31-Dec-2024

ଯାଜପୁର/ବରୀ(ରଞ୍ଜିତ ମହାନ୍ତି): ଆଜି ବରୀ ଶିକ୍ଷା ମଣ୍ଡଳ ଅଧିନସ୍ଥ କଳାମାଟିଆ ଗ୍ରାମପଞ୍ଚାୟତ ଅଧିନସ୍ଥ କାଇପଡi ଉଚ୍ଚ ବିଦ୍ୟାଳୟ ର ୧୯୮୫ ମାଟ୍ରିକ ଵ୍ୟାଚ ର ବନ୍ଧୁ ମିଳନ ଉତ୍ସବ ଅନୁଷ୍ଠିତ ହୋଇଯାଇଛି। ଏଥିରେ ୧୯୮୫ ମାଟ୍ରିକ ବ୍ୟା ଚ୍ ର ପ୍ରାୟ ୮୦ରୁ ଅଧିକ ଛାତ୍ର ଛାତ୍ରୀ ଓ ସେମାନଙ୍କର ପରିବାର ଲୋକେ ଯୋଗ ଦାନ କରିଥିଲେ। ସ୍ୱାଗତ ଭାଷଣ ବିରଜା ପ୍ରସାଦ ପରିଡ଼ା ଦେଇଥିଲେ।ଅନୁଷ୍ଠାନ ର ଅବସର ପ୍ରାପ୍ତ ଶିକ୍ଷକ ଭାସ୍କର ନାଥ, କୃଷ୍ଣ ପ୍ରସାଦ ଦାଶ, କିରଣବାଳା ସ୍ୱାଇଁ, ନବକିଶୋର ପଣ୍ଡା, ଧନେଶ୍ଵର ଦାସ ଓ ବର୍ତ୍ତମାନ କାର୍ଯ୍ୟରତ ସମସ୍ତ କର୍ମଚାରୀ ଯୋଗ ଦେଇଥିଲେ। ପ୍ରଥମେ ଜଗନ୍ନାଥ ଙ୍କ ଫଟୋ ଚିତ୍ର ରେ ପୁଷ୍ପମାଲ୍ୟ ଅର୍ପଣ କରି ସଭା କାର୍ଯ୍ୟ ଆରମ୍ଭ ହୋଇଥିଲା। ଦିବଂଗତ ଶିକ୍ଷକ ଓ ଛାତ୍ର ଛାତ୍ରୀ ମାନଙ୍କ ଆତ୍ମା ର ଶାନ୍ତି ଉଦ୍ଦେଶ୍ୟରେ ଦୁଇ ମିନିଟ୍ ନୀରବ ପ୍ରାର୍ଥନା କରାଯାଇଥିଲା। ତା ପରେ ସମସ୍ତ ଛାତ୍ର ଛାତ୍ରୀ ତାଙ୍କର ଅତୀତର ସ୍ମୃତି ଚାରଣ କରିଥିଲେ। ବିଦ୍ୟାଳୟର ସୁବର୍ଣ୍ଣ ଜୟନ୍ତୀ ପାଳନ କରିବା ପାଇଁ ଏହି ଵ୍ୟା ଚ ର ଛାତ୍ର ଛାତ୍ରୀ ମାନେ ଆଗଭର ହୋଇ ଦାୟିତ୍ଵ ଗ୍ରହଣ କରିବେ ବୋଲି ସର୍ବ ସମ୍ମତ ମତ୍ତ ପ୍ରକାଶ ପାଇଥିଲା। ସର୍ବଶେଷରେ ସମସ୍ତଙ୍କୁ ଧନ୍ୟ ବାଦ ଜଣାଇ ସଭା ସାଙ୍ଗ ହେଲା ପରେ ସମସ୍ତେ ଏକାଠି ବସି ଭୋଜନ କରିଥିଲେ।ଶେଷ ରେ ଯୁଧିଷ୍ଠିର ସାହୁ ଧନ୍ୟବାଦ ଅର୍ପଣ କରିଥିଲେ।