25-Aug-2024

ବରଗଡ଼(ନିରଞ୍ଜନ ତ୍ରିପାଠୀ)- ସଂସ୍କୃତ ସାହିତ୍ୟ ଜଗତକୁ ରୁଦ୍ଧିମନ୍ତ କରିଥିବା ମହାକବି କାଳିଦାସ ସଂସ୍କୃତ ସାହିତ୍ୟ ଜଗତର ସମ୍ରାଟ ଥିଲେ ବୋଲି ଶନିବାର ବରଗଡ଼ ରାଣା ପ୍ରତାପ ସ୍କୁଲ ଠାରେ ଭାରତୀ ଶିଶୁ ସାହିତ୍ୟ ସଂସଦ ଆନୁକୁଲ୍ୟରେ ଅନୁଷ୍ଟିତ "ସଂସ୍କୃତ ସାହିତ୍ୟ ଓ କାଳିଦାସ" ଆଲୋଚନାଚକ୍ରରେ ଯୋଗଦେଇ ବିଶିଷ୍ଟ ଆଲୋଚକ ଅବସର ପ୍ରାପ୍ତ ସଂସ୍କୃତ ଶିକ୍ଷକ କପିଳ ବାଗ ମତପ୍ରକାଶ କରି କାଳିଦାସ ଙ୍କ ଅନବଦ୍ୟ କାବ୍ୟ କୃତି ଉପରେ ଆଲୋକପାତ କରିଥିଲେ । ଛାତ୍ରୀ ଏସ ଜୟଶ୍ରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମ ରେ ପ୍ରଧାନଶିକ୍ଷକ ସୁଦୀପ କୁମାର ରଥ ମୁଖ୍ୟ  ଅତିଥି ଭାବେ ଯୋଗ ଦେଇ କବି ମାନଙ୍କ ମଧ୍ୟରେ କାଳିଦାସ ଶ୍ରେଷ୍ଠ ବୋଲି ଅଭିହିତ କରିଥିଲେ । ଅନ୍ୟ ମାନଙ୍କ

ମଧ୍ୟରେ ଛାତ୍ରୀ ଶ୍ରେୟଂଶି ନାଏକ, ସ୍ଵପ୍ନାରାଣୀ ବରାଡ଼ 
ଆଲୋଚନାରେ ଅଂଶଗ୍ରହଣ କରିଥିଲେ । ଶିଶୁ ସାହିତ୍ୟ ସଂସଦ ର ଉପଦେଷ୍ଟା ପଣ୍ଡିତ ଗୋପବନ୍ଧୁ ପୁରୋହିତ କବି କାଳିଦାସଙ୍କ ରଚିତ  ମେଘଦୂତ , ରଘୁବଂଶମ୍ ,କୁମାର ସମ୍ଭବମ ଓ ଅଭିଜ୍ଞାନ ଶାକୁନ୍ତଲମ୍ କାବ୍ୟ ଉପରେ ଛାତ୍ରଛାତ୍ରୀଙ୍କୁ ସମ୍ୟକ୍ ଧାରଣା ପ୍ରଦାନ କରିଥିଲେ ।