13-Dec-2024

ଅତାବିରା(ଆକାଶ ମିଶ୍ର): ନାରୀ  ସଶକ୍ତିକରଣ ବର୍ଷ ୨୦୨୪/୨୫ ପାଇଁ  ବରଗଡ ଜିଲ୍ଲା ବିଜେପୁର ବ୍ଲକ୍ ରେ  ହେବାକୁ ଥିବା ୧୦୮ କୁଣ୍ଡିୟ ଯଜ୍ଞ  ରାଷ୍ଟ୍ର ଜାଗରଣ ଅଭିଯାନ ପାଇଁ  ଗାୟତ୍ରୀ ତୀର୍ଥ ଶାନ୍ତି କୁଞ୍ଜ ରୁ ଶକ୍ତି କଳସ ଆସି ଆଜି ଅତାବିରା ରେ ପହଞ୍ଚିଛି ।ଏହି ଶକ୍ତି କଳସ  କୁ ନିମନ୍ତ୍ରଣ କରିବା ପାଇଁ ବରଗଡ ଜିଲ୍ଲା ଗାୟତ୍ରୀ ପରିବାର ରୁ  ୭୦ ଜଣ  କର୍ମକର୍ତ୍ତା  ଶ।ନ୍ତିକୁଞ୍ଜ କୁ ଯାଇଥିଲେ ।ଗୋଟିଏ ମାସ ପୂର୍ବରୁ ଏହି ଶକ୍ତି କଳସ ବାହାରି  ପ୍ରଥମେ ବିଜେପୁର ଓ  କ୍ରମେ ସୋହେଲା, ବରପାଲି ବ୍ଲକ୍ ପରିକ୍ରମା କରି ଆଜି ଅତାବିରା ବ୍ଲକ୍ ରେ ପହଞ୍ଚିଛି ।ଏହି ଶକ୍ତି କଳସ କୁ ଅତାବିରା ମହାବିଦ୍ୟାଳୟ ସମ୍ମୁଖରେ ବ୍ଲକ୍ ଗାୟତ୍ରୀ ପରିବାର ପକ୍ଷରୁ ଭବ୍ୟ ସ୍ବାଗତ ଜଣାଯାଇଥିଲା । ଆଜିଠାରୁ ୧୧ ତାରିଖ ପର୍ଯ୍ୟନ୍ତ ଅତାବିରା ବ୍ଲକ୍ ର ସମସ୍ତ  ପଞ୍ଚାୟତ କୁ ଏହି ଶକ୍ତି କଳସ ପରିକ୍ରମା କରିବାର କାର୍ଯ୍ୟକ୍ରମ ରହିଛି।ବିଜେପୁର ରେ ଆସନ୍ତା ଜାନୁଆରୀ ୨ ତାରିଖରୁ ୫ ତାରିଖ ପର୍ଯ୍ୟନ୍ତ ହେବାକୁ ଥିବା ୧୦୮ କୁଣ୍ଡୀୟ  ଯଜ୍ଞ ର ନିମନ୍ତ୍ରଣ, ଶକ୍ତି କଳସର୍ ଦର୍ଶନ ଓ  ଯୁଗ ନିର୍ମାଣ ର ମହାନ୍ ଉଦ୍ଦେଶ୍ୟ ନେଇ ଏହି ଶକ୍ତି କଳସ  ପରିକ୍ରମା କରାଯାଉଛି। ଆସନ୍ତା ଡ଼ିସେମ୍ବର ୨୫ ତାରିଖ ରେ  ଏହି ଶକ୍ତି କଳସ ବାହୁଡି  ଯିବ ଶାନ୍ତିକୁଞ୍ଜ ବୋଲି  ପରିବାର ପକ୍ଷରୁ ଜଣାପଡିଛି ।