02-Jan-2025

ଯାଜପୁର/ବରୀ(ରଞ୍ଜିତ ମହାନ୍ତି): ଓଡ଼ିଆ ସାହିତ୍ୟ ବିଶେଷ କରି ଶିଶୁ ସାହିତ୍ୟ କ୍ଷେତ୍ରକୁ ଉଲ୍ଲେଖନୀୟ ଅବଦାନ ପାଇଁ ନୂଆଦିଲ୍ଲୀସ୍ଥିତ ଆଇକନିକ୍ ପିସ୍ ଆୱାର୍ଡ ପକ୍ଷରୁ ଏହାର ସର୍ବୋଚ୍ଚ ଅଶୋକା ସମ୍ମାନରେ ସମ୍ବର୍ଦ୍ଧିତ କରାଯାଇଛି । ନୂଆଦିଲ୍ଲୀସ୍ଥିତ କନଟ୍ୟୁସନାଲ କ୍ଲବ୍ ଇଣ୍ଡିଆ ପରିସରରେ ଆୟୋଜିତ ଏକ ବର୍ଣ୍ଣାଢ୍ୟ କାର୍ଯ୍ୟକ୍ରମରେ ଟ୍ରଫି, ମାନପତ୍ର ଓ ଉତ୍ତରୀୟ ଦେଇ ସମ୍ବର୍ଦ୍ଧିତ କରାଯାଇଥିଲା । ଆଇକନିକ୍‌ର ଅଧ୍ୟକ୍ଷା ଡଃ ସୁସ୍ମିତାଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ଗ୍ରାମ୍ୟ ଉନ୍ନୟନ ଏବଂ ସ୍କିଲ୍ ଇଣ୍ଡିଆର ପ୍ରତିଷ୍ଠାତା ଡଃ ଇଂ ବିଷ୍ଣୁ ପ୍ରସାଦ ବରାଳ ମୁଖ୍ୟଅତିଥିଭାବେ ଯୋଗ ଦେଇଥିବାବେଳେ ଆଇନ୍‌ଜୀବୀ ଡଃ ସାୟୋନାରା, ପୂର୍ବତନ ଡେପୁଟି ସ୍ପିକର ତଥା ଇଣ୍ଡୋତିବତ୍ତିୟ ସହଯୋଗ ମଞ୍ଚର ଉପଦେଷ୍ଟା ଆଚାର୍ଯ୍ୟ ୟେସି ଫୁନଷ୍ଟକ୍‌, ସାଂସଦ ନାଲକେଣ୍ଡାଗାରି ରେଡେପା, ବିଜେପି ପ୍ରବକ୍ତା ସଚ୍ଚିନ୍ ଗୁପ୍ତା ପ୍ରମୁଖ ଯୋଗ ଦେଇ ଡଃ ଜେନାଙ୍କୁ ସମ୍ବର୍ଦ୍ଧିତ କରିଥିଲେ ।  ଡଃ ଜେନା ପିଲାମାନଙ୍କ ପାଇଁ ଜଗତେ ରଖିବା ନାଁ, ଏକ ଆଉ ଏକ ମିଶି ହୁଏ ଦୁଇ, ବଗୁଲିଆ ଚମ୍‌ଚମ୍‌, ରାକ୍ଷୀ, ମୋ ଦାଢୀ ଓ ଅନ୍ୟାନ୍ୟ ଶିଶୁଗଳ୍ପ ଆଦି ଶିଶୁ ଉପଯୋଗୀ ପୁସ୍ତକ ରଚନା କରିଛନ୍ତି । ଡଃ ଜେନାଙ୍କୁ ଅଶୋକାସମ୍ମାନ ମିଳିବା ପରେ ବିଭିନ୍ନ ମହଲରୁ ତାଙ୍କ ନିକଟକୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି ।