15-Sep-2024

ବରଗଡ଼(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ଅତାବିରା ଫଟୋଗ୍ରାଫର ଏସୋସିଏସନ୍ ର ୧୬ତମ ବାର୍ଷିକୋତ୍ସବ ତଥା ନୂଆଁଖାଇ ଭେଟଘାଟ କାର୍ଯ୍ୟକ୍ରମ ରେଙ୍ଗାଲି କ୍ୟାମ୍ପ ସ୍ଥିତ ଡିଭାଇନ୍ ଗାର୍ଡେନ ଠାରେ ଅନୁଷ୍ଠିତ ହୋଇଯାଇଛି। ଅତାବିରା ବିଧାୟକ ନିହାର ରଞ୍ଜନ ମହାନନ୍ଦ ମୁଖ୍ୟ ଅତିଥି ଭାବରେ ଯୋଗଦାନ କରିଥିବା ବେଳେ ଫଟୋଗ୍ରାଫର୍ ମହାସଂଘ ଓଡିଶା ର ସମ୍ପାଦକ ସୁଶାନ୍ତ କୁମାର ମହାନ୍ତି, ଅଲ୍ ଇଣ୍ଡିଆ ରେଡିଓ ସମ୍ବଲପୁର ର ଗାୟକ ପର୍ଶୁରାମ ପାତ୍ର  ପ୍ରମୁଖ ସମ୍ମାନୀତ ଅତିଥି ଭାବେ ଉପସ୍ଥିତ ରହି ପ୍ରଥମେ ବିଘ୍ନ ବିନାଶକ ଗଣେଶ ଓ ମାଁ ସମଲେଶ୍ଵରୀ ଙ୍କ ପୂଜାର୍ଚ୍ଚନା କରିବା ପରେ କାର୍ଯ୍ୟକ୍ରମ ଆରମ୍ଭ ହୋଇଥିଲା। ଏହି ଅବସରରେ ଫଟୋଗ୍ରାଫର ଏସୋସିଏସନ୍ ଅତାବିରା ର ଦିବଙ୍ଗତ ଫଟୋଗ୍ରାଫର୍ ମାନଙ୍କୁ ଶ୍ରଦ୍ଧାଞ୍ଜଳୀ ଜଣାଇଥିଲେ। ଓଡ଼ିଶା ଫଟୋଗ୍ରାଫର୍ ଆସୋସିଏସନ୍ ତଥା ଅତାବିରା ଫଟୋଗ୍ରାଫର୍ ମହାସଂଘ ଓଡ଼ିଶା ର ନୂତନ ସଭାପତି ସଞ୍ଜୟ ରଥ ବର୍ତ୍ତମାନ ସମୟରେ ଫଟୋଗ୍ରାଫି ଓ ଫଟୋଗ୍ରାଫର୍ ର ଅବଦାନ ଓ ମହତ୍ତ୍ଵ ଉପରେ ଆଲୋକପାତ କରିବା ସହ ଓଡ଼ିଶାର ସମସ୍ତ ଫଟୋଗ୍ରାଫର୍ ମାନଙ୍କୁ ପାଇଁ  ବୀମା ଅନ୍ତର୍ଭୁକ୍ତ କରିବା ପାଇଁ ମୁଖ୍ୟ ଅତିଥି ଙ୍କୁ ଅନୁରୋଧ କରିଥିଲେ। ଏହି ଅବସରରେ ନିଷ୍ଠା ପରିବାର ବରଗଡ଼ କୁ କୋଶଳ ଶ୍ରୀ ସମ୍ମାନ ଓ ବରିଷ୍ଠ ଫଟୋଗ୍ରାଫର ଯଶୋବନ୍ତ ନାରାୟଣ ସିଂଙ୍କୁ ଇନ୍ଦ୍ରଧନୁ ସମ୍ମାନ ତଥା ଶୁଭଙ୍କର ସାହୁଙ୍କୁ ମେଧାବୀ ଛାତ୍ର ସମ୍ମାନରେ ସମ୍ମାନିତ କରାଯାଇଥିଲା। ତର୍ପଣ ପ୍ରଧାନ ମଞ୍ଚ ପରିଚାଳନା କରିଥିଲା ବେଳେ ସଂଘର ସଂପାଦକ ସୁଦାମ ମିଶ୍ର ବାର୍ଷିକ ବିବରଣୀ ପାଠ କରିଥିଲେ। ଏହି ପରିପ୍ରେକ୍ଷୀରେ ବିଭିନ୍ନ ପ୍ରକାରର ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।