15-Sep-2024

ରେଙ୍ଗାଲିକ୍ୟାମ୍ପ, ବରଗଡ଼ ଜିଲ୍ଲା ଅତାବିରା  ଏନ୍ ଏ ସି ଅନ୍ତର୍ଗତ  ଭୋଇପୁରା ସ୍ଥିତ ଆଦର୍ଶ ବିଦ୍ୟାଳୟ ନିକଟରେ ରହିଥିବା ଆନ୍ଧ୍ର ସମାଜର ୱର ସିଦ୍ଧି ବିନାୟକ ମନ୍ଦିରରେ ହୋଇଥିବା ଶ୍ରୀ ଗଣେଶ ପୂଜାର ଭସାଣି ଉତ୍ସବ ଆଜି ମହା ସମାରୋହରେ ସମ୍ପନ୍ନ ହୋଇ ଯାଇଛି । ଗତ ସାତ ତାରିଖରେ ନିକଟସ୍ଥ ଝାଉଁ ନଦୀରୁ ପୂର୍ଣ୍ଣ କଳସ  ବିଶାଳ ଶୋଭାଯାତ୍ରା ସହ ଅଣାଯାଇ ପୂଜା ମଣ୍ଡପରେ ସ୍ଥାପନା କରାଯାଇଥିଲା ।ଏହାପରେ  ରୀତି ନୀତି ଅନୁଯାୟୀ ଗଣେଶଙ୍କୁ ଆବାହନ ପୂର୍ବକ ପୂଜା କାର୍ଯ୍ୟ ହୋମ ଆଦି ସମ୍ପନ୍ନ କରାଯାଇଥିଲା । ସେଇ ଦିନ ଠାରୁ ଆଜି ପର୍ଯ୍ୟନ୍ତ ପାଞ୍ଚ ଦିନ ଧରି ପ୍ରତ୍ୟହ ପୂଜା କାର୍ଯ୍ୟ  ମହା ଆଡ଼ମ୍ବରରେ ହୋଇ ଚାଲିଥିଲା ।ପ୍ରତ୍ୟେକ ଦିନ ସପତ୍ନିକ ଜଣେ ଲେଖାଏଁ କର୍ତ୍ତା  ଭାବରେ ଦାୟିତ୍ଵ ତୁଲାଇଥିଲେ ।ପ୍ରଥମ ଦିବସ ଅର୍ଥାତ୍ ଗଣେଶ ଚତୁର୍ଥୀ  ଦିନ ଏସ ସୁରେଶ ଓ ଧର୍ମ ପତ୍ନୀ ଏସ ସୁରେଖା  ଏବଂ ଦିବସ ଅନୁକ୍ରମେ  ବି ରାଜେଶ୍ , ବି ଋଷି, ବି ସତ୍ୟନାରାୟଣ ଓ ଧର୍ମପତ୍ନୀ ବି ପଦ୍ମାବତୀ, ୱାଇ ଗଣେଶ ଓ ପତ୍ନୀ ୱାଈ ଅନ୍ନପୂର୍ଣ୍ଣା  କର୍ତ୍ତା  ରୂପେ ଦାୟିତ୍ଵ ତୁଲାଇଥିଲେ ।ପଣ୍ଡିତ ଶଶାଙ୍କ ତ୍ରିପାଠୀ   ପୂଜକ ରୂପେ ବରଣ ହୋଇ ପୂଜା କାର୍ଯ୍ୟ ସମ୍ପାଦନ କରିଥିଲେ ।ଆଜି ପଞ୍ଚମ ଦିବସରେ ହୋମ ଆରତୀ ଓ ପୁଷ୍ପାଞ୍ଜଳି ସହ ଶ୍ରୀ ସିଦ୍ଧି ବିନାୟକ ଙ୍କ ପୂଜା ସମ୍ପନ୍ନ ହେବା ପରେ ଭସାଣି ଯାତ୍ରା ମହା ଆଡ଼ମ୍ବରରେ ହୋଇଥିଲା ।ଭାଲୁପତ୍ରା ,କୁମେଲ ସିଂହ ର ମହିଳା ସଙ୍କୀର୍ତ୍ତନ ଓ ଚକୁଳି ର  ଗୌଡ଼ିୟ  ସମ୍ପ୍ରଦାୟ ର  ସଙ୍କୀର୍ତ୍ତନ ଦଳ ର ସଙ୍କୀର୍ତ୍ତନ ର ତାଳେ ତାଳେ  ଆନ୍ଧ୍ର ସମାଜର  ଆବାଳ ବୃଦ୍ଧ  ବନିତା ବିଭୋର ହୋଇ  ନାଚି ଉଠିଥିଲେ ।ଏହି ସଙ୍କୀର୍ତ୍ତନ ର ତଳେ ତଳେ  ଶ୍ରୀ ସିଦ୍ଧି

ବିନାୟକ ଙ୍କୁ ନଗର ପରିକ୍ରମା କରାଇ ଶେଷରେ ଝାଉଁ ନଦୀରେ ବିସର୍ଜନ କରାଯାଇଥିଲା ।ଏହି ପାଞ୍ଚ ଦିନ ଧରି ଚାଲିଥିବା ପୂଜା କାର୍ଯ୍ୟ କ୍ରମକୁ ମନ୍ଦିର କମିଟିର ସଭାପତି  ଭି ଭେର ରାଜୁ, ସମ୍ପାଦକ ଭି ଗୋଇନ୍ଦୁ, ଉପ ସଭାପତି ଡି ସୁବା ରାଓ , ଯୁଗ୍ମ ସମ୍ପାଦକ ସି ଏଚ୍ ଭାସ୍କର ରାଓ , କୋଷାଧ୍ୟକ୍ଷ କେ ବୀରଭଦ୍ର ରାଓ ,କେ ପି ଶ୍ରୀନିବାସ ସମସ୍ତ   କାର୍ଯ୍ୟକ୍ରମ ର ସୁପରିଚାଳନା କରିଥିଲେ । ମନ୍ଦିର କମିଟି ର କର୍ମକର୍ତ୍ତା , ଭୋଉପୁରା ଗ୍ରାମବାସୀ ଓ ଆଖପାଖ ୫ ଖଣ୍ଡ ଗ୍ରାମର ଜନ ସାଧାରଣ  ସହଯୋଗ କରିଥିଲେ ।ହଜାର  ହଜାର ଶ୍ରଦ୍ଧାଳୁ ଭକ୍ତ ପାଇଁ ସ୍ଵତନ୍ତ୍ର ଅଣ ପ୍ରସାଦ ର ବ୍ୟବସ୍ଥା କରାଯାଇଥିଲା ।