15-Aug-2024

ତୁଷୁରା (ପଞ୍ଚାନନ ନାଏକ)- ବଲାଙ୍ଗୀର ଜିଲ୍ଲା ଗୁଡଭେଳାବ୍ଲକ ଓ ତୁଷୁରା ଏନଏସିର ବିଭିନ୍ନ ସରକାରୀ ଓ ବେସରକାରୀ ଅନୁଷ୍ଠାନ ପକ୍ଷରୁ ୭୮ତମ ସ୍ବାଧୀନତା ଦିବସ ମହାସମାରୋହରେ ପାଳିତ ହୋଇଯାଇଛି ।ଗୁଡ଼ଭେଲାବ୍ଳକ କାର୍ଯ୍ୟଳୟରେ ବ୍ଲକସ୍ତରୀୟ ସ୍ବାଧିନତା ଦିବସ ପାଳିତ ହୋଇଥିବା ବେଳେ ବ୍ଳକ ଅଧ୍ୟକ୍ଷା ବେବି ଦୋରା ମୁଖ୍ୟ ଅତିଥି ଭାବେ ଯୋଗଦେଇ ଜାତୀୟ ପତାକା ଉତ୍ତୋଳନ କରିଥିଲେ ।  ସେହିପରି ତୁଷୁରା ହାଇସ୍କୁଲ ପଡିଆ ଠାରେ ଏନଏସି ସ୍ତରୀୟ ସ୍ବାଧିନତା ଦିବସ ପାଳନ ହୋଇଥିବା ବେଳେ ଏନଏସି ଅଧ୍ୟକ୍ଷ ଅଜୟ କୁମାର ଜୟଶ୍ବାଳ ମୁଖ୍ଯ ଅତିଥି ଭାବେ ଯୋଗଦେଇ ଜାତୀୟ ପତାକା ଉତ୍ତୋଳନ କରିବା ସହ ମିଳିତ ପ୍ୟାରେଡରେ ଅଭିବାଦନ ଗ୍ରହଣ କରିଥିଲେ । ଏନଏସି ଉପାଧ୍ୟକ୍ଷା ମାମୀ ଦାସ, ତହସିଲଦାର ଲକ୍ଷ୍ମଣ ଅମାତ, ଥାନାଧିକାରୀ ଶଶୀଭୂଷଣ ମିଶ୍ର,  ଅବକାରୀ ଅଧିକାରୀ ଶ୍ରୀକାନ୍ତ ପାଣିଗ୍ରାହୀ  ସମ୍ମାନିତ ଅତିଥି ଭାବେ ଯୋଗ ଦେଇଥିବା ବେଳେ ଏନଏସିର ସମସ୍ତ କାଉନସିଲର ମଞ୍ଚାସିନ ଥିଲେ । ଏହି ଅବସରରେ ଆଯୋଜିତ ହୋଇଥିବା ବିଭିନ୍ନ ପ୍ରତିଯୋଗିତାରେ କୃତ ଛାତ୍ରଛାତ୍ରୀଙ୍କୁ ପୁରସ୍କାର ପ୍ରଦାନ କରାଯାଇଥିଲା । ପ୍ୟାରେଡରେ  ତୁଷୁରା ବାଳିକା ହାଇସ୍କୁଲ ପ୍ରଥମ ସ୍ଥାନ ଗ୍ରହଣ କରିଥିବା ବେଳେ ତୁଷୁରା ସରସ୍ଵତୀ ବିଦ୍ୟା ମନ୍ଦିର ରନସ ହୋଇ ଥିଲେ।