12-Sep-2024

ରେଙ୍ଗାଲିକ୍ୟାମ୍ପ(ପ୍ରେରଣାଖବର): ବରଗଡ଼  ଜିଲ୍ଲା ଦେଶ ଭଟଲି ପଞ୍ଚାୟତ ଉଦେପୁର ଅଙ୍ଗନୱାଡି କେନ୍ଦ୍ର (୧)ପରିସରରେ ଆଜି ଆୟୁଷ୍ମାନ ଆରୋଗ୍ୟ   ପକ୍ଷରୁ ମାଗଣା ସ୍ବାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ ହୋଇଯାଇଛି । ଶିବିରକୁ ଧାତୁକ ପାଳି ସ୍ୱାସ୍ଥ୍ୟକେନ୍ଦ୍ରର ମନୋରଞ୍ଜନ ସାହୁ ଆନୁଷ୍ଠାନିକ ଭାବରେ ଉଦ୍ଘାଟନ କରିଥିଲ । ଡଃ ମନୋରଞ୍ଜନ ସାହୁ, ଦେଶ ଭଟଲି ଉପ ସ୍ଵାସ୍ଥ୍ୟ କେନ୍ଦ୍ର ର ମହିଳା ସ୍ୱାସ୍ଥ୍ୟ କର୍ମୀ  ଲୀଳାବତୀ ପଟେଲ, ସି.ଏଚ ଓଝିଲିନା ,  ଆଚାର୍ଯ୍ୟ କର୍ମୀ ରୀନା ଦନ୍ତା ଜ୍ୟୋସ୍କାମୟୀ ଛୁରିଆ, ଆଶା କର୍ମୀ ମୁକ୍ତା ଦନ୍ତା, ଉପାସୀ ଭୋଇ, ସ୍ନେହ ଲତା ଝାଙ୍କର ପ୍ରମୁଖ ଯୋଗଦେଇ ସହଯୋଗ କରିଥିଲେ ।ଏହି ଶିବିରରେ ବ୍ଲଡ ସୁଗର, ବ୍ଲଡ ପ୍ରେସର, ଚର୍ମ, ଥଣ୍ଡା, କାଶ ଆଦି ରୋଗ ପରୀକ୍ଷା କରି ମାଗଣା ସ୍ୱାସ୍ଥ୍ୟ ପରୀକ୍ଷା ସହ ରୋଗୀ ମାନଙ୍କୁ ଔଷଧ ପ୍ରଦାନ କରାଯାଇଥିଲା । ଡଃ ମନୋରଞ୍ଜନ ସାହୁ ଉପସ୍ଥିତ ଥିବା ମହିଳା, ପୁରୁଷ ମାନଙ୍କୁ ବ୍ଲଡ ସୁଗର, ବ୍ଲଡ ପ୍ରେସର ରୋଗ ଉପରେ  ବିସ୍ତୃତ ଭାବରେ ଆଲୋଚନା କରି ସଚେତନ କରି ଥିଲେ ।