାସ ଏବଂ ଅଧ୍ୟାପକ ଡ଼ କପିଳ ଚରଣ ମହାନ୍ତି, ଡ଼ କିଶୋର କୁମାର ସାହୁ ପିଏଚଡି ହାସଲ କରିଥିବାରୁ ମୂଖ୍ୟ ଅତିଥି ଉତ୍ତରୀୟ ଓ ପୁଷ୍ପ ଗୁଚ୍ଛ ପ୍ରଦାନକରି ସମ୍ବର୍ଦ୍ଧିତ କରିଥିବା ବେଳେ। ବାର୍ଷିକ କ୍ରୀଡ଼ାରେ ଚମ୍ପିୟାନ ହୋଇଥିବା ସ୍ଵାତୀ ମହାକୁଡ, ତ୍ରିଦିପ ଜେନା, କୌଶଲ୍ୟା ଦାସ ଓ ଆଶୁତୋଷ ପରିଡାଙ୍କ ସମେତ ବିଭିନ୍ନ କ୍ରୀଡ଼ାରେ କୃତିତ୍ୱ ହାସଲ କରିଥିବା ଛାତ୍ରଛାତ୍ରୀ ମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା। କାର୍ଯକ୍ରମ ପରିଚାଳନାରେ ଯୁଧିଷ୍ଠିର ସାହୁ, ଦେବବ୍ରତ ପତିଙ୍କ ସମେତ କଲେଜର ସମସ୍ତ କର୍ମଚାରୀ ସହଯୋଗ କରିଥିଲେ।