29-Dec-2024

କଳାହାଣ୍ଡି(ପ୍ୟାରିଲାଲ ଦୁର୍ଗାଙ୍କ ରିପୋର୍ଟ): କଳାହାଣ୍ଡି ଜିଲ୍ଲା ଧର୍ମଗଗଡ଼ ବ୍ଲକ ଦଣ୍ଡପାଟ ଅଞ୍ଚଳ ବେହେରାଠାରେ ସପ୍ତମ ଥର ଦଣ୍ଡପାଟ ଧନୁଯାତ୍ରା ଶନିବାର ଉଦ୍ଘାଟିତ ହୋଇଯାଇଛି ।ମଧ୍ୟାହ୍ନ ସମୟରେ ବେହେରା ଦନ୍ତେଶ୍ବର ମନ୍ଦିରରେ ଦେବୀଙ୍କ ପୂଜାଅର୍ଚ୍ଚନା ସହ ପୂର୍ବରୁ ଆମନ୍ତ୍ରିତ ଗୋତୋମୁଣ୍ଡାର ସର୍ବମଙ୍ଗଳା ଦେବୀଙ୍କ ଲାଠି,ଧଅଁରପୂର ହାଟଗୋଷିଆଣୀଙ୍କ ଲାଠି, ସାଗବାହାଳିର ଦେବୀ ଭଟକେନ ଲାଠି,ବେହେରାର ବୁଢ଼ାରଜା ଦେବଙ୍କ ଲାଠି ସହ ଏକ ଭବ୍ୟ ମଶାଲ ଯାତ୍ରା ଗ୍ରାମ୍ୟ ପରିକ୍ରମା କରାଯାଇ ଉତ୍ସବ ପଡିଆରେ ସ୍ଥାପିତ କରା ଯାଇଥିଲା।ମଶାଲ ଯାତ୍ରାରେ ଅଞ୍ଚଳର ହଜାର ହଜାର ଲୋକ ସାମିଲ ଥିଲେ। ପ୍ରଥମ ସନ୍ଧ୍ୟାରେ ଡହଗାଁ ଗୋନ୍ତିଆ ତଥା ଦଣ୍ଡପାଟର ମାଫିଦାର ସ୍ବର୍ଗୀୟ ଗଜାନନ ପୁଝାରୀଙ୍କ ବଂଶଜ ବଳରାମ ପୁଝାରୀ ବିଶିଷ୍ଟ ଅତିଥି , ମୁଖ୍ୟ ଅତିଥି ଭାବରେ ବେହେରା ସରପଞ୍ଚ କୁମୁଦିନୀ ଗଇନ୍ତା ,ମୁଖ୍ୟ ବକ୍ତା ଭାବରେ ବେହେରା ସମିତି ସଭ୍ୟ କିଶୋର ଚନ୍ଦ୍ର ନାଗ, ଗୋତୋମୁଣ୍ଡା ଗୋନ୍ଧୀଆ, ଜୟନ୍ତପୁର ଗୋନ୍ତିଆ ଯୁବରାଜ ନାଏକ, ବେହେରା ଗୋନ୍ତିଆ ମଣିଭଦ୍ର ନାଏକ,ଧଅଁରପୂର ଗୋନ୍ତିଆ ସୁରେନ୍ଦ୍ର ନାଏକ ପ୍ରମୁଖ ଉପସ୍ଥିତ ରହିଥିଲେ । ଦଣ୍ଡପାଟର ଯୁବକ ମାନଙ୍କ ଉଦ୍ୟମ କ୍ରମେ ଏହି କଳା ସଂସ୍କୃତିର ଉତ୍ସବ ହେଉଥିବାଉରୁ ଅତିଥିମାନେ ସମସ୍ତ ଯୁବକମାନଙ୍କୁ ଧନ୍ୟବାଦ ଜଣାଇ ଥିଲେ ।ପ୍ରଥମ ସନ୍ଧ୍ୟାରେ ଉଗ୍ରେସନ ଙ୍କ ଗାଦିଚୁ ଗାଦିଚ୍ଯୁତ, ଦେବକୀ-ବାସୁଦେବ ବିବାହ ଓ କଂସଙ୍କ ରାଜ୍ୟାଭିଷେକ ମଞ୍ଚସ୍ତ ହୋଇଥିଲା।ଆୟୋଜକ କମିଟି ର ସଭାପତି ବିନ୍ଦୁସାର ବିଶି, ଉପସଭାପତି ଉପେନ୍ଦ୍ର ନାଏକ, ସମ୍ପାଦକ ଲଲିତ ବାଣୁଆ, କୋଷାଧ୍ୟକ୍ଷ ବାଳ କୃଷ୍ଣ ବିଶି,ବରିଷ୍ଠ ସଦସ୍ୟ ଭବାନୀ ବାରିକ, ଭବେଶ ଗଈନ୍ତା,ଭିକାରୀ ଗୋପାଳ,ହୁକିମ ବିଶି, ତ୍ରିଲୋକ ସିଂହ,କ୍ଷୀରସିନ୍ଧୁ ବାଗ, ଚନ୍ଦ୍ରକାନ୍ତି ରଣା,ଅଭୟ ସିଂହ ରାଜପୁତ,ଅଜୟ ତିୱାରୀ, ରଜନୀ କାନ୍ତ ନାଏକ,ତରେସ ବିଶି, ସମେତ ଅନ୍ୟାନ୍ୟ ସଦସ୍ୟ ପରିଚାଳନାରେ ସହଯୋଗ କରିଥିଲେ । ଏହି ମହୋତ୍ସବ ଆସନ୍ତା ଜାନୁଆରୀ ୩ ତାରିଖ ପର୍ଯ୍ୟନ୍ତ ଚାଲୁ ରହିବ। ଚଳିତ ବର୍ଷ କଳାହାଣ୍ଡି ରାଜ ଦରବାର ଆକୃତିର ରଙ୍ଗମଞ୍ଚ ଆକର୍ଷଣର କେନ୍ଦ୍ର ପାଲଟି ଥିବା ବେଳେ କଂସ ଗୋପାଲ ପଣ୍ଡାଙ୍କ ଅଭିନୟ ଓ ମିନା ବଜାର ପାଇଁ ହଜାର ହଜାର ଦର୍ଶକଙ୍କ ସମାଗମ ଦେଖିବାକୁ ମିଳିଥିଲା |