15-Sep-2024

ହରଭଙ୍ଗା(ଦେବବ୍ରତ ଦାସ): ଓଡିଶା ପ୍ରାନ୍ତୀୟ ମାରୱାଡି ଯୁବ ମଞ୍ଚ ପକ୍ଷରୁ ଆଗାମୀ ଡିସେମ୍ବର ମାସରେ ସ୍ୱତନ୍ତ୍ର ଅଭିଯାନ ମାଧ୍ୟମରେ ୧୫ ହଜାର ୟୁନିଟ ରକ୍ତ ସଂଗ୍ରହ କରିବାକୁ ଘୋଷଣା କରାଯାଇଛି l ବୌଦ୍ଧ ଜିଲା ଚାରିଛକ ଅନସୁଲା ହୋଟେଲ ଠାରେ ଓଡିଶା ପ୍ରାନ୍ତୀୟ ମାରୱାଡି ଯୁବ ମଞ୍ଚର ରାଜ୍ୟ କାର୍ଯ୍ୟକାରିଣୀ ସଭା ଅନୁଷ୍ଠିତ ହୋଇଛି l ମାରୱାଡି ଯୁବ ମଞ୍ଚ, ବୌଦ୍ଧ ଶାଖା ଆତିଥ୍ୟ ରେ ଅନୁଷ୍ଠିତ ଏହି କାର୍ଯ୍ୟକାରିଣୀ ସଭାରେ ରାଜ୍ୟ ସଭାପତି ପରାଗ ଅଗ୍ରୱାଲ ଅଧକ୍ଷତା

କରିଥିଲେ l ସଭାରେ ମୁଖ୍ୟ ଅତିଥି ଭାବେ ଅଖିଳ ଭାରତୀୟ ମାରୱାଡି ଯୁବ ମଞ୍ଚର ନିବର୍ତ୍ତମାନ ରାଷ୍ଟ୍ରୀୟ ସଭାପତି କପିଲ ଲାଖୋଟିଆ, ସମ୍ମାନିତ ଅତିଥି ଭାବେ ଉତ୍କଳ ପ୍ରାନ୍ତୀୟ ମାରୱାଡି ସମ୍ମେଳନ ର ପୂର୍ବତନ ସଭାପତି ଗୋବିନ୍ଦ ଅଗ୍ରୱାଲ ଯୋଗ ଦେଇ ଜନସେବା କାର୍ଯ୍ୟ , ସମାଜ ସୁଧାର , ନାରୀଶକ୍ତିର ଉନ୍ନତି , ଗୋ ରକ୍ଷା ଆଦି ସମ୍ପର୍କରେ ମାର୍ଗଦର୍ଶନ କରିଥିଲେ l ରାଷ୍ଟ୍ରୀୟ ସାଧାରଣ ସମ୍ପାଦକ  ସୁନ୍ଦର ପ୍ରକାଶ, ରାଜ୍ୟ ସମ୍ପାଦକ ପ୍ରତୀକ ଅଗ୍ରୱାଲ, ରାଷ୍ଟ୍ରୀୟ ଉପାଧ୍ୟକ୍ଷ ଦୀପକ ଛାପଡ଼ିଆ , ପୂର୍ବତନ  ରାଷ୍ଟ୍ରୀୟ ଉପାଧ୍ୟକ୍ଷ  ରିଙ୍କୁ ଅଗ୍ରୱାଲଙ୍କ ସମତେ ଅନ୍ୟମାନେ ମଂଚାସୀନ ହୋଇ ଆଲୋଚନାରେ ଅଂଶ ଗ୍ରହଣ କରିଥିଲେ l ଆଗାମୀ ଦିନରେ ରାଜ୍ୟ ର ସମସ୍ତ ଜିଲାରେ କୃତ୍ରିମ ଅଙ୍ଗ ପ୍ରତ୍ୟାରୋପଣ ଶିବିର ଆୟୋଜନ କରାଯିବା ନେଇ ପ୍ରସ୍ତାବ ଗ୍ରହଣ କରାଯାଇଥିଲା l ଆଗାମୀ ନିର୍ବାଚନ ଓ ବିଭିନ୍ନ କାର୍ଯ୍ୟକ୍ରମ ନେଇ  ସଦସ୍ୟମାନେ ପ୍ରସ୍ତାବ ଦେବା ସହ ଆଲୋଚନା କରିଥିଲେ l ବୌଦ୍ଧ ଶାଖା ସଭାପତି କୁଶ ଅଗ୍ରୱାଲ , ସମ୍ପାଦକ ଛୋଟୁ ଅଗ୍ରୱାଲ, ସ୍ୱାଗତ ଅଧକ୍ଷ

କେତନ ଅଗ୍ରୱାଲ , ଆବାହକ ଅଙ୍କିତ ଅଗ୍ରୱାଲ ଙ୍କ ସମତେ ଅନ୍ୟମାନେ କାର୍ଯ୍ୟକ୍ରମ ପରିଚାଳନା କରିଥିଲେ l ବୌଦ୍ଧ ମାରୱାଡି ସମାଜର ସଦସ୍ୟ , ପୁରୁଣାକଟକ ମାରୱାଡି ସମାଜର ସଦସ୍ୟଙ୍କ ସମତେ ରାଜ୍ୟର ବିଭିନ୍ନ ଜିଲାରୁ ମାରୱାଡି ଯୁବ ମଞ୍ଚର ସଦସ୍ୟମାନେ ସଭାରେ ସାମିଲ ହୋଇଥିଲେ l ଏହି ଅବସରରେ ସମାଜର ବିଭିନ୍ନ ବରିଷ୍ଠ ସଦସ୍ୟ ଓ ପ୍ରତିଭା ମାନଙ୍କୁ ଉପଢୌକନ ଦେଇ ସମ୍ମାନିତ କରାଯାଇଥିଲା l