27-Nov-2024

କଣ୍ଟାମାଳ(ଜୟ କୁମାର ମହାରଣା):  ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଘଣ୍ଟାପଡ଼ା ସରସ୍ଵତୀ ଶିଶୁବିଦ୍ୟା ମନ୍ଦିରର ବାର୍ଷିକ କ୍ରୀଡ଼ା ଉଦୟାପିତ ହୋଇଯାଇଛି। ପ୍ରଧାନ ଆଚାର୍ଯ୍ୟ ଲିଙ୍ଗରାଜ ସେଠଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଅନୁଷ୍ଠିତ କ୍ରୀଡ଼ାରେ ୧୮୯ଜଣ ଶିଶୁ ଭାଇଭଉଣୀ ଭାଗ ନେଇଥିଲେ। ଏଥିରେ ୧୦୦ମି, ୨୦୦ମି. ,୪୦୦ମି. ଦୌଡ଼, ଲମ୍ବଡିଆଁ, ଉଚ୍ଚ ଡିଆଁ, ଗୋଳାଫିଙ୍ଗା ଆଦି ପ୍ରତିଯୋଗିତା ହୋଇଥିଲା   l ଶାରୀରିକ ପ୍ରମୁଖ ବିସିକେଶନ ସାହୁ ଖେଳ ପରିଚାଳନା କରିଥିଲେ। ଗୁରୁମା ଜୟନ୍ତୀ ପ୍ରଧାନ,ସନ୍ତୋଷିନୀ ରଣା, ସୁରଭି ସେଠ୍, ରୀତା ରଣା, ମଞ୍ଜୁ ମହଲା, ଗୁରୁଜୀ ଦୁର୍ଯ୍ୟୋଧନ ସିଂ କହଁର, ହିମାଦ୍ରୀ ରଣା, ଟିଙ୍କଲ ବକ୍ସି ପ୍ରମୁଖ ଖେଳ ପରିଚାଳନାରେ ସହଯୋଗ କରିଥିଲେ। ପରେ ପ୍ରଧାନଆଚାର୍ଯ୍ୟ ଲିଙ୍ଗରାଜ ସେଠ୍ ଙ୍କ ସଭାପତିତ୍ୱରେ ପୁରସ୍କାର ବିତରଣ ସଭା

ହୋଇଥିଲା  l ପରିଚାଳନା କମିଟୀ ସଭାପତି ଅଗସ୍ତୀ ମଲିକ ମୁଖ୍ୟଅତିଥି ,ରଞ୍ଜିତ ରଣା ମୁଖ୍ୟବକ୍ତା ଓ ସମ୍ମାନୀତ ଅତିଥି ଭାବେ କୋଷାଧ୍ୟକ୍ଷ ଦେବେନ୍ଦ୍ରନାଥ ରଣା, ବିରେନ୍ଦ୍ର ପ୍ରସାଦ ଦେହୁରୀ ଉପସ୍ଥିତ ରହି ଶିକ୍ଷା ସହ ଖେଳକୁଦର ଆବଶ୍ୟକତା ନେଇ ବକ୍ତବ୍ୟ ରଖିଥିଲେ ଓ କୃତି ଭାଇଭଉଣୀଙ୍କୁ ପୁରସ୍କୃତ କରିଥିଲେ। ଗୁରୁମା ରଶ୍ମିତା ରଣା ଅତିଥି ପରିଚୟ ପ୍ରଦାନ କରିଥିବା ସ୍ଥଳେ ଗୁରୁମା ଜ୍ୟୋତିମୟୀ ଦାଶ ସ୍ୱାଗତ ଭାଷଣ ଓ ଗୁରୁମା ସୁଷମା ସାହୁ ଧନ୍ୟବାଦ ଦେଇଥିଲେ। ଗୁରୁମା ସିନି ଦେହୁରୀ ,ଗୁରୁଜୀ ଚୂଳଚକ୍ର ବର୍ଗେ ଏବଂ ସେବିକା ଅହଲ୍ୟା ରଣା ସହଯୋଗ କରିଥିଲେ।