31-Dec-2024

ପାଟଣାଗଡ଼( ପୂର୍ଣ୍ଣଶଶୀ ଶେଖର ରାଓ )
ବଲାଙ୍ଗିର ଜିଲ୍ଲା ବେଲପଡ଼ା ବ୍ଳକର ସରକାରୀ ବାଳିକା ଉଚ୍ଚ ବିଦ୍ୟାଳୟ ପରିସରରେ ଶିକ୍ଷା ବିଭାଗ ଆନୁକୂଲ୍ୟରେ ବ୍ଲକସ୍ତରୀୟ ପିଏମ୍ ପୋଷଣ ଯୋଜନାରେ କାର୍ଯ୍ୟରତ ଥିବା ପାଚିକା ଓ ସହାୟିକାମାନଙ୍କୁ ନେଇ ପ୍ରଶିକ୍ଷଣ ଶିବିର ଓ ରନ୍ଧନ ପ୍ରତିଯୋଗିତା ତା.୨୬.୧୨.୨୪ ରୁ ଆରମ୍ଭ ହୋଇ ୩୧.୧୨.୨୪ ପର୍ଯ୍ୟନ୍ତ ଚାଲିଥିଲା। ଉକ୍ତ କାର୍ଯ୍ୟକ୍ରମଟି ମଧ୍ୟାହ୍ନ ଭୋଜନ ଦାୟିତ୍ୱ ଥିବା ଡିଇଓ ଦେବାଶିଷ ଗଡତିଆଙ୍କ ତତ୍ତ୍ୱବଧାନରେ ଚାଲିଥିଲା। ଉକ୍ତ କାର୍ଯ୍ୟକ୍ରମ ରେ ବେଲପଡ଼ା ବ୍ଲକ ଶିକ୍ଷା ଅଧିକାରୀ ଅଭିନବ ମିଶ୍ର ଯୋଗଦାନ କରି ଶିବିରକୁ ଉଦ୍ଘାଟନ କରିଥିଲେ l ପ୍ରଥମ ଦିବସରୁ ଶେଷ ଦିବସ ପର୍ଯ୍ୟନ୍ତ  ସମ୍ମାନିତ ଅତିଥି ଭାବରେ ଅତିରିକ୍ତ ଶିକ୍ଷା ଅଧିକାରୀ ଚତୁର୍ଭୁଜ ମିର୍ଦ୍ଧା, ରଘୁନାଥ ମହରା ଓ ଜଗବନ୍ଧୁ ମାଝି ଏବଂ ସିଆରସିସି ମାନେ ଉପସ୍ଥିତ ଥିଲେ l  ବ୍ଳକର ବିଦ୍ୟାଳୟରେ କାର୍ଯ୍ୟରତ ଥିବା ପାଚିକା ଓ ସହାୟିକାମାନେ ଉପସ୍ଥିତ ଥିଲେ l ପ୍ରଥମେ ପାଚିକାମାନଙ୍କ ମଧ୍ୟରେ ରନ୍ଧନ ପ୍ରତିଯୋଗିତା ଅନୁଷ୍ଠିତ ହୋଇଥିବା ବେଳେ ଏଥିରେ ସମସ୍ତ ବିଦ୍ୟାଳୟର ପାଚିକାମାନେ ଭାଗ ନେଇଥିଲେ । ଏହାପରେ ମଧ୍ୟାହ୍ନ ଭୋଜନ କାର୍ଯ୍ୟକ୍ରମରେ କିପରି ଭାବେ ପରିଷ୍କାର ପରିଚ୍ଛନ୍ନତା ତଥା ଚାଉଳ, ପନିପରିବାକୁ ପାଣିରେ ଧୋଇବା ପରେ ରୋଷେଇ କାର୍ଯ୍ୟ ତୁଲାଇବେ ସେ ସମ୍ପର୍କରେ ବିସ୍ତୃତ ତାଲିମ ପ୍ରଦାନ କରାଯାଇଥିଲା l ଏହି ଶିବିରରେ ଆରପି ତଥା ସିଆରସିସି ବିପିଶିଂ ନାୟକ ଲୋହିତ କୁମାର ଗଡତିଆ ଚିନ୍ତାମଣି ପାଢ଼ୀ ଭୋଲେଶ୍ୱର୍ ତାଣ୍ଡି , ପ୍ରମୁଖ ପ୍ରଶିକ୍ଷଣ ପ୍ରଦାନ କରିଥିଲେ l ଏହି ସମସ୍ତ କ୍ଳଷ୍ଟରର ପାଚିକାମାନଙ୍କୁ ନେଇ ଇନ୍ଧନ ପ୍ରତିଯୋଗିତାରେ ଭାଗ ନେଇଥିବା ମୋଟ ୧୨୦ ଜଣକୁ ପାଚିକାଙ୍କୁ ମାନପତ୍ର ପ୍ରଦାନ କରାଯାଇଥିଲା । ଏହି କାର୍ଯ୍ୟକ୍ରମରେ ସିଆରସିସି ନରେଶ ସେଟ୍ , କେଦାର ପାଣିଗ୍ରାହୀ ଯୋଷବନ୍ତ କୁମ୍ଭାର ସମସ୍ତ ସି, ଆର୍,ସି,ସି ଙ୍କ ସହିତ ପାଚିକା ଓ ସହାୟିକାମାନେ ସାମିଲ ହୋଇଥିଲେ l