28-Aug-2024

ନାକଟିଦେଉଳ(କନ୍ଦର୍ପ ବେହେରା): ନାକଟିଦେଉଳ ପଂଚାୟତ ସମିତି ର ବୈଠକ ରେଢ଼ାଖୋଲ ବିଧାୟକ ପ୍ରସନ୍ନ ଆଚାର୍ଯ୍ୟଙ୍କ ସଭାପତିତ୍ବ ରେ ଅନୁଷ୍ଠିତ ହୋଇଯାଇଛି l ଏହି ବୈଠକ ରେ ବହୁ ଅଧିକାରୀ ଯୋଗ ଦେଉ ନ ଥିବାରୁ ମାନ୍ୟବର ବିଧାୟକ ପ୍ରସନ୍ନ ଆଚାର୍ଯ୍ୟ କ୍ଷୋଭ ପ୍ରକାଶ କରିଥିଲେ l ପ୍ରତି ଗାଁ କୁ ପାଣି ଆସିବା ପାଇଁ ଗାଁ ଗାଁ ରେ ରାସ୍ତା ଉପରେ ପାଇପ ବିଛା ଯାଉଥିବାରୁ ଖାଲ ଖମା ହେବା, ନଳକୂପ ଦାୟିତ୍ୱ ପୂର୍ବ ଭଳି ପଂଚାୟତ କୁ ନ୍ୟସ୍ତ କରିବା, ଶିହିଳିଆ ନୂତନ ଅଙ୍ଗନୱ।ଡି କେନ୍ଦ୍ର ବହୁଦିନ ହେଲା ତାଲା ପଡ଼ିଥିବା, ମାନକୁଣ୍ଡା, ପାଣ୍ଡୁରିଶୀଳା ଗ୍ରାମ ରେ ନୂତନ ଅଙ୍ଗନୱାଡି କେନ୍ଦ୍ର ଖୋଲିବା, ରେଙ୍ଗାଲିପଞ୍ଚୁ ଓ କୁଡାନାଲି ଗ୍ରାମରେ ବନ୍ଦ ଥିବା ପ୍ରାଥମିକ ବିଦ୍ୟାଳୟ କୁ ପୁନଃ ଖୋଲିବା, ସାହେବି ଓ ଗୋଗୁଆ ରେ ନୂତନ ସବ ସେଣ୍ଟର ଖୋଲିବାରେ ସରକାରୀ ଜାଗା ନ ମିଳିବା, ବ୍ଲକରେ ଆର ଡି ଓ ପି ଡବ୍ଲୁ ଡି ତରଫରୁ ହେଉଥିବା ପିଚୁ ରାସ୍ତା କମ ଦିନରେ ନଷ୍ଟ ହୋଇଯିବା ସମ୍ପର୍କ ରେ ପଂଚାୟତ ପ୍ରତିନିଧି ମାନେ ବିଧାୟକ ଙ୍କର ଦୃଷ୍ଟି ଆକର୍ଷଣ କରିଥିଲେ ଳ କେତେ ଜଣ ଅଧିକାରୀ ବିଧାୟକ ଙ୍କ ପ୍ରଶ୍ନ ର ଉତ୍ତର ଠିକ ଭାବରେ ଦେଇ ପାରି ନ ଥିଲେ l
ମାନ୍ୟବର ବିଧାୟକ ଙ୍କୁ ଅଧିକାରୀ ମାନଙ୍କ ଏତେ ଭୟ ଯେ, ଉତ୍ତର ଦେବାରେ ମଧ୍ୟ ପାଟି ଫିଟୁ ନ ଥିବା ଦେଖିବାକୁ ମିଳି ଥିଲା l 
ଏହି ବୈଠକରେ ନାକଟିଦେଉଳ ବିଡ଼ିଓ ଦନେଇ ଚରଣ ଟୁଡୁ, ବ୍ଲକ ଅଧ୍ୟକ୍ଷା ସ୍ଵରୂପରାଣୀ ସାହୁ, ଉପାଧ୍ୟକ୍ଷ ଜିତେନ୍ଦ୍ର କୁମାର ପ୍ରଧାନ, ଜିଲ୍ଲା ପରିଷଦ ସଭ୍ୟ ପ୍ରିୟମ୍ବଦା ସାହୁ, ତହସିଲଦାର ଅମର ଡୁଙ୍ଗଡୁଙ୍ଗ , ସାଂସଦ ପ୍ରତିନିଧି ପୂର୍ଣ୍ଣ ଚନ୍ଦ୍ର ଗଡ଼ତ୍ୟା ପ୍ରମୁଖ ଅତିଥି ଭାବରେ ଯୋଗଦେଇଥିଲେ l
ବ୍ଲକର ବିଭିନ୍ନ ବିଭାଗ ର ଅଧିକାରୀ ମାନେ ଯୋଗଦେଇ ବ୍ଲକ ରେ ଚାଲିଥିବା କାର୍ଯ୍ୟକ୍ରମ ସମ୍ପର୍କ ରେ ସୂଚନା ଦେଇଥିଲେ l