15-Sep-2024

ବରଗଡ଼/ଅତାବିରା:  ବରଗଡ଼ ଜିଲ୍ଲା ଅତାବିରା ବ୍ଲକ ଅନ୍ତର୍ଗତ ଗୋଡଭଗା ଜନତା ହାଇସ୍କୁଲ,ପତ୍ରାପାଲି ହାଇସ୍କୁଲ ଓ ଅତାବିରା ହାଇସ୍କୁଲରେ ସବ୍ ବ୍ଲକସ୍ତରୀୟ ୧୭ବର୍ଷରୁ କମ୍ ବାଳକ ବାଳିକାଙ୍କୁ ନେଇ ଖୋଖୋ, କବାଡି ଓ ୧୪ବର୍ଷ ରୁ କମ୍ ବାଳକ ବାଳିକାଙ୍କ ମଧ୍ୟରେ ଖୋଖୋ,କବାଡି ପ୍ରତିଯୋଗିତାରେ ଚୟନ ହୋଇ ଅତାବିରା ବାଳକ ଉଚ୍ଚବିଦ୍ୟାଳୟ ପରିସରରେ ଅନୁଷ୍ଠିତ ବ୍ଲକ ସ୍ତର ପ୍ରତିଯୋଗିତାରେ ଭାଗ ନେଇଥିଲେ।vହେଲେ ଝିଲିମିଣ୍ଡା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରୁ ରମେଶ ବଢେଇଙ୍କ ଝିଅ ତନୁ ବଢେଇ ଅଷ୍ଟମ ଶ୍ରେଣୀ ପାଠ ପଢ଼ି ପତ୍ରାପାଲି ସବ୍ ବ୍ଲକସ୍ତରୀୟ କବାଡି ପ୍ରତିଯୋଗିତାରେ ନିଜର ଓଜନ ମାପରେ ୫୪କେଜି ହୋଇ ଥିବାରୁ ତାକୁ ଖେଳରେ ସାମିଲ କରାଯାଇ ଥିଲା।ସେଥିରେ ସପ୍ତମ ସ୍ଥାନରେ ଉତ୍ତୀର୍ଣ୍ଣ ବ୍ଲକସ୍ତର ପ୍ରତିଯୋଗିତାକୁ ମନୋନୀତ ହୋଇ ଆଜି ଭାଗ ନେବା ପାଇଁ ଆସିଥିଲେ।ହେଲେ ଚୟନ ପ୍ରକିୟା ଦାୟିତ୍ୱରେ ଥିବା କର୍ତ୍ତୃପକ୍ଷ ଖେଳରୁ ବାଦ୍ ଦେଇଥିଲେ।ଯଦ୍ୱାରା ଛାତ୍ରୀ ତନୁ ମନରେ ରଖିଥିବା ଲକ୍ଷ୍ୟ ତାକୁ ନିରାଶ କରିଦେଇଥିଲା।ତେବେ ସବ୍ ବ୍ଲକ ସ୍ତରରେ ଚୟନ ପ୍ରକିୟା ଠିକ୍ ଥିଲା ନାଁ ବ୍ଲକସ୍ତର ଚୟନ ପ୍ରକ୍ରିୟା ଠିକ୍ ଥିଲା ଏନେଇ ଦ୍ଵନ୍ଦରେ ଭାଙ୍ଗି ପଡ଼ିଥିଲେ ଛାତ୍ରୀ ତନୁ। ଏପରିକି ପଚରାବୁଝାରୁ ଜଣା ପଡ଼ିଥିଲା ଯେ ଠିକ୍ ଭାବେ ଚୟନ ପ୍ରକ୍ରିୟା ନହେବା ଯୋଗୁଁ ଅଧିକାଂଶ ଛାତ୍ରଛାତ୍ରୀ ଏହି ଖେଳରୁ ବଞ୍ଚିତ ରହିଥିଲେ।ଏଥିରୁ ସ୍ପଷ୍ଟ ଜଣା ପଡୁଛି ଯେ ତିନିଟି ସବ୍ ବ୍ଲକସ୍ତରୀୟ ରେ ଥିବା ଓଜନ ମାପଯନ୍ତ୍ର କେଉଁ ଟା ଠିକ୍ କେଉଁ ଟା ଭୁଲ ଏନେଇ ଅଭିଭାବକ ମହଲରେ ପ୍ରଶ୍ନବାଚୀ ସୃଷ୍ଟି କରିଛି।ଏହା ବ୍ୟତିତ ଖେଳରୁ ନିରାଶ ହୋଇ ଫେରି ଯାଇ ଥିବା ଛାତ୍ରୀଙ୍କ ବାପା ଅତାବିରାରେ ସରକାରୀ ବେସରକାରୀ ସ୍ଥାନରେ ଲାଗି ରହିଥିବା ଓଜନମାପ ଯନ୍ତ୍ରରେ ଝିଅ ଓଜନ ମାପ କରାଇଥିଲେ।ସମସ୍ତ ମାପ ଯନ୍ତ୍ର ରେ ପୃଥକ୍ ପୃଥକ୍ ଦେଖିବାକୁ ମିଳିଥିଲା।