15-Aug-2024

ଡୁଙ୍ଗୁରିପାଲି, ତା,୧୫/୮-(ପ୍ରେରଣା ଖବର): ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ମାୟାବର୍ହା ଗ୍ରାମର ନୋଡାଲ ଅପର ପ୍ରାଇମେରୀ,କେଜିବିଭି ଓ ପଞ୍ଚାୟତ ଉଚ୍ଚ ବିଦ୍ୟାଳୟରେ ମିଳିତ ଭାବରେ ସ୍କୁଲ ପ୍ରାଙ୍ଗଣ ରେ ୭୮ତମ ସ୍ବାଧିନତା ଦିବସ ପାଳିତ ହୋଇଯାଇଛି। ନୋଡାଲ ଅପର ପ୍ରାଇମେରୀ ସ୍କୁଲର ପ୍ରଧାନଶିକ୍ଷୟିତ୍ରୀ ମୌନାବତୀ ଜାଲ ମୁଖ୍ୟ ଅତିଥି ଭାବରେ ଯୋଗଦେଇ ଜାତୀୟ ପତାକା ଉତ୍ତୋଳନ କରିଥିଲେ  ଓ   ନିଜ ବକ୍ତବ୍ୟ ରେ ବାପୁଜୀ ଙ୍କ ସମେତ ସମସ୍ତ ସ୍ଵାଧୀନତା ସଂଗ୍ରାମୀଙ୍କ ଦେଶ ପାଇଁ ଥିବା ସମର୍ପଣ ମନୋଭାବ କୁ ମନେପକାଇ ଛାତ୍ରଛାତ୍ରୀ ମାନେ ଜୀବନରେ କାର୍ଯ୍ୟ କରିବାକୁ ଆହ୍ବାନ ଦେଇଥିଲେ। ହାଇସ୍କୁଲ ର ପ୍ରଧାନଶିକ୍ଷକ ରବିଚନ୍ଦ୍ର ପଶାୟତ ଏକବିଂଶ ଯୁଗରେ ଭାରତକୁ ସ୍କିଲ ଓ ବିକଶିତ ଭାରତ ପାଇଁ ଥିବା ଥିବା ଆହ୍ୱାନ କୁ ଛାତ୍ରଛାତ୍ରୀ ମାନେ କିଭଳି ହୃଦୟଙ୍ଗମ କରିବେ ଓ କୁଶଳୀ ହେବେ ସେ ବିଷୟରେ  ମତବ୍ୟକ୍ତ କରିଥିଲେ। ଖେଳ ଶିକ୍ଷକ ଚୈତନ୍ୟ ବାରିକ ଓ ବରିଷ୍ଠ ଶିକ୍ଷକ ତଥା ସ୍କାଉଟ ମାଷ୍ଟର ଦୀନବନ୍ଧୁ ପ୍ରଧାନ ଉଭୟ ପ୍ୟାରେଡ ଓ ଗ୍ରାମ୍ୟ ପରିକ୍ରମା କୁ ପରିଚାଳନା କରିଥିଲେ।   ଆର୍ଟ ଶିକ୍ଷକ ଅବିନାଶ ମହାପାତ୍ର ଓ ୱାର୍ଡେନ ଚନ୍ଦ୍ରମା ମହାପାତ୍ର ଆୟୋଜିତ ହୋଇଥିବା ସାଂସ୍କୃତିକ କାର୍ଯକ୍ରମ କୁ ସଂଯୋଜନା କରିଥିଲେ। ଜୁନିୟର ରେଡ଼କ୍ରସ୍ ୟୁନିଟ ର ସ୍ବେଚ୍ଛାସେବୀ, ଶହୀଦ ଭଗତ ସିଂହ ସ୍କାଉଟ ର ସଦସ୍ୟ ତଥା  ଉଭୟ ସ୍କୁଲ ର ଶତାଧିକ ଛାତ୍ରଛାତ୍ରୀ ଆଜିର କାର୍ଯ୍ୟକ୍ରମରେ ଯୋଗଦେଇ ସ୍ଵାଧୀନତା ଦିବସକୁ ସ୍ମରଣୀୟ କରିଥିଲେ।

ଅଙ୍ଗନୱାଡି କର୍ମୀ ବହ୍ଲବୀ ବନଛୋର ଙ୍କ ନେତୃତ୍ୱରେ ଡୁଙ୍ଗୁରିପାଲି ବ୍ଲକ ସ୍ତରୀୟ କାର୍ଯ୍ୟକ୍ରମରେ ମାୟାବର୍ହା ଅଙ୍ଗନୱାଡ଼ି ତରଫରୁ ଯୋଗଦେଇଥିବା ଛାତ୍ରୀ ପ୍ରିୟା ଏବଂ ଆଦ୍ୟା ଙ୍କୁ ସାଂସ୍କୃତିକ କାର୍ଯ୍ୟକ୍ରମ ପ୍ରଦର୍ଶନ ନିମନ୍ତେ ପୁରସ୍କୃତ କରାଯାଇଥିବାରୁ ସମସ୍ତେ ବଖୁସି ପ୍ରକାଶ କରିଥିଲେ। ଶିକ୍ଷକ ନନ୍ଦିଘୋଷ ବାରିକ, ମନୋଜ କୁମାର ପୂଜାରୀ, ନରେନ୍ଦ୍ର ସାହୁ, ସଞ୍ଜୀବ କୁମାର ପୂଜାରୀ, ସଦାନନ୍ଦ ପଧାନ, ସୁଶୀଲ ସାହୁ, ବିନୋଦ କୁମାର ବେହେରା, ରାଜଲକ୍ଷ୍ମୀ ନାଥ ସାହାଦେଓ, ତୋଷମତୀ ସେଠ, କିରଣ, ଲିପି, ମିନକେତନ, ବିଭୀଷଣ, ସୁରଜ୍ ଓ ଗୋପାଳ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମରେ ସହଯୋଗ କରିଥିଲେ।