26-Jul-2024

ଭବାନୀପାଟଣା(ପ୍ରେରଣା ଖବର) ବଲାଙ୍ଗୀର ଜିଲ୍ଲା ପରେ ପଡୋଶୀ କଳାହାଣ୍ଡି ଜିଲ୍ଲାରେ ବି ଗାଁ' ଗାଁ'ରେ ମାଳ ମାଳ କ୍ବାକ୍  ନକଲି ଚିକିତ୍ସକ ଓ ବଙ୍ଗାଳୀଡାକ୍ତରଙ୍କର ତ୍ରୁଟିପୂର୍ଣ୍ଣ ଚିକିତ୍ସା ବେପାର ଚାଲିଛି । ବୁର୍ଲାରେ  ବଲାଙ୍ଗୀରର ଜଣେ ଯୁବତୀର ମୁଣ୍ଡରୁ ଚାରିବର୍ଷର  ୮୫ଟି ଛୁଞ୍ଚି ବାହାରିବା ଘଟଣାରେ କଣ୍ଟାବାଞ୍ଜି ପୁଲିସ୍  ଜାମୁଟଝୁଲାର ଛୁଞ୍ଚି ଫୋଡା ଠକଡାକ୍ତର ତେଜରାଜ ରଣାକୁ ଗିରଫ କଲା ଘଟଣା ସାରା ରାଜ୍ୟରେ ଚାଞ୍ଚଲ୍ଯ ସୃଷ୍ଟି କଲାପରେ ବି ସରକାର ଏଥିପ୍ରତି ଧ୍ୟାନ ଦେଇ ବିଭିନ୍ନ ଜିଲ୍ଲାରେ ତଥାପି ସକ୍ରିୟ ଥିବା ଠକଡାକ୍ତରଙ୍କୁ ଧରପଗଡ ଅଭିଯାନ ଆରମ୍ଭ କରି ନାହାଁନ୍ତି  ! 

ପଡୋଶୀ କଳାହାଣ୍ଡି ଜିଲ୍ଲାର କର୍ଲାମୁଣ୍ଡା ପିଏଚସି ଓ ଥାନା ଅନ୍ତର୍ଗତ କୁଶୃର୍ଲା ଗ୍ରାମରେ ଦୀର୍ଘ ପ୍ରାୟ ୧୫ ବର୍ଷଧରି ଜଣେ ବଙ୍ଗାଳୀଡାକ୍ତର ଚିକିତ୍ସା ଜାରୀ ରଖିଛି । ଉତ୍ପଳ ମଜୁମଦାର ନାମକ ଏହି ବଙ୍ଗାଳୀକ୍ବାକ୍ ଜଣକ ଗାଁ'ରେ ଏକ କ୍ଲିନିକ୍ ଖୋଲି  ଚାତର ବଡିକାଠରେ ଝୁଲାଇ ସାଲାଇନ୍ ଦେବା , ବେଡ୍ ପକାଇଥିବା , ଏଲୋପାଥି ଔଷଧ ଓ ଇଞ୍ଜେକସନ ଦେବା ସହ ମହିଳା, ଶିଶୁ ଓ ବୃଦ୍ଧବୃଦ୍ଧାଙ୍କ ସମେତ ସବୁପ୍ରକାର ରୋଗଚିକିତ୍ସା , ଅସ୍ତ୍ରୋପଚାର ଆଦି କରୁଛନ୍ତି । ଜଣେ ଗ୍ରାମର ଜଣେ ଔଷଧଦୋକାନୀ ତାଙ୍କୁ ଆଶ୍ରୟ ଓ ସୁରକ୍ଷା ଦେଉଥିବା ଦେଖାଯାଇଛି ।

ଏହିପରି ଏହିଜିଲ୍ଲାର ଅନ୍ୟାନ୍ୟ ଗାଁ'ମାନଙ୍କରେ କ୍ବାକ୍ ଓ ନକଲିଡାକ୍ତରଙ୍କ ଉପଦ୍ରବ ଜାରୀ ରହିଛି । ଏଣୁ କଳାହାଣ୍ଡି ସିଡିଏମଓ, ପ୍ରଶାସନ, ପୁଲିସ୍ ଓ ଡ୍ରଗ୍ ଇନିସପେକ୍ଟର ଏମାନଙ୍କ ବିରୁଦ୍ଧରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଲୋକେ ଦାବି କରିଛନ୍ତି ।