13-Sep-2024

ଭାରତୀୟ ସଂସ୍କୃତିର ମୂଳ ଆଧାର ଭାବରେ ପରିଗଣିତ ଦେବଭାଷା ସଂସ୍କୃତ ଦିବସ ସାରା ଦେଶରେ ପାଳନ କରାଯାଉଛି। ବରଗଡ଼ ଜିଲ୍ଲା ଅମ୍ବାଭୋନା ବ୍ଲକ ଅନ୍ତର୍ଗତ ଜନତା ସରକାରୀ ଉଚ୍ଚ ବିଦ୍ୟାଳୟ, ଭୁକ୍ତାରେ ବିଦ୍ୟାଳୟସ୍ତରୀୟ ସଂସ୍କୃତ ଦିବସ ପାଳିତ ହୋଇଯାଇଛି।ବିଦ୍ୟାଳୟର ପ୍ରଧାନ ଶିକ୍ଷକ ଦୁର୍ଗା ପ୍ରସାଦ ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏକ ବୈଠକରେ ସଂସ୍କୃତ ଶିକ୍ଷକ ଶ୍ରୀପତି ସାହୁ ସଂସ୍କୃତ ଭାଷାର ମହତ୍ତ୍ୱ ବିଷୟରେ ଜ୍ଞାନବୋଧ

ପ୍ରକାଶ କରି  ସଂସ୍କୃତକୁ ରାଷ୍ଟ୍ରଭାଷା,ଦେବ ଭାଷା କହି ସମସ୍ତ ଭାଷା ସଂସ୍କୃତ ଭାଷାରୁ ଉଦ୍ଧୃତ ବୋଲି ମତବ୍ୟକ୍ତ କରିଥିଲେ।  ସଂସ୍କୃତ ଭାଷା ଭାରତୀୟ ସଂସ୍କୃତିର ମୂଳ ଆଧାର ଏବଂ ବେଦ ଓ ଉପନିଷଦ ଆଦି ମୂଲ୍ୟବାନ ଗ୍ରନ୍ଥ ବିଷୟରେ ଜାଣିବାକୁ ହେଲେ ସଂସ୍କୃତ ଭାଷାକୁ ଜାଣିବା ଆବଶ୍ୟକ ବୋଲି ଶିକ୍ଷକ ସଞ୍ଜୟ ଖମାରୀ ବିଦ୍ୟାର୍ଥୀମାନଙ୍କୁ ଧାରଣା ଦେଇଥିଲେ।ଏହି ଅବସରରେ ଆୟୋଜିତ ସଂସ୍କୃତ ଭାଷଣ ପ୍ରତିଯୋଗିତାରେ  ପ୍ରତିଯୋଗୀମାନଙ୍କ ମଧ୍ୟରୁ  ନୀହାରିକା ସାହୁ, ହରିପ୍ରିୟା ସହରା ଏବଂ ଜାଗୃତି ପଟେଲ  ଯଥାକ୍ରମେ ପ୍ରଥମ,ଦ୍ବିତୀୟ ଓ ତୃତୀୟ ସ୍ଥାନ ଅଧିକାର କରିଥିଲେ। ଠିକ୍ ସେହିପରି ଶ୍ଲୋକ ଆବୃତ୍ତି ପ୍ରତିଯୋଗିତାରେ ଜାଗୃତି ପଟେଲ, ନୀହାରିକା ସାହୁ ଏବଂ ଜ୍ୟୋତି ପାଣ୍ଡେ ଯଥାକ୍ରମେ ପ୍ରଥମ,ଦ୍ବିତୀୟ ଓ ତୃତୀୟ ସ୍ଥାନ ଅଧିକାର କରିଥିଲେ। ସଂସ୍କୃତ ନୃତ୍ୟଗୀତ ମାଧ୍ୟମରେ  ନରୋତ୍ତମା, ଆନ୍ନା, ଇଶା, ବୈଷ୍ଣବୀ, ରାଜେଶ୍ଵରୀ ଏବଂ ବର୍ଷା ଅଭିନୟ କରି ସର୍ବଶ୍ରେଷ୍ଠ ପ୍ରଦର୍ଶନ କରିଥିଲେ।ସମସ୍ତ ପ୍ରତିଯୋଗୀମାନଙ୍କୁ ପୁରସ୍କୃତ କରାଯାଇଥିଲା। ସଂସ୍କୃତ ଦିବସର ସମସ୍ତ କାର୍ଯ୍ୟକ୍ରମ ପରିଚାଳନାରେ ଶିକ୍ଷକ ସଞ୍ଜୟ ଖମାରୀ,ତେଜରାମ ସା, ଆଶୁତୋଷ ଭୋଇ,ବୋଧରାମ

ବିଶ୍ଵାଳ,ସୁବାସ ଚନ୍ଦ୍ର ଖମାରୀ, ଅଙ୍କିତ ମହନ୍ତ, ପ୍ରଶାନ୍ତ ମହାପାତ୍ର, ପଦ୍ମଲୋଚନ ବିଶି , ଈଶ୍ୱର ପଧାନ, ଶିକ୍ଷୟିତ୍ରୀ ସୌଦାମିନୀ ବାରିକ,ଅନୀତା ପଧାନ,ରାଜକୁମାରୀ ଭୁଏ ଏବଂ ବିଦ୍ୟାଳୟ ପରିଚାଳନା କମିଟିର ଅଧ୍ୟକ୍ଷ ସାନନ୍ଦ ଦେହେରୀ ପ୍ରମୁଖ ଉପସ୍ଥିତ ରହି ସକ୍ରିୟ ସହଯୋଗ କରିଥିଲେ। କାର୍ଯ୍ୟକ୍ରମ ଶେଷରେ ଶିକ୍ଷକ ସଞ୍ଜୟ ଖମାରୀ ଧନ୍ୟବାଦ ଅର୍ପଣ କରିଥିଲେ।