02-Jan-2025

କଣ୍ଟାମାଳ(ଜୟ କୁମାର ମହାରଣା):  ଜିଲ୍ଲା ଗଠନର ୩୧ତମ ସ୍ଵନକ୍ଷେତ୍ର ଦିବସ ଅବସରରେ ବୌଦ୍ଧ ଜିଲ୍ଲା ପ୍ରଶାସନ ଓ ଜିଲ୍ଲା ସଂସ୍କୃତି ପରିଷଦ ପକ୍ଷରୁ ବୌଦ୍ଧ ମହୋତ୍ସବ ଓ ପଲ୍ଲିଶ୍ରୀମେଳା ଆଜି ଅନୁଷ୍ଠିତ ହେବ l ଏନେଇ ଆଜି କଣ୍ଟାମାଳ ବ୍ଲକ ପ୍ରଶାସନ ପକ୍ଷରୁ ଉମା ପଂଚାୟତ ଅନ୍ତର୍ଗତ ରେଘାମୁଣ୍ଡା ଶିବ ମନ୍ଦିରରେ ପୁଜାର୍ଚନା ପରେ ଏକ ମଶାଲ କଣ୍ଟାମାଳ ଅଣାଯାଇଥିଲା l  କଣ୍ଟାମାଳ  ବ୍ଲକ ଅଧ୍ୟକ୍ଷା ସସ୍ମିତା ସେନାପତି ଙ୍କ ନେତୃତ୍ୱ ରେ

କଣ୍ଟାମାଳ ପଞ୍ଚାୟତ ର କଲରାକୋଠା ମା କାଳୀ ମନ୍ଦିର ଠାରୁ ଏକ ବିରାଟ ମଶାଲ ଶୋଭାଯାତ୍ରା ବାହାରି ବସଷ୍ଟାଣ୍ଡ,

ହାଟପଦା, ହସପିଟାଲ ଛକ, ବ୍ଲକ ଛକ, ତହସିଲଛକ, କୋର୍ଟ ଛକ ଦେଇ ମନମୁଣ୍ଡା ହୋଇ ବୌଦ୍ଧ ଅଭିମୁଖେ ବାହାରିଥିଲା  l  ଏହି ଶୋଭା ଯାତ୍ରାରେ ଜିଲ୍ଲା ପରିଷଦ ଉପାଧକ୍ଷ ଶଙ୍କର୍ଷଣ ପ୍ରଧାନ, ସାଂସଦପ୍ରତିନିଧି ଦୀପକ ବାରିକ,ବିଡ଼ିଓ ସାମି ଜୟଶ୍ରୀ ରେଡ, ଡବ୍ଲ୍ୟୁଓ ଜ୍ୟୋତି ରଞ୍ଜନ ବେଉରା,ଏପିଓ ସଂବିତ କୁମାର ମିଶ୍ର, ସହକାରୀ ନିର୍ବାହୀଯନ୍ତ୍ରୀ ଇଂ ଜୟ ମହନ୍ତ ଆଦିଙ୍କ ସମେତ ବ୍ଲକ ର ସମସ୍ତ କର୍ମଚାରି, ସରପଞ୍ଚ, ସମିତି ସଭ୍ୟ ଓ ଜନସାଧାରଣ ସାମିଲ ଥିଲେ l