24-Nov-2024

କଣ୍ଟାବାଞ୍ଜି(ରୋହନ ମହତ୍):  ଷ୍ଟେଟ୍ ୟୁନିଅନ୍ ଅଫ୍ ଜର୍ଣ୍ଣାଲିଷ୍ଟ (ଏସ୍ ୟୁ ଜେ) ବଲାଙ୍ଗୀର ଶାଖାର କଣ୍ଟାବାଞ୍ଜି  ଠାରେ ଏକ ବୈଠକ  ଅନୁଷ୍ଠିତ ହୋଇଯାଇଛି l ଏସ୍ ୟୁ ଜେ ର କଣ୍ଟାବାଞ୍ଜି ସଭ୍ୟ ଯୁଗଳ କିଶୋର ଶବରଙ୍କ ଆବାହକତ୍ବରେ ତଥା ବରିଷ୍ଠ ସାମ୍ବାଦିକ ଗୋପବନ୍ଧୁ ସତପଥୀଙ୍କ ସଭାପତିତ୍ଵରେ  ବୈଠକ ଅନୁଷ୍ଠିତ ହୋଇଥିଲା l ଅନ୍ୟତମ ସଭ୍ୟ ତୁଳସୀ ରାମ ଜଗତ ସାମ୍ବାଦିକ ମାନଙ୍କ ଅଧିକାର ଓ ସ୍ଵାର୍ଥ ରକ୍ଷା ଉପରେ ନିଜର ମତ ରଖିଥିଲେ l ବୈଠକରେ ସଂଘର ସଭ୍ୟସଂଖ୍ୟା ବୃଦ୍ଧି ଏବଂ ଆଗାମୀ ଦିନରେ ହେବାକୁ ଥିବା ଜିଲ୍ଲାସ୍ତରୀୟ ବାର୍ଷିକ ଉତ୍ସବ,ସଭ୍ୟ ନବୀକରଣ ଓ କର୍ମକର୍ତ୍ତା ନିର୍ବାଚନ ଉପରେ ବିସ୍ତୃତ ଆଲୋଚନା ହୋଇଥିଲା l ସାମ୍ବାଦିକ ମାନଙ୍କ ଅଧିକାର ଓ ସ୍ଵାର୍ଥ ରକ୍ଷା ପାଇଁ ଏସ୍ ୟୁ ଜେ ସବୁ ବେଳେ କାମ କରି ଆସୁଛି ଓ ଆଗାମୀ ଦିନରେ ଏହି ସଂଘକୁ କିପରି ଜିଲ୍ଲାର ଏକ ପ୍ରମୁଖ ସଂଗଠନ କରାଯାଇପାରିବ ସେ ଉପରେ ଆଲୋଚନା ହୋଇଥିଲା l ସାମ୍ବାଦିକ ମାନେ ସାମ୍ବାଦିକତା ପ୍ରତି ଗୁରୁତ୍ୱ ଦେଇ ପଥଚ୍ୟୁତ ନହେବା ପାଇଁ ଏସ୍ ୟୁ ଜେ ସାଧାରଣ ସମ୍ପାଦକ ଶରତ ମହାକୁର ତାଙ୍କ ବକ୍ତବ୍ୟରେ କହିଥିଲେ l ସମ୍ପାଦକ ରଘୁ ନନ୍ଦନ ସିଂହ  ଓ ରାଜ୍ୟ ଉପସଭାପତି ମହେନ୍ଦ୍ର ଦର୍ଜି  ପ୍ରମୁଖ ନିଜର  ବକ୍ତବ୍ୟ ପ୍ରଦାନ କରିଥିଲେ l ଏସ୍ ୟୁ ଜେ କଣ୍ଟାବାଞ୍ଜି ଶାଖାର ରୋହନ ମହତ୍, ମୋହନ ସୁନା,ପିତାମ୍ବର ଦୀପ, ଟିକେଶ୍ବର ତାଣ୍ଡି,ବିକାଶ ଶର୍ମା,ରାକେଶ ସରାଫ,ଦିଗସନ ପୁଟେଲ, ମୀନକେତନ ନିଆଲ, ଧନଞ୍ଜୟ ମହତ୍ ପ୍ରମୁଖ ଆଲୋଚନାରେ ଅଂଶଗ୍ରହଣ କରି ଏସ୍ ୟୁ ଜେ ର ସଂଗଠନ କୁ ବ୍ଲକସ୍ତରରେ ସୁଦୃଢ କରିବାକୁ ନିଷ୍ପତ୍ତି ନେଇଥିଲେ l ନିକଟରେ ସୋନପୁର ଜିଲ୍ଲା ସଭାପତି ଧୀରେନ୍ଦ୍ର ଦାନୀ ଙ୍କ ଉପରେ ସୋନପୁର ବିଡିଓ ଙ୍କ ଆକ୍ରୋଶମୂଳକ ଆକ୍ରମଣକୁ ଦୃଢ଼ ନିନ୍ଦା କରାଯାଇ ଥିଲା l ତତ୍ ସଙ୍ଗେସଙ୍ଗେ ଏସ୍ ୟୁ ଜେ ରାଜ୍ଯ ସଂଗଠନର ସଭାପତି କୈଳାଶ ନାୟକଙ୍କ ବଳିଷ୍ଠ ପଦକ୍ଷେପ କୁ ପ୍ରସଂସା କରାଯାଇଥିଲା l ଆାଗାମୀ ଦିନରେ କୌଣସି କାର୍ଯ୍ୟରତ ସାମ୍ବାଦିକମାନଙ୍କ ଉପରେ ଅନ୍ୟାୟ ଓ ଆକ୍ରୋଶମୂଳକ ଭାବରେ ଆକ୍ରମଣ କରାଯାଏ ତେବେ ସଂଘ  ପକ୍ଷରୁ ବରଦାସ୍ତ କରାଯିବ ନାହିଁ ବୋଲି ନିଷ୍ପତ୍ତି ହୋଇଥିଲା l ସଂଘର ସଦସ୍ୟ ବିକାଶ ଶର୍ମାଙ୍କ ଜନ୍ମଦିନ ଅବସରରେ କେକ୍ କଟା ଯାଇ ଜନ୍ମ ଦିନର ଅଭିନନ୍ଦନ ଜ୍ଞାପନ କରାଯାଇଥିଲା l