16-Sep-2024

ଫୁଲବାଣୀ(କ୍ଷୀରୋଦ କୁମାର ସାହାଣୀଙ୍କ ରିପୋର୍ଟ ) କନ୍ଧମାଳ ଜିଲ୍ଲା ଫୁଲବାଣୀ ବ୍ଲକ ଅନ୍ତର୍ଗତ ଐତିହ୍ୟ ପୂର୍ଣ୍ଣ ବିଶିପଡା ଗ୍ରାମ ପଂଚାୟତ ର ଶ୍ରୀ ବସନ୍ତ କୁମାର ସାହାଣୀଙ୍କ ଆଜି ରାତି ୩ ଟା ସମୟରେ ୬୭ ବର୍ଷ ବୟସରେ ନିଜ ବାସ ଗୃହରେ ମୃତ୍ୟୁ ବରଣ କରିଛନ୍ତି | ସ୍ବର୍ଗତ ବସନ୍ତ ସାହାଣୀ ଜେଲଯେମାଦାର ଭାବେ ତାଙ୍କର ଚାକିରୀ ଜୀବନ କାଳରେ କନ୍ଧମାଳ, ବୌଦ୍ଧ, ଗୁଣୁପୁର, ପୁରୀ, ଖୋର୍ଦ୍ଧା, କୋରାପୁଟ ଭଳି ଜିଲ୍ଲାର ଜେଲ ଜେମାଆଦାର ଭାବେ ଅତି ସୁଚାରୁରୂପେ ନିଜର କାର୍ଯ୍ୟ ତୁଲାଇ ଆସି ଅବସର ଗ୍ରହଣ କରିଥିଲେ | ସ୍ବର୍ଗତ ସାହାଣୀ ଅବସର ପରେ ବିଶିପଡା ଗ୍ରାମରେ ରହି ସମାଜ ସେବା କାର୍ଯ୍ୟରେ ନିୟୋଜିତ କରିଥିଲେ | କନ୍ଧମାଳ ଜିଲ୍ଲାର ଅଗ୍ରଣୀ ସାମାଜିକ ସଂଗଠନ ର ସେ ଏସସୀ ସେଲ ର ସାଧାରଣ ସମ୍ପାଦକ ଭାବେ କାର୍ଯ୍ୟ କରୁଥିଲେ ଓ ବର୍ତମାନ ବିଶିପଡା ପାଣି ପଂଚାୟତ ର ଜଣେ ସକ୍ରିୟ ସଦସ୍ୟ ଭାବେ ମନୋନୀତ ହୋଇଥିଲେ | ସ୍ବର୍ଗତ ସାହାଣୀ ଜଣେ ଅତି ମେଳାପୀ, ମିଷ୍ଟ ଭାସି ଓ ଉତ୍ତମ ଚରିତ୍ରର ବ୍ୟକ୍ତି ଭାବେ ସମସ୍ତଙ୍କର ନିକଟରେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଥିଲେ | ତାଙ୍କର ଅକାଳ ବିୟୋଗରେ ବିଶିପଡା ଗ୍ରାମପଞ୍ଚାୟତ ତଥା କନ୍ଧମାଳ ଜିଲ୍ଲାରେ ଶୋକର ଛାୟା ଖେଳି ଯାଇଛି | ତାଙ୍କର ମୃତ୍ୟୁରେ ଜାଗ୍ରତ କନ୍ଧମାଳ ର ପ୍ରତିଷ୍ଠାତା ତଥା ବରିଷ୍ଠ ଆଇନଜୀବୀ, ସମାଜସେବୀ ଶ୍ରୀ ସତ୍ୟନାରାୟଣ ବେହେରା ଗଭୀର ଭାବେ ଶୋକ ପ୍ରକାଶ କରି କହିଛନ୍ତି କି ସ୍ବର୍ଗତ ବସନ୍ତ ସାହାଣୀଙ୍କ ସ୍ଥାନ କେହ ପୂରଣ କରିପାରିବେ ନାହିଁ, ସବୁଦିନ ପାଇଁ ବସନ୍ତ ସାହାଣୀଙ୍କ ସ୍ଥାନ ଅପୂରଣୀୟ ହୋଇ ରହିଯିବ ବୋଲି ଦୁଃଖର ସହିତ ପ୍ରକାଶ କରିଥିଲେ | ବୌଦ୍ଧ ଜିଲ୍ଲାର ବରିଷ୍ଠ ସାମ୍ବାଦିକ ଶ୍ରୀ ସଞ୍ଜୟ କହଁର ମଧ୍ୟ୍ୟ ସ୍ବର୍ଗତ ସହଣୀଙ୍କର ଆତ୍ମାର ସଦଗତି କାମନା କରିଛନ୍ତି | ଏତଦ ବ୍ୟତୀତ ସ୍ବର୍ଗତ ସାହାଣୀଙ୍କ ମୃତ୍ୟୁରେ ଗଭୀର ଭାବେ ଦୁଖଃ ପ୍ରକାଶ କରି ବିଶିପଡା ର ପୂର୍ବତନ ସରପଞ୍ଚ ତଥା ବରିଷ୍ଠ ସାମ୍ବାଦିକ ଶ୍ରୀ କ୍ଷୀରୋଦ କୁମାର ସାହାଣୀ, ପୂର୍ବତନ ନାଇବ ସରପଞ୍ଚ ଶ୍ରୀ ସୁକାନ୍ତ କୁମାର ବେହେରା, ପୂର୍ବତନ ଜେଲ ଜେମାଦାର ଶ୍ରୀ କୁବେର ସାହାଣୀ, ଶ୍ରୀ ଦୀନବନ୍ଧୁ ସାହାଣୀ ଶିକ୍ଷକ ଶ୍ରୀ ବିପ୍ରଚରଣ ସାହାଣୀ ଶୋକ ପ୍ରକାଶ କରିଛନ୍ତି | ତାଙ୍କର ମୃତ୍ୟୁ ବେଳକୁ ତାଙ୍କ ନିକଟରେ ବଡ଼ ପୁଅ ଶୁଳପାଣି ସାହାଣୀ, କନିଷ୍ଠ ପୁତ୍ର ଭୋଳା ଶଙ୍କର ସାହାଣୀ, ଓ ଦୁଇ ପୁତ୍ର ବଧୂ ଏବଂ ତାଙ୍କର ଧର୍ମ ପତ୍ନୀ ସମ୍ପତି ସାହାଣୀ ସମେତ ସାନ ଭାଇ ଶରତ ସାହାଣୀ, ପ୍ରଶାନ୍ତ କୁମାର ସାହାଣୀ ସମେତ ଅନ୍ୟ ସମସ୍ତ ଆତ୍ମୀୟ ସ୍ୱଜନ ଉପସ୍ଥିତ ଥିଲେ | ଶେଷ ସମୟରେ ସ୍ବର୍ଗତ ବସନ୍ତ ସାହାଣୀ ପଡିଆ ବେରଣା ଗ୍ରାମର ମୁଖିଆ ଭାବେ କାର୍ଯ୍ୟ ତୁଲାଉ ଥିଲେ, ତାଙ୍କର ମୃତ୍ୟୁରେ ଗ୍ରାମବାସୀଙ୍କ ତରଫରୁ ତାଙ୍କର ଆତ୍ମାର ସଦଗତି କାମନା କରିବା ସହିତ ଗଭୀର ଶ୍ରଦ୍ଧାଞ୍ଜଳି ଜ୍ଞାପନ କରିଥିଲ |