11-Dec-2024

ଆଗଲପୁର, (ବିନୋଦ ଦୀପ) ବଲାଙ୍ଗୀର ଜିଲ୍ଲା ରେ ଚଳିତ ବର୍ଷ ଖରିଫ ଧାନ କିଣା ପାଇଁ ମଣ୍ଡି ଆରମ୍ଭ ହୋଇଯାଇଛି l ହେଲେ ଆଗଲପୁର ବ୍ଲକ ର ସମସ୍ତ ସମିତି ଦିର୍ଘ ବର୍ଷ ହେବ ଲକ୍ଷ ଲକ୍ଷ ଟଙ୍କା ର କ୍ଷତି  ସହି ଆସୁଛନ୍ତି l ଦିର୍ଘ ବର୍ଷ ହେବ ଧାନ କ୍ରୟ କରି ଆସୁଛନ୍ତି ହେଲେ ସରକାର ଙ୍କ ଠାରୁ ମଣ୍ଡି ର ଲେବର ପାଉଣା ମିଳୁନଥିବା ରୁ ଆଗଲପୁର ବ୍ଲକ ପ୍ରାଥମିକ କୃଷି ସମବାୟ ସମିତି ସଂଘ ର ସଭାପତି ଜଗବନ୍ଧୁ ପଧାନ ଙ୍କ ନେତୃତ୍ଵରେ  ଜିଲ୍ଲାପାଳଙ୍କୁ ଭେଟି ଏହି ବିଷୟରେ ଅବଗତ କରିବା ସହିତ ଏକ ଦାବିପତ୍ର ପ୍ରଦାନ କରିଛନ୍ତି l ଏଥିରେ ବ୍ଳକ ର ସମସ୍ତ 13 ଗୋଟି ସମବାୟ ସମିତି ର ସଭାପତି ସାମିଲ ହୋଇଥିଲେ l ଅନ୍ୟପଟେ ଜିଲ୍ଲାପାଳ  କହିଛନ୍ତି ଚଳିତ ଖରିଫ ଧାନ କିଣା ର ମଣ୍ଡି ଶ୍ରମିକ ମଜୁରି ଦିଆଯିବ ବୋଲି କହିବା ସହିତ ବକେୟା ଲେବର ଖର୍ଚ୍ଚ ମଧ୍ୟ ଅନୁଧ୍ୟାନ କରି ଦିଆଯିବ ବୋଲି  ଜିଲ୍ଲାପାଳ ପ୍ରକାଶ କରିଛନ୍ତି l