15-Aug-2024

ବରଗଡ଼/ବିଜେପୁର(ନିରଞ୍ଜନ ତ୍ରିପାଠୀ): ବରଗଡ ଜିଲ୍ଲା ବିଜେପୁର ବ୍ଲକ ଅନ୍ତର୍ଗତ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ବିଜେପୁର ଠାରେ ୭୮ତମ ସ୍ୱାଧୀନତା ଦିବସ ପାଳିତ ହୋଇଯାଇଛି। ଏହି ଅବସରରେ ବ୍ଲକ ଜନସ୍ୱାସ୍ଥ୍ୟ ଅଧିକାରୀ ଡ଼ା.ସୁଶାନ୍ତ ମେହେର ତ୍ରିରଙ୍ଗା ପତାକା ଉତ୍ତୋଳନ କରିଥିଲେ। ପରେପରେ ସମବେତ ସ୍ୱରରେ ସାମୁହିକ ଜାତୀୟ ସଂଗୀତ ଗାନ କରାଯାଇଥିଲା। ଏକ୍ରମରେ ପ୍ରସୂତି ଓ ସ୍ତ୍ରୀ ବିଭାଗ ବିଶେଷଜ୍ଞ ଡା.ପୂର୍ଣ୍ଣ ଚନ୍ଦ୍ର ମେହେର,ଡ଼ା.ବିକାଶ ବିଶି,ଡ଼ା.ସୁନିଲ ଠାକୁର,ଡ଼ା.ମିନାକ୍ଷୀ ମେହେର ମ୍ୟାଡମ, ଉପସ୍ଥିତ ସମସ୍ତ କର୍ମଚାରୀ ମାନଙ୍କୁ ଏକତା ସୂତ୍ରରେ ବାନ୍ଧି ହୋଇ ନିଜନିଜ ଦାୟିତ୍ଵ ବହନ କରିବା ପାଇଁ ଉଦବୋଧନ ଦେଇଥିବାବେଳେ, ତାଲପଦର ଗ୍ରାମରେ କାର୍ଯ୍ୟରତ ଆଶାକର୍ମୀ ଶ୍ରୀମତୀ ପ୍ରତିମା ମଲ୍ଲିକଙ୍କୁ ନିଜ ଦାୟିତ୍ୱବୋଧ ତଥା ଉତ୍ସର୍ଗୀକୃତ ସେବା ପାଇଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ବିଜେପୁର ପକ୍ଷରୁ ଡା. ମୀନାକ୍ଷୀ ମ୍ୟାଡମ ଉପଢ଼ୌକନ ଦେଇ ସମ୍ମାନୀତ କରିଥିଲେ । ପରେ ବ୍ଲକ ଜନସ୍ୱାସ୍ଥ୍ୟ ଅଧିକାରୀ ଡ଼ା. ମେହେର ଓ ପ୍ରସୂତି ଓ ସ୍ତ୍ରୀ ବିଭାଗ ବିଶେଷଜ୍ଞ ଡ଼ା.ପୂର୍ଣ୍ଣଚନ୍ଦ୍ର ମେହେର ଶ୍ରୀମତୀ ମଲ୍ଲିକଙ୍କ ଉଲ୍ଲେଖନୀୟ ସେବା ମନୋବୃତ୍ତି ପାଇଁ ମାନପତ୍ର ସହ ଟ୍ରଫି ପ୍ରଦାନ କରିଥିଲେ।୭୮ତମ ସ୍ୱାଧୀନତା ଦିବସ ଉପଲକ୍ଷେ ନାରୀ ଜାତିକୁ ସମ୍ମାନ ଦେବା ସହ ନିଜ ଗ୍ରାମ ପରିବାର ତଥା ସମାଜରେ "ଅହିଂସା ପରମ ଧର୍ମ" ର ବାର୍ତ୍ତା ପହଞ୍ଚାଇବା ପ୍ରତ୍ୟକ ମଣିଷର କର୍ତ୍ତବ୍ୟ ଅଟେ ବୋଲି ଜନସ୍ବାସ୍ଥ୍ୟ ସଂପ୍ରସାରଣ ଅଧିକାରୀ ଶ୍ରୀଯୁକ୍ତ ସୁଦାମ ଚରଣ ପାଣିଗ୍ରାହୀ ମତବ୍ୟକ୍ତ କରିଥିଲେ। ସ୍ୱାଧୀନତା ଦିବସ କୁ ସମ୍ମାନ ଜଣାଇ କୁନି ଛାତ୍ର ଅଦ୍ଵୈତ ଦେବତା ତାଙ୍କ ସୁମଧୁର ସ୍ୱରରେ ଏକ ଦେଶାତ୍ମବୋଧକ ସଙ୍ଗୀତ ଗାନ କରିଥିଲେ। ପତାକା ଉତ୍ତୋଳନରେ ଫାର୍ମାସିଷ୍ଟ ସୁଶ୍ରୀ ରେଶମୀ ନାଗ,ଷ୍ଟାଫ୍ ନର୍ସ କମଳିନୀ ସାହୁ, ଷ୍ଟାଫ୍ ନର୍ସ ପ୍ରଭାତୀ କର, ମହିଳା ସ୍ୱାସ୍ଥ୍ୟ ପରିଦର୍ଶିକା କବିତାଞ୍ଜଳୀ ଦାଶ,ନର୍ସ ଅଞ୍ଜଳୀ କୁଲୁ, କବିତା ଲୁଗୁନ, ମହିଳା ସ୍ୱାସ୍ଥ୍ୟ କର୍ମୀ ରଞ୍ଜିତା ଦାଶ,ଏଲ.ଟି ପ୍ରଦୀପ ରାଉତ, ବାସନ୍ତୀ ବାରିକ, ଅନିତା ବିଶି,ସୁପରଭାଇଜର ଅମିତ ସାହୁ,କୁମର ସାହୁ,ତପନ ସାହୁ, କ୍ଷେତ୍ରବାସୀ ସାହୁ,ଦେବେନ ପଧାନ, ରାକେଶ ଷଣ୍ଢ, କୁନା ମେହେର, ଅଜିତ ସାହୁ, ପୁଷ୍ପ,ପୁଷ୍ପା, ଚନ୍ଦନ,ଜିତେନ ସଞ୍ଜୁ ପ୍ରମୁଖ ସମସ୍ତ କର୍ମଚାରୀଗଣ ଉପସ୍ଥିତ ଥିଲେ। ଶେଷରେ ଯକ୍ଷ୍ମା ବିଭାଗୀୟ ସୁପରଭାଇଜର ଦେବାଶିଷ ଦେବତା ଧନ୍ୟବାଦ ଅର୍ପଣ କରିଥିଲେ।