12-Sep-2024

ବରଗଡ଼(ନିରଞ୍ଜନ ତ୍ରିପାଠୀ)-ଅତିରିକ୍ତ ଜିଲ୍ଲାପାଳ ମହେନ୍ଦ୍ର ମହାପାତ୍ର ଙ୍କ ନେତୃତ୍ୱ ରେ ରିଲାଏନ୍ସ କମ୍ପାନୀ ପ୍ରତିନିଧି ଅରବିନ୍ଦ ସିଂ, କୃଷି ଅଧିକାରୀ ପ୍ରସନ୍ନ ମିଶ୍ର, ପରିସଂଖ୍ୟାନ ବିଭାଗ ଅଧିକାରୀ, ଜିଲ୍ଲା ସମବାୟ ବ୍ୟାଙ୍କ ଅଧିକାରୀ ଏବଂ ସଂଯୁକ୍ତ କୃଷକ ସଂଗଠନ ସଦସ୍ୟ ମାନଙ୍କ ଜିଲ୍ଲାପାଳ ଅଫିସ ଠାରେ ବୈଠକ ଅନୁଷ୍ଠିତ ହୋଇଯାଇଛି। ବୈଠକରେ ବିଗତ ବର୍ଷ ମାନଙ୍କର ବୀମା ସମସ୍ୟା ପ୍ରସଙ୍ଗରେ ଆଲୋଚନା ହୋଇଥିଲା। କୃଷକ ସଂଗଠନ ଅଭିଯୋଗ ଅନୁସାରେ ବୈଠକ ପରେ ବୈଠକ ବସି ଚାଲିଛି ।ଅନେକ ନିଷ୍ପତ୍ତି ମଧ୍ୟ ହେଉଛି, କିନ୍ତୁ କାର୍ଯ୍ୟକାରୀ ହେଉନାହିଁ ।ତାହାହେଲେ ବୈଠକର ମୂଲ୍ୟ କଣ ବୋଲି ପ୍ରଶ୍ନ କରିଥିଲେ। ଅତିରିକ୍ତ ଜିଲ୍ଲାପାଳ ମଧ୍ୟ ରିଳାଏନ୍ସ କମ୍ପାନୀ ପ୍ରତିନିଧି ଙ୍କୁ ଅନେକ ତାଗିତ କରିଛନ୍ତି। ପଦ୍ମପୁର ଉପଖଣ୍ଡରେ ଅଫିସ ଖୋଲିବା, ପ୍ରତେକ ବ୍ଲକରେ ରିଳାଏନ୍ସ କମ୍ପାନୀ ପ୍ରତିନିଧି କୃଷି ଅଫିସ ରେ ସେବା ଦେବା, ସହିତ କୃଷକ ମାନଙ୍କ ଦାବୀ ତୁରନ୍ତ ପୁରଣ କରିବାକୁ ପରାମର୍ଶ ଦେଇଛନ୍ତି। ସଂଗଠନ ପକ୍ଷରୁ ଗତ ମିଗ ଜୋମ ଜନିତ ଫସଲ ବୀମା କ୍ଷତି ଅନୁପାତ ରେ ବହୁତ କମ ମିଳିଥିବା, କ୍ଷତିଗ୍ରସ୍ତ ଅନେକ ଚାଷୀ କ୍ଷତି ପୂରଣ ପାଇ ନ ଥିବା, ୨୦୨୪ ଖରିଫ ଋତୁର ଅନେକ ଚାଷୀ ପୋଲିସି ଆଜି ପର୍ଯ୍ୟନ୍ତ ଅନୁମୋଦନ ନ ହେବା, କାରଣରୁ ଚଳିତ ବର୍ଷ ୧୮ ହଜାର ଚାଷୀ ନିରୁତ୍ସାହିତ ହୋଇ ଫସଲ ବୀମା କରିନାହାଁନ୍ତି। ଏଣୁ ଗତ ବର୍ଷର ବୀମା କ୍ଷତି ଗ୍ରସ୍ତ ଚାଷୀ ମାନଙ୍କୁ ପୁନର୍ବିଚାର କରି ତୁରନ୍ତ ଦେବା ପାଇଁ  କରିଥିଲେ। ଯଦି କମ୍ପାନୀ ଆଗ୍ରହ ନ ଦେଖାଏ ତାହାହେଲେ ଫସଲ ବୀମା ଜିଲ୍ଲା ପରିଚାଳନା କମିଟି ବସି ତାହାର ସମାଧାନ କରାଯାଉ ।ନଚେତ  କୌଣସି ମୁହୂର୍ତ୍ତରେ ଆନ୍ଦୋଳନାତ୍ମକ ପନ୍ଥା ଅବଲମ୍ବନ କରିବା ପାଇଁ ବାଧ୍ୟ ହେବୁ ବୋଲି ଚାଷୀ ରୋକ ଠୋକ ଭାବେ ଚେତାବନୀ ଦେଇଛନ୍ତି। ପରେ ଚଳିତ ବର୍ଷରେ ନକଲି ବୀମାକାରୀଙ୍କ ବିରୋଧରେ  କେଶ କରିବା ପାଇଁ ନିଷ୍ପତ୍ତି ହୋଇଛି। ଏ ବୈଠକରେ ସଂଯୁକ୍ତ ସଂଗଠନର ଉତ୍ପନ୍ନ କୁମାର ଭୋଇ, ରମେଶ ମହାପାତ୍ର, ପ୍ରଭାତ ସାହୁ, ମୁରଲୀ ଭୋଇ, ପ୍ରେମରାଜ ସାହୁ, କାରଣ ସାହୁ, ତପନ ମିଶ୍ର, ସୁଦାମ ପାତ୍ର, ବିକାଶ ମାଝୀ, ନରେନ୍ଦ୍ର ଭୋଇ,ନିରଞ୍ଜନ ପଧାନ ପ୍ରମୁଖ ଉପସ୍ଥିତ ଥିଲେ।