24-Nov-2024

ବରପାଲି -(ସୁଦାମ ଦୀପ), ବରଗଡ ଜିଲ୍ଲା ବରପାଲି ସମଲେଶ୍ବରୀ ବିହାର ସ୍ଥିତ ଫାର୍ମାସୀ କଲେଜ୍ ପରିସରରେ ଜାତୀୟ ସ୍ତରୀୟ ଔଷଧୀୟ କର୍ମଶାଳା ଶନିବାର ଅନୁଷ୍ଠିତ ହୋଇଯାଇଛି l ଏହି ଅବସରରେ ମୁଖ୍ୟ ଅତିଥି ଭାବେ ଡ. ନୋଇଡାଏସପିଇ ମୂଖ୍ୟ ଡ . ଉପେନ୍ଦ୍ର ନାଗାଇଚ, ସମ୍ମାନିତ ଅତିଥି ଭାବରେ ହାଇଦ୍ରାବାଦ ଅନୁରାଗ ବିଶ୍ଵବିଦ୍ୟାଳୟର ପ୍ରଫେସର ଡ. ଏମ. ଅକିଫ ହାକ୍ ତଥା ଶିକ୍ଷା ଓ ଅନୁସନ୍ଧାନ ବିଶ୍ଵବିଦ୍ୟାଳୟ ଭୁବନେଶ୍ୱର ପ୍ରଫେସର ଡ. ପ୍ରତାପ କୁମାର ସାହୁ, ଯୋଗଦେଇ ନୂତନ ଔଷଧୀୟ ଉଦ୍ଭାବନ କ୍ଷେତ୍ରରେ ଜଣେ ଫାର୍ମାସୀର ଗୁରୁତ୍ଵପୂର୍ଣ୍ଣ ଭୂମିକା ରହିଛି ବୋଲି ମତ ପ୍ରକାଶ କରିଥଲେ l ଉଦ୍ଘାଟନୀ ଉତ୍ସବରେ ବରପାଲି ଫାର୍ମାସୀ କଲେଜ୍ ଅଧ୍ୟକ୍ଷ ଅର୍ଣ୍ଣବିଦିତ୍ୟ ମିଶ୍ର ସ୍ୱାଗତ ଭାଷଣ ଦେଇ ଥିବାବେଳେ ପରିଚାଳନା କମିଟି ଅଧ୍ୟକ୍ଷ ନରେନ୍ଦ୍ର କୁମାର ହୋତା ଓ ପରିଚାଳନା କମିଟି ସଭାପତି ହିମାଂଶୁ ମୋହନ ଦେଓ କର୍ମଶାଳାର ଆଭିମୁଖ୍ୟ ପ୍ରକାଶ କରିଥଲେ l ଏହି ଅବସରରେ ସ୍ଵର୍ଣ୍ଣ ପଦକ ବିଜେତା ଛାତ୍ର ଛାତ୍ରୀ ମାନଙ୍କୁ ସମ୍ମାନିତ କରାଯାଇଥିଲା l ସନ୍ଧ୍ୟାରେ ଛାତ୍ର ଛାତ୍ରୀ ମାନଙ୍କ ଦ୍ଵାରା ମୋନୋରଞ୍ଜନ କାର୍ଯ୍ୟକ୍ରମ ପରିବେଷଣ ହୋଇଥଲା l ଏଥିରେ ଫାର୍ମାସୀ କଲେଜର ଆଶୁତୋଷ ମେହେର, ସୁମନ୍ତ କୁମାର ଦାଶ, ସନ୍ତୋଷ କୁମାର ଦାଶ, ଅବଦୁଲ ସାଜେଦ ଖାଁ, ଅବିନାଶ କୁମାର ସାହୁ, ରଞ୍ଜିତ କୁମାର ଥାଇତ ପ୍ରମୁଖ ମଞ୍ଚ ପରିଚାଳନା କରିଥିଲେ l    କର୍ମଶାଳାରେ ରାଜ୍ୟର ବିଭିନ୍ନ ଫାର୍ମାସୀ କଲେଜର ଶତାଧିକ ଛାତ୍ର ଛାତ୍ରୀ ଯୋଗଦେଇ ଥିଲେ l