23-Aug-2024

ତୁଷୁରା (ପଞ୍ଚାନନ ନାଏକ) ବଲାଙ୍ଗିର ଜିଲ୍ଲା ତୁଷୁରା ଥାନାଧିକାରୀ ଶଶୀଭୂଷଣ ମିଶ୍ର  ସାଧା ପୋଷାକରେ ୱାରେଣ୍ଟି ଧରିବାକୁ ଯାଇଥିବା ବେଳେ ଦେଓଗାଁ ବ୍ରିଜ ଉପରେ ଲୋକେ ନିସ୍ତୁକ ମାଡ଼ ମରିଥିବା ଜଣାପତିଛି । ତାଙ୍କ ସହ ଥିବା କନେଷ୍ଟବଳ ଅରୁଣ ଜେନାଙ୍କୁ ଆକ୍ରମଣର ଶିକାର ହୋଇଛନ୍ତି।  ଏକ ଓ୍ବାରେଣ୍ଡି ଧରପଗଡ଼ କରିବାକୁ ଯାଇଥିବା ବେଳେ ଏଭଳି ଘଟଣା ଘଟିଥିବା ଜଣାପଡ଼ିଛି।  ସଦର ଏସଡିପିଓ ପ୍ରଦୀପ ସାହୁ ଦେଓଗାଁ ଥାନାକୁ ଯାଇ ତଦନ୍ତ ଆରମ୍ଭ କରିଛନ୍ତି ।
ସୂଚନା ଅନୁଯାୟୀ, ଗୁରୁବାର ଅପରାହ୍ନ ସାଢ଼େ ୫ଟାରେ ତୁଷୁରା ଥାନା ଅନ୍ତର୍ଗତ ଚାଣ୍ଟିପଦର ଗାଁର ଜଣେ ପୁରୁଣା ଓ୍ବାରେଣ୍ଟି ସମ୍ପର୍କରେ ଖବର ପାଇ ଥାନାଧିକାରୀ ଶ୍ରୀ ମିଶ୍ର ଏବଂ କନେଷ୍ଟବଳ ଶ୍ରୀ ଜେନା ସାଦା ପୋଷାକରେ ବାଇକ ଯୋଗେ ବାହାରିଥିଲେ। ୨୬ ନମ୍ବର ଜାତୀୟ ରାଜପଥ ବଲାଙ୍ଗିର-ଦେଓଗାଁ ରାସ୍ତାରେ ଥିବା ସୋନଗଡ଼ ବ୍ରିଜ ନିକଟରେ ବାଇକ ଅଟକାଇ ଲୋକଙ୍କ ପରିଚୟ ପଚାରୁଥିଲେ । କୌଣସି କାରଣରୁ ସେମାନେ ସ୍ଥାନୀୟ ଅଞ୍ଚଳର ଜଣେ ଯୁବକଙ୍କୁ ଗାଳିଗୁଲଜ କରିଥିଲେ। ଏହାଦେଖି ନିକଟରେ ଥିବା କେତେକ ଯୁବକ ପହଞ୍ଚିଥିଲେ। ଉଭୟ ପକ୍ଷ ମଧ୍ୟରେ ଯୁକ୍ତିତର୍କ ବଢ଼ିଥିଲା। ଉତ୍ଯକ୍ତ 
ଯୁବକମାନେ ଥାନାଧିକାରୀ ଓ କନଷ୍ଟେବଳଙ୍କୁ ନିସ୍ତୁକ ମାଡ଼ ମାରିଥିଲେ। ଥାନାଧିକାରୀ କୁଆଡ଼େ ଜଣେ ଯୁବକଙ୍କ ମୋବାଇଲ ନଦୀର ଗର୍ଭକୁ ଫିଙ୍ଗି ଦେଇଥିବା ଚର୍ଚ୍ଚା ହେଉଛି। ଖବର ପାଇ ଦେଓଗାଁ ଥାନାଧୁକାରୀ ହରିବନ୍ଧୁ ଗଡ଼ତ୍ୟା ପହଞ୍ଚି ଆହତ ପୁଲିସ୍ କର୍ମଚାରୀଙ୍କୁ ଉଦ୍ଧାର କରିଥିଲେ। ଘଟଣାକୁ ନେଇ ଦେଓଗାଁ ଅଞ୍ଚଳରେ ଚାପା ଉତ୍ତେଜନା ଲାଗିରହିଛି। ମାଡ଼ ଖାଇଥିବା ଥାନାଧିକାରୀ ଓ କନଷ୍ଟେବଳଙ୍କୁ ପ୍ରାଥମିକ ଚିକିତ୍ସା କରାଯାଇଥିବା ବେଳେ ଏହି ଘଟଣାର  ଫାଇଦା ନେଇ ୱାରେଣ୍ଟି ଜଣକ ଫେରାର ହୋଇଯାଇଥିବା ଚର୍ଚ୍ଚା ଚାଳିଛି। ଏ ସମ୍ପର୍କରେ ପୁଲିସ୍ ପକ୍ଷରୁ କୌଣସି ସ୍ପଷ୍ଟ ସୂଚନା ମିଳିପାରିନାହିଁ।