11-Dec-2024

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀର ଜିଲ୍ଲାର ମଲମୁଣ୍ଡା ଠାରେ ଥିବା ଓରିଏଣ୍ଟାଲ ପବ୍ଲିକ ସ୍କୁଲର ୨୯ ତମ ବାର୍ଷିକ ଉତ୍ସବ ଧୂମଧାମରେ ପାଳନ କରାଯାଇଥିଲା l ଏଥିରେ ସ୍କୁଲର ଚ୍ୟାରମେନ ବିଜୟ କୁମାର ଦାସ, ଅଧ୍ୟକ୍ଷା ସୁଷମା ମିଶ୍ର ଏବଂ ସଚିବ ସୁକାନ୍ତ ରାଜୀବ ମିଶ୍ରଙ୍କ ସଭାପତିତ୍ୱରେ ଦୁଇ ଦିନ ଧରି କ୍ରୀଡା ଉତ୍ସବଟି ସ୍କୁଲ ପରିସରରେ ପାଳିତ ହୋଇଥିଲା l ମୁଖ୍ୟ ଅତିଥିଭାବେ ପୁଇଁତଲା ଅତିରିକ୍ତ ବ୍ଲକ ଶିକ୍ଷା ଅଧିକାରୀ ନୀଳମଣି ପଣ୍ଡା ଉଦଘାଟନ ଓ ଉଧ୍ୟାପନ ସମାରୋହରେ ଯୋଗଦାନ କରିଥିଲେ l ପିଲାମାନଙ୍କର ଶିକ୍ଷା ସହିତ ମାନସିକ ଓ ବୌଦ୍ଧିକ ଉନ୍ନତି ପାଇଁ ନିତିଦିନ କ୍ରୀଡା କରିବା ସହିତ ସ୍କୁଲରେ ମଧ୍ୟ ବିଭିନ୍ନ ପ୍ରତିଯୋଗିତା ମାନେ କରିବା ନିହାତି ଦରକାର ବୋଲି ବକ୍ତବ୍ୟ ଦେଇଥିଲେ l ଦ୍ଵିତୀୟ ଦିନରେ ୱେବ ମିଡ଼ିଆ ସାମ୍ବାଦିକ ସଂଘର ଜିଲ୍ଳା ସଭାପତି ଫିରୋଜ କୁମାର ସାହୁ ଯୋଗଦାନ କରି ମୁଖ୍ୟ ଅତିଥି ନୀଳମଣି ପଣ୍ଡା, ଉପାଧ୍ୟାକ୍ଷା ସବିତା ପାଣିଗ୍ରାହୀ ଓ ଗୌରୀ ଶଙ୍କର ଖମାରୀଙ୍କ ସହିତ ବିଭିନ୍ନ କ୍ରୀଡାରେ ଉତୀର୍ଣ୍ଣ ହୋଇଥିବା ଛାତ୍ରଛାତ୍ରୀଙ୍କୁ ପୁରସ୍କାର ବିତରଣ କରିବା ସହିତ ଖବର ପ୍ରକାଶ ଓ ପ୍ରସାରଣ କରିବାରେ ସହଯୋଗ କରିଥିଲେ l ଏହି ଦୁଇ ଦିନିଆଁ କ୍ରୀଡା ଉତ୍ସବରେ ସ୍କୁଲର ସମସ୍ତ ଶିକ୍ଷକ, ଶିକ୍ଷୟିତ୍ରୀ ଓ କ୍ରୀଡା ଶିକ୍ଷକଙ୍କ ପୂର୍ଣ୍ଣ ସହଯୋଗ ରହିଥିବା ବେଳେ ଅଭିଭାବକ ଓ ଅଭିଭାବିକଙ୍କ ମଧ୍ୟରେ ଦୁଇଟି ପ୍ରତିଯୋଗିତା ଅନୁଷ୍ଠିତ ହୋଇଥିବ ବେଳେ ତାଙ୍କୁ ମଧ୍ୟ ପୁରସ୍କୃତ କରାଯାଇଥିବାରୁ ସମସ୍ତେ ଉତ୍ସାହିତ ହୋଇଥିଲେ l