28-Nov-2024

କଣ୍ଟାମାଳ(ଜୟକୁମାର ମହାରଣା): ଜ଼ିଲ୍ଲାରେ ବର୍ତମାନ ଶିକ୍ଷାର ଭିତ୍ତିଭୂମି ଓ ଆବଶ୍ୟକତା କୁ ନେଇ ଏକ ଆଲୋଚନା ଚକ୍ର ଆଗାମୀ ଡିସେମ୍ବର 6 ତାରିଖରେ ସାମ୍ବାଦିକ ଫରୋମ ପକ୍ଷରୁ ଆୟୋଜିତ ପୁସ୍ତକ ମେଳା ପରିସରରେ ଅନୁଷ୍ଠିତ ହେବା ନେଇ ଜ଼ିଲ୍ଲା ପ୍ରେସ କ୍ଲବର ସାଧାରଣ ବୈଠକରେ ଆଜି ନିଷ୍ପତ୍ତି ଗ୍ରହଣ କରାଯାଇଛି l କ୍ଲବର ଉପସଭାପତି ସମରେଶ ମିଶ୍ରଙ୍କ ଅଧ୍ୟକ୍ଷତାରେ ସ୍ଥାନୀୟ ସାମ୍ବାଦିକ ଫରୋମ କାର୍ଯ୍ୟାଳୟରେ ଅନୁଷ୍ଠିତ ଏହି ବୈଠକରେ କ୍ଲବ ପକ୍ଷରୁ ଜ଼ିଲ୍ଲାର ବିଭିନ୍ନ ସମସ୍ୟା ଓ ଏହାର ସମାଧାନ, ପର୍ଯ୍ୟଟନ, କଳା, ସଭ୍ୟତାର ବିକାଶ ଏଭଳି ଶୀର୍ଷକ ଆଲୋଚନା ଜ଼ିଲ୍ଲା ପାଇଁ ଏକ ନିଶ୍ଚିତ ଉନ୍ନତିର ପଥ ପରିସ୍କାର କରିପାରିଛି ତେଣୁ ଏଥରର ଆଲୋଚନା ମଧ୍ୟ ଜ଼ିଲ୍ଲାର ଶିକ୍ଷାର ବିକାଶ କ୍ଷେତ୍ରରେ ବେସ ସହାୟ ହେବ ବୋଲି ଉପସ୍ଥିତ ସଦସ୍ୟ ମାନେ ଆଶା ପ୍ରକଟ କରି ସୁଚିନ୍ତିତ ମତାମତ ଉପସ୍ଥାପନା କରିଥିଲେ l ପ୍ରାରମ୍ଭରେ କ୍ଲବର ସାଧାରଣ ସମ୍ପାଦକ ରଘୁନାଥ ଷଡ଼ଙ୍ଗୀ ବୈଠକର ଉଦ୍ଦେଶ୍ୟ ଜ୍ଞlପନ କରିଥିବାବେଳେ ସଦସ୍ୟ ପୂର୍ଣ୍ଣଚନ୍ଦ୍ର ସାହୁ ଧନ୍ୟବାଦ ଅର୍ପଣ କରିଥିଲେ l ବୈଠକରେ ଜ଼ିଲ୍ଲାର ବିଭିନ୍ନ ଅଂଚଳରୁ କ୍ଲବର ସଦସ୍ୟ ମାନେ ଯୋଗ ଦେଇ ବିଭିନ୍ନ ପ୍ରlସଙ୍ଗିକ ଆଲୋଚନା ରେ ଭାଗ ନେଇଥିଲେ l