15-Sep-2024

ଆଗଲପୁର: ବଲାଙ୍ଗୀର ସଦର ମହକୁମା ଠାରୁ ମାତ୍ର ୪୦ କିଲୋମିଟର ଦୁରରେ  ଅବସ୍ଥିତ ଆଗଲପୁର ଗାଁ। ବ୍ଳକ ଡୁଡୁକା ଠାରେ ରହିଥିଲେ ହେଁ ଆଗଲପୁର ବ୍ଳକ ଭାବରେ ବେଶ୍ ପରିଚିତ।

ପୂର୍ବରୁ ଗମନାଗମନ ବ୍ୟାପକ ନଥିବା ଯୋଗୁଁ ଅପହଞ୍ଚ ଇଲାକାର ନାଁ କରିଥିଲା। କିନ୍ତୁ ଏବେ ଗମନାଗମନ ସମେତ ଅନ୍ଯାନ୍ଯ ଦୃଷ୍ଟିକୋଣରୁ ବେଶ୍ ଆଗୁଆ। ଜିଲ୍ଲାର ଶେଷ ମୁହାଣରେ ରହିଛି ଆଗଲପୁର ବ୍ଳକର ନଅଗାଁ (କ) । ଏହି ଗ୍ରାମ ପରେ ପରେ ପଡୋଶୀ ଜିଲ୍ଲା ବରଗଡ ଜିଲ୍ଲାର ଇଲାକା ଆରମ୍ଭ ହୁଏ। ବଲାଙ୍ଗୀର ଜିଲ୍ଲା ଓ ବରଗଡ ଜିଲ୍ଲାର ଶତାଧିକ ରୋଗୀ ଆଗଲପୁର ସ୍ଵାସ୍ଥ୍ୟକେନ୍ଦ୍ର ଉପରେ ନିର୍ଭର କରିଥାନ୍ତି କିନ୍ତୁ ଅନୁତାପର ବିଷୟ ଏହି ସ୍ଵାସ୍ଥ୍ୟକେନ୍ଦ୍ର କେବଳ ନାହିଁନାହିଁ ରେ ଚାଲିଛି। ୧୬ ଶଯ୍ୟାବିଶିଷ୍ଟ ଏହି ସ୍ଵାସ୍ଥ୍ୟକେନ୍ଦ୍ରରେ ଜଣେ ମାତ୍ର ବିଶେଷଜ୍ଞ ଓ ୬ ଜଣ ଡାକ୍ତର ରହିଛନ୍ତି। କିନ୍ତୁ ଡାକ୍ତର ମାନଙ୍କ ସପ୍ତାହକ ଦିନେ ମାତ୍ର ସ୍ଵାସ୍ଥ୍ୟକେନ୍ଦ୍ରକୁ ଆସି ହାଜିରା ହେଉଥିବା ବେଲେ ଜଣେ ଅଣଓଡିଆ ଦାନ୍ତ ଡାକ୍ତରଙ୍କ ହାତରେ ସବୁ ରୋଗର ଚିକିତ୍ସା  ରୋଗୀ ମାନେ ହେଉଥିବାର ଅଭିଯୋଗ ଆସିଛି। ଆଗଲପୁର ନାଗରିକ କମିଟି, ବିଭିନ୍ନ ଅନୁଷ୍ଠାନ ଓ ବ୍ୟକ୍ତିବିଶେଷ ଜିଲ୍ଲା ସ୍ଵାସ୍ଥ୍ୟ ଅଧିକାରୀଙ୍କୁ  ଜଣେ ମେଡିସିନ ବିଶେଷଜ୍ଞ ଓ ସ୍ତ୍ରୀ ଓ ପ୍ରସୂତି ବିଶେଷଜ୍ଞ ଡାକ୍ତର ନିଯୋଜିତ କରିବା ପାଇଁ ଦାବିକରି ଆସିଛନ୍ତି କିନ୍ତୁ ଫଳ ଆଜିଯାଏ ଶୁନ ରହିଛି। ୫ ଜଣ ନର୍ସ ମାନଙ୍କ ଦ୍ବାରା କାମ ହୋଇ ଯାଉଥିବା ଏଠାକାର କର୍ମଚାରୀଙ୍କ ଦ୍ବାରା ଜଣାଯାଏ। ଏଠି କୌଣସି ରୋଗୀ ଯଦି ବଲାଙ୍ଗୀର କିମ୍ବା ବୁର୍ଲା ମେଡିକାଲକୁ ଚିକିତ୍ସିତ ହେବାକୁ ଯିବ ତ ୧୦୮ ଏମ୍ବୁଲେନ୍ସ ଉପରେ ହିଁ ଭରଷା। ପୂର୍ବ ସରକାରଙ୍କ ଉନ୍ନୟନ କାର୍ଯ୍ଯ ମଧ୍ଯରେ ଆଗଲପୁର ସ୍ଵାସ୍ଥ୍ୟକେନ୍ଦ୍ରକୁ ୩୦ ଶଯ୍ୟା ବିଶିଷ୍ଟ ଏକ କୋଠାର ଅନୁମୋଦନ କରିଛନ୍ତି କିନ୍ତୁ ଠିକାଦାର ଅବହେଳାର ଯୋଗୁଁ ସମୟସୀମା ମଧ୍ଯରେ ସମାପ୍ତ ହେବାର ନାଁ ନେଉ ନି। ମୋହନ ସରକାର ତଥା ଭାଜପା ସରକାରଙ୍କ ଏକ ଗୁରୁତ୍ୱପୂର୍ଣ୍ଣ ସ୍ଵାସ୍ଥ୍ୟମନ୍ତ୍ରୀ ପଦ ଏହି ନିର୍ବାଚନ ମଣ୍ଡଳୀର ବିଧାୟକ ମୁକେଶ ମହାଲିଙ୍ଗ ଗୁରୁ ଦାୟିତ୍ବ ତୁଲାଉଛନ୍ତି।  ଲୋକଙ୍କ ଆଶା ନିଶ୍ଚିତ ଭାବରେ ଏଠିକାର ସ୍ଵାସ୍ଥ୍ୟସେବା ଅଧିକରୁ ଅଧିକ ଉନ୍ନତ ମାନର ହେବ ବୋଲି ଆଶା ରହିଥିବ। ମନ୍ତ୍ରୀଙ୍କ ନିଜ ଅଞ୍ଚଳ ଓ ନିର୍ବାଚନ ମଣ୍ଡଳୀ ହୋଇଥିବା ଯୋଗୁଁ ଏହି ଅବହେଳିତ ତଥା ନାହିଁନାହିଁ ରେ ଚାଲୁଥିବା ସ୍ଵାସ୍ଥ୍ୟକେନ୍ଦ୍ରକୁ ଗୁରୁତ୍ୱ ଦେବାକୁ ଅଞ୍ଚଳବାସୀ ଦାବୀ ଜଣାଉଛନ୍ତି। ନହେଲେ ଆଗାମୀ ଦିନରେ ଅଞ୍ଚଳବାସୀ ଜିଲ୍ଲା ସ୍ଵାସ୍ଥ୍ୟ ଅଧିକାରୀଙ୍କୁ ଘେରାଉ କରାଯିବାର ଚେତାବନୀ ଦେଇଛନ୍ତି।