12-Dec-2024

ବଲାଙ୍ଗୀର(ମଳୟ ମିଶ୍ରଙ୍କ ରିପୋର୍ଟ ) ଅଙ୍ଗନବାଡିର ଶିଶୁଖାଦ୍ୟ ଛତୁଆକୁ ନେଇ କିଛିଦିନ ହେଲା ଖୁବ୍ ଚର୍ଚ୍ଚା ସରଗରମ ରହିଛି । ସାଂସଦଙ୍କ ବିଲ୍ ଅଟକାଇ ଗୋଟିଏ ମାସର ବିଲ୍ ଟଙ୍କାର ବଟି ଅସୁଲି ହେଉ ବା ରାଜ୍ୟ ପରୀକ୍ଷାଗାରରୁ ଆସିଥିବା ସାମ୍ପଲ୍ ଟେଷ୍ଟିଂରୁ ନିମ୍ନମାନର ଛତୁଆ ରିପୋର୍ଟ ହେଉ; ମହିଳାଙ୍କୁ ସ୍ବାବଲମ୍ବୀ କରିବା ନିମନ୍ତେ ମିଶନଶକ୍ତି ବା ମହିଳା ଏସ୍ ଏଚ୍ ଜି ଙ୍କ ଦ୍ବାରା ପ୍ରସ୍ତୁତ ଏହି ଶିଶୁଖାଦ୍ୟ ଉପରେ ସମସ୍ତିଙ୍କର ନଜର !

ମାସକୁ ଏହାର ବିଲ୍ ଲକ୍ଷାଧିକ ଟଙ୍କାର । ୧ ଲକ୍ଷରୁ ନେଇ ୧୫ ଲକ୍ଷ ଟଙ୍କା ପର୍ଯ୍ୟନ୍ତ  

କୁହାଯାଉଛି, ପ୍ରକୃତରେ ଏହି ପୁଷ୍ଟିକର ହାତତିଆରି ଗର୍ଭବତୀ, ପ୍ରସୂତୀ ଓ ଶିଶୁମାନେ ଏଥିରେ ଯେତେ ଉପକୃତ ହେଉନାହାଁନ୍ତି, ଏହାର ପ୍ରସ୍ତୁତକାରୀ ଏସ୍ ଏଚ୍ ଜି ବା ସେମାନଙ୍କ ସଭାନେତ୍ରୀ/ ସମ୍ପାଦିକା ଆଦିଙ୍କ ସହ ବିଭାଗୀୟା ସୁପରଭାଇଜର/ସିଡିପିଓ / ଡିଏସଡବ୍ଲୁଓ ଆଦି ଅଧିକାରିଣୀଙ୍କ ସମେତ ଉପଜିଲ୍ଲାପାଳ/ ଏଡିଏମ୍ ଓ ବିଧାୟକମାନଙ୍କ ପରି ନିର୍ବାଚିତ ଲୋକ ପ୍ରତିନିଧି ମାନଙ୍କର ହାତ ଚିକ୍କଣ ହୋଇଆସୁଛି ବେଶି l ଏଥକୁ ପୁଣି ଏବର ସାଂସଦଙ୍କ ଆଖି ପଡିଥିବାର ଅଭିଯୋଗ । ସଦ୍ୟସମାପ୍ତ ବିଧାନସଭାରେ ବଲାଙ୍ଗୀର ବିଧାୟକ କଳିକେଶ ନାରାୟଣ ସିଂହଦେଓଙ୍କ ଏ ସମ୍ପର୍କିତ ଏକ ପ୍ରଶ୍ନର ଉତ୍ତରରେ ମହିଳା ଙ୍କ ଶିଶୁ ବିକାଶ ବିଭାଗର ମନ୍ତ୍ରୀ ତଥା ଉପମୁଖ୍ଯମନ୍ତ୍ରୀ ପ୍ରଭାତୀ ପରିଡା ଯେଉଁ ତଥ୍ୟ ଉପସ୍ଥାପନ କରିଛନ୍ତି , ତାହା  ହେଲା ରାଜ୍ୟର ବିଭିନ୍ନ କେନ୍ଦ୍ରଗୁଡ଼ିକରୁ ସାମ୍ପଲ୍ ସଂଗ୍ରହ କରାଯାଇ ରାଜ୍ୟ ପରୀକ୍ଷଣ ପରୀକ୍ଷାଗାରକୁ ପଠାଯାଇଥିଲା ଓ ସେହି ରିପୋର୍ଟରୁ ୧୨୫ ଟି  କେନ୍ଦ୍ରର ଛତୁଆ ନିମ୍ନମାନର ବୋଲି ଜଣାପଡିବା ପରେ ସେମାନଙ୍କ ଉପରେ କାର୍ଯ୍ୟାନୁଷ୍ଠାନ ନିଆଯିବା ସହିତ ୨୪ ସିଡିପିଓ ଓ ୨୧ ସୁପରଭାଇଜରଙ୍କୁ

ନୋଟିସ୍ ଦେଇ କୈଫିୟତ୍ ଦେବାକୁ ସରକାର ନିର୍ଦ୍ଦେଶ ଦେଇଛନ୍ତି । ଏହି ଅନୁଯାୟୀ , ବଲାଙ୍ଗୀର ଜିଲ୍ଲାର ୬/୭ ଟି ଓ ସୁବର୍ଣ୍ଣପୁର ଜିଲ୍ଲାର ୧/୨ ଟି ଏସ୍ଏଚ୍ ଜି ବିରୋଧରେ ରିପୋର୍ଟ ସହିତ ଜଣେ ସିଡିପିଓଙ୍କର ଦରମା ବନ୍ଦ କରାଯାଇଥିବା ପ୍ରକାଶ । 

   ତେବେ ଏଠାରେ ପ୍ରଶ୍ନ ଉଠୁଛି ଯେ , ବାକିମାନେ ସ୍ବଚ୍ଛ ଓ ନିର୍ମଳ ଅଟନ୍ତି ? ନା ଏଥିରେ ଏହି ତଥାକଥିତ ଗୁଣବତ୍ତା ପରୀକ୍ଷଣ ରିପୋର୍ଟ ଆଳରେ କୌଣସି ଚେ ର୍ ପେ ଣ୍ଡି ରହିଛି  ? ଜୟକଳା  ! 

ଅବଶ୍ୟ ଗତ ସରକାରଙ୍କ ଅମଳରେ ଏହି ଛତୁଆରୁ ଉକ୍ତ ଏସ୍ ଏଚ୍ ଜି ମାନେ କୋଟିପତି ହୋଇଯାଇଥିବା ଅଭିଯୋଗ ମିଛ ନୁହେଁ ବୋଲି ଚର୍ଚ୍ଚା ପ୍ରକାଶ ପାଇଛି । ଏଥିରେ ବଲାଙ୍ଗୀର ଓ ସୁବର୍ଣ୍ଣପୁର ଜିଲ୍ଲାର ଏସ୍ ଏଚ୍ ଜି ଗୁଡିକର କାର୍ଯ୍ୟକଳାପ ଓ ଏଠାରେ ଉକ୍ତ ରାଜତଣ୍ଡ ଅସୁଲି କାଣ୍ଡକାର୍ଖାନାର ଚର୍ଚ୍ଚା ଅଧିକ ।    ପରେ ଗୋଟି ଗୋଟି କରି ଏସବୁର କାରଣ, ପ୍ରକଳ୍ପ ଓ ସ୍ବୟଂ ସହାୟିକା ଗୋଷ୍ଠୀ ଗୁଡିକର ଟିକିନିଖି ଖବରର ଆମ ପ୍ରେରଣା ତଦନ୍ତରିପୋର୍ଟ ପ୍ରକାଶ ପାଇବ ।