13-Dec-2024

     ସମ୍ବଲପୁର :(ସଂଜୀବ ପାଣିଗ୍ରାହୀ) - ସମ୍ବଲପୁର ଜେଲ ଛଳ ନିକଟସ୍ଥ ଗୁରୁଶ୍ରୀ ସତ୍ୟନାରାୟଣ ସମ୍ବଲପୁରୀ ଡେରା ଠାରେ ପଶ୍ଚିମାଞ୍ଚଲ ଏକତା ମଞ୍ଚ ପକ୍ଷରୁ ଚତୁର୍ଥ ଜାତୀୟ ସମ୍ବଲପୁରୀ ସମ୍ମେଲନ୍ ରେ ବୁଧବାର ସନ୍ଧ୍ୟାରେ ସମ୍ବଲପୁରୀ ଡେରା ରେ ଗୁରୁ ଭଗବାନ ସାହୁଙ୍କ  କାଳଜୟୀ ନାଟକ ବୀର ସୁରେନ୍ଦ୍ର ସାଏ ନାଟକ ପରିବେଷଣ କରାଯାଇଛି। ଗୁରୁ ଭଗବାନ ସାହୁଙ୍କ ପରଲୋକ ପରେ ପ୍ରଥମ ଥର ସମ୍ବଲପୁର ସହରରେ ବୀର ସୁରେନ୍ଦ୍ର ସାଏ ନାଟକ ପରିବେଷଣ କରାଯାଉଥିବା ନାଟକର ମୁଖ୍ୟ ନାୟକ ଭୁବନ ଭୋଇ କହିଛନ୍ତି। ୫ ହଜାର ରୁ ଅଧିକ ରାତି ଏହି ନାଟକକୁ ଦର୍ଶକ ମାନଙ୍କ ଭଲପାଇବା ମିଲିପାରିଛି। ଭୁବନ ଭୋଇ ମଧ୍ୟ ବୀର ସୁରେନ୍ଦ୍ର ସାଏଙ୍କ ଚରିତ୍ରରେ ଲଗାତାର ୫ ହଜାର ଥର ଅଭିନୟ କରି ରେକର୍ଡ ସୃଷ୍ଟି କରି ସାରିଛନ୍ତି। ଗୁରୁ ସତ୍ୟ ନାରାୟଣ ସମ୍ବଲପୁରୀ ଡେରାକୁ ସମ୍ବଲପୁରୀ ସଂସ୍କୃତି ର ସଂରକ୍ଷଣ ପାଇଁ ବିକଶିତ କରିବା ଦିଗରେ ଗୁରୁ ଭଗବାନ ସାହୁଙ୍କ ନାଟକ ଲିପିବଦ୍ଧ ହୋଇ ରହିବ ବୋଲି ଗୁରୁ ଭଗବାନ ସାହୁଙ୍କ ସହଯୋଗୀ ଦଧୀବାବନ ମିଶ୍ର କହିଥିଲେ। ଏହି ଅବସରରେ ଗୁରୁ ଭଗବାନ ସାହୁଙ୍କ‌ ବିଷୟରେ ଗବେଷଣା କରି  ପୁସ୍ତକ ଆକାରରେ ପ୍ରକାଶିତ କରିଥିବା ରବିନ ଲୁଲୁ ଦାସ, ବରିଷ୍ଠ ସଙ୍ଗୀତଜ୍ଞ ଦଧୀବାବନ ମିଶ୍ର ଏବଂ ତୁଳସୀ ଚରଣ ଦାସଙ୍କୁ ସମ୍ବର୍ଦ୍ଧିତ କରାଯାଇଥିଲା। ବୀର ସୁରେନ୍ଦ୍ର ସାଏଙ୍କ ଜୀବନ ସଂଗ୍ରାମ ସମ୍ପର୍କରେ ବହୁ ଅଜଣା ତଥ୍ୟ ନାଟକ ଜରିଆରେ ପରିବେଷଣ କରାଯାଇଥିଲା ‌ । ଏହାପୂର୍ବରୁ ଚତୁର୍ଥ ଜାତୀୟ ସମ୍ବଲପୁରୀ ସମ୍ମେଳନ ରେ ସମ୍ବଲପୁରୀ କବିତା ପାଠ ର ଆୟୋଜନ କରାଯାଇଥିଲା। ଏଥିରେ ପଶ୍ଚିମାଞ୍ଚଳ ର ବିଭିନ୍ନ ସ୍ଥାନରୁ କବି ମାନେ ସାମିଲ ହୋଇଥିଲେ। କାର୍ଯ୍ୟକ୍ରମକୁ ସ୍ବୟଂ ପ୍ରକାଶ ପଣ୍ଡା , ସୁଷମା ପ୍ରଧାନ, କିଶୋର ଧରେଇ ଏବଂ ଲଲିତା ଭୋଇ ସଂଯୋଜନା କରିଥିଲେ। କାର୍ଯ୍ୟକ୍ରମ ଆୟୋଜନରେ ମଞ୍ଚର ସମସ୍ତ ସଭ୍ୟ ସଦସ୍ୟା ସହଯୋଗ କରିଥିଲେ । ଗୁରୁ ବାର ବାର ସନ୍ଧ୍ୟାରେ କୁମ୍ଭାରୀ ଭଗବାନ ପାର୍ଟି ଦ୍ବାରା  ବୀର ସୁରେନ୍ଦ୍ର ସାଏ ସମ୍ବଲପୁରୀ ନାଟକ  ଟଣ୍ଢେଇ ଆୟୋଜନ କରାଯିବ ।