21-Sep-2024

ଡୁଙ୍ଗୁରିପାଲି , ତା.୨୧/୯: ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ପଞ୍ଚାୟତ ଉଚ୍ଚ ବିଦ୍ୟାଳୟ ମାୟାବର୍ହ। ଠାରେ "ଶାନ୍ତି ପାଇଁ ଦିବସ ଟିଏ " ବିଷୟ ବସ୍ତୁକୁ ନେଇ ପ୍ରଧାନ ଶିକ୍ଷକ ରବିଚନ୍ଦ୍ର ପଶାୟତଙ୍କ ମାର୍ଗଦର୍ଶନ ରେ ସ୍କାଉଟ ଟ୍ରୁପ୍ ତରଫରୁ ଆନ୍ତର୍ଜାତୀୟ ଶାନ୍ତି ଦିବସ ପାଳିତ ହୋଇ ଯାଇଛି। ଏହି ଅବସରରେ ବରିଷ୍ଠ ଶିକ୍ଷକ ତଥା ଶାନ୍ତି ଦୁତ ଜିଲ୍ଲା ସଂଯୋଜକ ଦୀନବନ୍ଧୁ ପ୍ରଧାନ ଏକ ସୁସ୍ଥ ପୃଥିବୀ ଗଠନ ରେ ବିଶ୍ଵଶାନ୍ତି ପାଇଁ ଛାତ୍ର ଛାତ୍ରୀଙ୍କ ପ୍ରମୁଖ ଭୂମିକା ରହିଥିବା ଦର୍ଶାଇଥିଲେ। ଆୟୋଜିତ ସଭାରେ ଛାତ୍ର କ୍ରିସ, ସୁଜିତ୍, ବିକାଶ,ଅଙ୍କିତ, ପଞ୍ଚାନନ ଓ ଛାତ୍ରୀଙ୍କ ମଧ୍ୟରୁ ଅର୍ଚ୍ଚିତା,ପ୍ରୀତି, ପୂଜା,ଝରଣା ସିମୁ ନିଜ ନିଜ ବକ୍ତବ୍ୟ ପ୍ରଦାନ କରିଥିଲେ।

ଛାତ୍ର ଛାତ୍ରୀଙ୍କୁ ନେଇ ଏକ ଚିତ୍ରାଙ୍କନ ପ୍ରତିଯୋଗିତା କରି ପୁରସ୍କୃତ କରାଯାଇଥିଲା।ଶେଷରେ ଶିକ୍ଷକ କିରଣ ପୁଟେଲ ଧନ୍ୟବାଦ୍ ଅର୍ପଣ କରିଥିଲେ।