28-Aug-2024

ବୌଦ୍ଧ(ପ୍ରେରଣା ଖବର): ବୌଦ୍ଧ ସଦର ବୁଟୁପାଳି ସ୍ଥିତ ରାଧା ମାଧବ ସେବାଶ୍ରମ ଠାରେ ପ୍ରତ୍ୟେକ ବର୍ଷ ଭଳି ଚଳିତ ବର୍ଷ ପବିତ୍ର ଶ୍ରୀକୃଷ୍ଣ ଜନ୍ମାଷ୍ଟମୀ ମହୋତ୍ସବ ମହାସମାରୋହରେ ଗତକାଲି ଠାରୁ ଆରମ୍ଭ ହୋଇ ଆଜି ନନ୍ଦଉତ୍ସବରେ ବିଭିନ୍ନ କାର୍ଯ୍ୟକ୍ରମ ସହିତ ସମାପନ ହୋଇଥିଲା l ଏହି ଅବସରସରେ ବିଭିନ୍ନ କାର୍ଯ୍ୟକ୍ରମ ଭିତରେ ଚାରି ପ୍ରହାର ନାମଯଜ୍ଞ, ଘୃତଯଜ୍ଞ, ଅନ୍ନଯଜ୍ଞ, ଜ୍ଞାନଯଜ୍ଞ, ସାଧୁ ସେବା ଇତ୍ୟାଦି ରହିଛି l ଏହି କାର୍ଯ୍ୟକ୍ରମକୁ ରାଧାମାଧବ ସେବାଶ୍ରମର ମୁଖ୍ୟ ବ୍ରହ୍ମଚାରୀ ଆଦିତ୍ୟ ଦାସ ପରିଚାଳନା କରିଥିବାବେଳେ ଆଶ୍ରମର ଶତାଧିକ ସଦସ୍ୟ/ସଦସ୍ୟା ସହଯୋଗ କରିଥିଲେ l ନନ୍ଦ ଉତ୍ସାବରେ ଅନେକ ସାଧୁସନ୍ଥ, ଭକ୍ତ ଯୋଗଦାନ କରିବା ସହିତ ଜିଲ୍ଲାପାଳ ସୁବ୍ରତ କୁମାର ପଣ୍ଡା ମୁଖ୍ୟ ଅତିଥି ଭାବେ ଯୋଗ ଦେଇ ଐତିହ୍ୟ, ପରମ୍ପରା, ସଂକୃତି ସହିତ ପରିବେଶ ସୁରକ୍ଷା ନିମନ୍ତେ ମା ପାଇଁ ଗଛ ଟିଏ କାର୍ଯ୍ୟକ୍ରମର ଉପକାରିତା ଉପରେ ଆଲୋକପାତ କରିଥିଲେ l କୁନିକୁନି କଲାକାର ମାନଙ୍କୁ ପ୍ରମାଣପତ୍ର ଦେଇ ସମ୍ମାନିତ କରିଥିଲେ l ସ୍ୱତନ୍ତ୍ର ଅତିଥି ଭାବେ

ଡମ୍ବରୁଗଡ଼ ମଠର ମହନ୍ତ ସର୍ବେଶ୍ୱର ଦାସ, ଅନ୍ୟତମ ଅତିଥି ଭାବେ ସାଧୁ ବାବା କୁଞ୍ଜେଲ ଦାସ, ମୁଖ୍ୟବକ୍ତା ଭାବେ ପ୍ରବକ୍ତା ଗୌରୀ ପ୍ରସାଦ ସାହୁ ଯୋଗ ଦେଇ ଉଦବୋଧନ ଦେଇଥିଲେ l ସାମାଜିକକର୍ମୀ ଦେବାଶିଷ ପୁରୋହିତ ମଞ୍ଚ ପରିଚାଳନା କରିଥିଲେ l ଏହି ଅବସରରେ ନୃତ୍ୟ ପ୍ରତିଯୋଗିତା କରାଯାଇ ଯାଇ ବିଜେତା କଲାକାର ମାନଙ୍କୁ ପୁରସ୍କୃତ କରାଯାଇଥିଲା l ପ୍ରଣାମ ଅନୁଷ୍ଠାନର କୁନିକୁନି କଲାକାର ମାନେ ଅଭିନୟ କରିଥିଲେ l ଏଥିରେ ମାହେଶ୍ୱରୀ ଗୋଶାଳାର ଅଧକ୍ଷ ନିର୍ଗୁଣ ମହାକୁଡ଼, ସମ୍ପାଦକ କୃତ୍ତିବାସ ପଲିଆ ଉପସ୍ଥିତ ରହି ସହଯୋଗ କରିଥିଲେ l